Çmenduria e çmimeve, Xhixho: Në vend të politikave reale mbështetëse, qeveria Rama bën propagandë

Shqipëria po përballet me një krizë të thellë të kostos së jetesës, ku çmimet e ushqimeve bazë po rriten me ritme alarmante. Të dhënat më të fundit tregojnë se rritja e çmimeve të ushqimeve në vend është pesë herë më e shpejtë se mesatarja e Bashkimit Evropian. Ndërkohë, në një paradoks të thellë ekonomik, sektori i ndërtimit njeh një rritje 2.5 herë më të lartë, duke nxjerrë në pah një ekonomi që lulëzon në beton, por gërryen xhepat e qytetarëve për mbijetesë. Një krahasim i thjeshtë me vendet e rajonit zbulon përmasat e vërteta të kësaj krize. Greqia fqinje ka nisur një iniciativë kombëtare për uljen e çmimeve nga 7% deri në 35% për mbi 1600 produkte bazë si orizi, vaji dhe sheqeri, duke përfshirë...