Kancelari Merz kërcënon të bllokojë buxhetin e BE-së nëse nuk arrihet marrëveshje për financimin e Ukrainës, i dërgon letër Antonio Costa-s!

Kancelari gjerman Friedrich Merz ka paralajmëruar se do të bllokojë marrëveshjen për buxhetin e Bashkimit Europian për periudhën 2028-2034, nëse të gjitha vendet anëtare nuk angazhohen të financojnë Ukrainën gjatë vitit 2027 dhe në vitet pasuese. Sipas Financial Times, në një letër drejtuar presidentit të Këshillit Europian, Antonio Costa, Merz kërkon që të gjitha shtetet të kontribuojnë në mënyrë të barabartë për mbulimin e nevojave financiare të Kievit, i cili përballet me një mungesë prej 70 miliardë eurosh për vitin e ardhshëm. BE-ja është zotuar të mbulojë rreth 45 miliardë euro, por Hungaria, Sllovakia, Bullgaria dhe Republika Çeke kanë sinjalizuar se nuk do të japin ndihma të tjera financiare. Ultimatumi vjen përpara takimit të liderëve europianë në Dublin, të enjten dhe të premten, ku Merz...