Kanadaja mirëpret ‘anëtarësimin e asociuar’ me BE, Carney: Aleanca do të jetë ‘fener’ demokratik

Kryeministri kanadez Mark Carney ka mirëpritur ftesën që vendi i tij të bëhet "anëtari i parë i asociuar" i Bashkimit Evropian, në një fjalim të mbajtur para Parlamentit Evropian në Strasburg. "Kanadaja e mirëpret këtë ambicie. Dhe do t'ju them, sondazhet tregojnë se shumica dërrmuese e kanadezëve mbështesin lidhje shumë më të ngushta me Evropën", tha ai të enjten. Carney e portretizoi aleancën më të ngushtë BE-Kanada, si një "fener për demokracitë e tjera" të bazuar në vlera të përbashkëta dhe "mjaftueshëm të hapur sa të mund të bashkohen edhe të tjerët". Ai përmendi sigurinë energjetike, mineralet kritike, aftësitë mbrojtëse, inteligjencën artificiale dhe financat midis fushave të integrimit më të thellë. Ai tha gjithashtu se të dy palët duhet të punojnë për t'u lejuar të...