Banorët e Malinës në Pogradec ngrenë alarmin: Rruga e shembur ka izoluar dy lagje, rrezikohen banesat

January 10, 2026 January 10, 2026 Një situatë shqetësuese raportohet nga fshati Malinë, në njësinë administrative Trebinjë, ku shembja e plotë e rrugës ka izoluar totalisht dy lagje të fshatit. Sipas banorëve, aksi i dëmtuar ishte lidhja e vetme me rrugën kryesore, si dhe me tokat bujqësore dhe varrezat e fshatit. “Rruga është shembur fare dhe na ka lënë të izoluar. Nuk lidhemi më as me rrugën kryesore, as me tokat dhe as me varrezat”, shprehet një banor. Banorët ngrenë alarmin se situata po përkeqësohet nga dita në ditë, ndërsa rrëshqitja e dheut po avancon drejt lumit, duke rrezikuar seriozisht banesat që ndodhen në pjesën e sipërme të fshatit. “Këtu duhen marrë masa sa më parë, sepse toka po lëviz dhe rrezikon shtëpitë. Çdo ditë situata bëhet më e rrezikshme”, thekson...