Aksident në Lushnje, plagoset rëndë shoferi 30-vjeçar

Një aksident i rëndë është regjistruar në unazën e qytetit të Lushnjës këtë të premte. Një motoçikletë është përplasur me një automjet që po dilte nga ambientet e një biznesi. Si pasojë e përplasjes së fortë, drejtuesi i motoçikletës, Marjus Doksani, rreth 30 vjeç, është transportuar me urgjencë drejt spitalit në gjendje kritike për jetën. Në vendngjarje ndodhen shërbimet e qarkullimit rrugor dhe patrullat e policisë, të cilat po punojnë për sqarimin e rrethanave të aksidentit. Unaza e qytetit të Lushnjës vijon të mbetet një zonë problematike për aksidente rrugore, për shkak të numrit të madh të bizneseve të ndërtuara përgjatë saj. /vizionplus.tv