Dua Lipa zbulon librat e saj të preferuar dhe këshillon si të gjejmë më shumë kohë për lexim

Dua Lipa mund të jetë një nga yjet më të mëdha të muzikës pop në botë, me miliona dëgjime në Spotify, tri turne botërore dhe një koleksion çmimesh që përfshin shtatë BRIT Awards dhe tri Grammy, por mes angazhimeve artistike ajo gjen gjithmonë kohë për letërsinë. Që nga themelimi i klubit të librit “Service95 Book Club” në vitin 2023, këngëtarja shqiptaro-britanike është shndërruar në një zë të rëndësishëm në promovimin e leximit. Përmes platformës kulturore Service95, ajo ndan rekomandime mujore për libra dhe zhvillon intervista të gjata me autorë të njohur, mes tyre Margaret Atwood dhe Percival Everett. Këtë vit, Dua Lipa është përfshirë në përzgjedhjen dhe kurimin e programit të Festivalit të Letërsisë në Londër, që mbahet në Southbank Centre, në kuadër të programit...