Anija me ndihma humanitare që Kosova ka ndarë për palestinezët në Gazën e shkatërruar nga lufta është nisur nga porti i Mersinit në Turqi drejt enklavës palestineze. Përmes një njoftimi në Facebook, Albin Kurti sqaroi se dërgesa në vlerën e 500 mijë eurove përfshin tenda, pako ushqimore, batanije dhe 158 mijë racione ushqimi të ngrohtë siç shkruan ai, për banorët në nevojë. Kryeministri në detyrë theksoi se qeveria e tij i kishte ndarë që në janar fondet për këtë qëllim, por dërgimi i ndihmave u mundësua vetëm tani, pas armëpushimit të arritur në tetor, me ndërmjetësimin e presidentit të Shteteve të Bashkuara, Donald Trump. Edhe pse pushimzjarri mes Izraelit dhe Hamasit është zbatuar në masë të madhe, një pjesë e mirë e infrastrukturës së Gazës...