Vertet qesharak deri në dhimbje ky Edi Rama që tha pardje në Berlin përsëri se anëtarësimi i Shqipërisë në BE ndodh në 2030.
Sa më shumë hajdutëria rritet dhe korrupsioni miliarder ecën përpara, aq më optimist dhe i bindur është ky se në 2030 Shqipëria do të bëhet anëtare të BE.Ngjarjet e fundit të korrupsionit në krye të qeverisë e kanë gëzuar dhe inkurajuar edhe më shumë Ramën.
Është arritje epokale që të sajosh një qeveri ku secili grabit si të mundet dhe çfarë të mundet.
Është vertet shumë “interesante” që bashkë me të mëdhenjtë ikin edhe një tufë patronazhistësh besnikë, që kanë firmosur shkresa si budallenj.
“Suksesi” me vjedhjen e parave të BE për bujqësinë e ka bindur përfundimisht Ramën se 2030 është larg.
Ndaj bëhuni gati “të festojmë” hyrjen në BE që tani për Krishtlindjet e 2025, sepse për një hajdutëri të tillë të pacipë dhe të palodhur si kjo e Ramës ka kaq nevojë BE-ja.
Category: Politikë
-
Qesharak deri në dhimbje/ Ironia e Vasilit: Me këtë hajdutëri, anëtarësimi në BE, pse jo që në Krishtlindjet e 2025
-
Balluku thirret sot nga SPAK për t’u njohur me akuzat. Zëvendëskryeministrja e Ramës nën hetim për tenderat korruptivë
Zëvendëskryeministrja dhe ministrja e Infrastrukturës dhe Energjisë, Belinda Balluku, është thirrur sot në Prokurorinë e Posaçme (SPAK), pas regjistrimit të saj si person nën hetim për shkelje të barazisë në tendera.
Burime nga organi i akuzës konfirmojnë se ftesa për paraqitje mban firmën e prokurorit të posaçëm Dritan Prençi, i cili ka kërkuar që Balluku të shoqërohet nga një avokat mbrojtës një veprim që nënkupton se ndaj saj mund të komunikohet zyrtarisht akuzë penale.
Ende nuk dihet nëse zëvendëskryeministrja do të paraqitet në ambientet e SPAK-ut, ndërsa hetimet lidhen me një sërë procedurash të zhvilluara nga ministria që ajo drejton, përfshirë tenderat publikë në sektorin e infrastrukturës dhe energjisë.
LEXO EDHE: ‘Balluku, akrobaci me trena e avionë për t’iu shmangur SPAK’/ Bardhi: Stacioni i saj fundor…burgu i grave në Pojskë
Rikutjojmë se Gazment Bardhi ka qenë ndër të parët brenda opozitës që ka denoncuar publikisht abuzimet dhe aferat korruptive të lidhura me emrin e Belinda Ballukut.
Ai ka publikuar më herët dokumente dhe kontrata që provojnë mënyrën se si janë shpërndarë fondet publike në projektet strategjike të qeverisë, me qëllim përfitimin e klientelës së ngushtë politike të mazhorancës.
Sipas Bardhit, dosjet për Ballukun në SPAK janë me dhjetëra, dhe një prej tyre ka hyrë tashmë në fazën zyrtare të hetimit. Bardhi paralajmëron se prokurori Dritan Prençi ndodhet nën presion të madh nga nivele të larta të pushtetit dhe nga eksponentë të lidhur me interesat e qeverisë.
LEXO EDHE: Belinda Balluku merret e pandehur? Gazment Bardhi 5 pyetje drejtuar SPAK
Ai ka ngritur pesë pyetje të drejtpërdrejta ndaj SPAK, duke kërkuar sqarime për:
statusin e hetimit ndaj Ballukut,
ndërhyrjet e mundshme nga Kryeministri Rama,
organizimin e aktiviteteve ndërkombëtare për shmangien e paraqitjes,
mbrojtjen e prokurorit të çështjes,
dhe transparencën e drejtuesve të SPAK për ecurinë e dosjeve të korrupsionit.
-
Numri 2 i Qeverisë nën hetim/ SPAK i kërkon Belinda Ballukut të paraqitet sot, për t’u njohur me akuzat
Prokuroria e Posaçme (SPAK) ka regjistruar emrin e zëvendëskryeministres Belinda Balluku si person nën hetim për akuzën e shkeljes së barazisë në tendera.
Balluku është thirrur të paraqitet sot në ambientet e SPAK, e shoqëruar nga një avokat mbrojtës, por ende nuk dihet nëse ajo do të paraqitet në ambientet e Prokurorisë së Posaçme.
Ftesa për paraqitje mban firmën e prokurorit të posaçëm Dritan Prençi, i cili ka kërkuar që zëvendëskryeministrja të jetë e asistuar nga një avokat një praktikë që nënkupton se ndaj saj mund të komunikohet zyrtarisht një akuzë penale.
Belinda Balluku mban detyrën e zëvendëskryeministres që prej korrikut 2022, si dhe atë të ministres së Infrastrukturës dhe Energjisë që nga janari 2019. -
Drejtësia jep ‘llogari’ në Kuvend! Dumani përballë Berishës që prej dosjes ‘Partizani’
Altin Dumani
TIRANË-Kuvendi i Shqipërisë do të mblidhet sot në një seancë plenare. Seanca është caktuar të mbahet në orën 10:00. Në rendin e ditë është përcaktuar ngritja e komisionit të posaçëm për Reformën Zgjedhore, për Reformën Adminstrativo-Territoriale, si edhe raportimi i veprimtarisë së Prokurorisë së Përgjithshme, ILD-së dhe KLGJ-së.
Kjo seancë shënon përballjen e parë mes kryetarit të PD, Sali Berisha dhe drejtuesit të SPAK-ut, Altin Dumani, prej momentit që Prokuroria e Posaçme ngriti akuzën për korrupsion ndaj liderit të opozitës. Dumani do t’u përgjigjet në parlament pyetjeve të deputetëve për veprimtarinë e këtij institucioni.
Ndërkohë Partia Demokratike i ka dërguar një letër kryeparlamentarit Peleshi, ku shpjegon se në bazë të rregullores deputetët demokratë do të shpjegojnë vetë pyetjet për drejtuesit e institucioneve./ZËRI -
“Nuk shkojnë te Rama për ideal por për interesa të.. ”, deputeti i PD komenton largimet nga opozita
“Nuk kanë shkuar te Partia Socialiste për ideal, por për interesat e tyre të ngushta”.
Kështu komentoi deputeti demokrat Xhelal Mziu largimet nga opozita të ditëve të fundit, i ftuar në studion e “Terminal” nga Aurora Sulçe, në A2 CNN.
“Këta persona nuk kanë ikur se nuk e kanë gjetur veten te Partia Demokratike, por kanë parë interesin e tyre personal. Së dyti, kemi sot një kryeministër që nuk heq dorë nga vesi i tij për të blerë edhe atëherë kur ka nevojë. Ky blen vota dhe qytetarë. Kjo është garniturë e përdorur nga kryeministri për të intimiduar pjesën tjetër të demokratëve dhe për të thënë që demokratët duan të jenë pjesë e qeverisë. Por, theksoj se këto raste nuk e prishin imazhin e opozitës”, theksoi më tej Mziu.
Sipas tij, opozita ka primare denoncimin e “krimit, korrupsionit dhe qeverisjes skandaloze që kemi sot në Shqipëri”. -
Nga zyrat e Berishës drejt bashkive të Ramës/ Gazetari: Baza e PD, e zhgënjyer
Gazetari Anesti Barjamemaj komentoi për ‘Newsroom’ zhvillimet e fundit në selinë blu dhe rrokadën institucionale të demokratëve nga zyrat e Berishës në bashkitë e Ramës.
Barjamemaj tha se baza e demokratëve ka qenë e lodhur prej shumë kohësh dhe se drejtuesit e saj po zhgënjehen. Më tej, gazetari shtoi se pranimi i ofertave nga demokratët drejt posteve të ofruara nga partia në pushtet do të krijojë një frymë të re në PD duke e dëmtuar atë.
” Baza ka qenë e lodhur prej kohësh, problemi është që po ajka e PD dhe drejtuesit e saj po zhgënjehen. Kjo tregon që demokratët kanë qenë të etur për pak pushtet dhe cdo gjë që u ofrohet e pranojnë, kjo ka ndodhur dhe në Vlorë dhe Elbasan.
Zheni Gjergji ka pasur komisionin e shëndetësisë, ka denoncuar shumë skandale, ka bërë dhe interpelancë dhe tashmë atë sistem që e sulmonte është koka e sistemit. Kjo gjë e dëmton PD sepse krijon dhe frymën në PD që cdo ofertë që vjen shkoni. Mund të ketë një rrjedhje masive nëse vijon kjo gjë.” -
Drejtësia raporton sot në Kuvend, pritet të votohet ngritja e Komisioneve të Reformës Zgjedhore dhe Territoriale
Kuvendi do të mblidhet sot në orën 10:00 për seancën e radhës plenare, e cila pritet që të jetë maratonë për shkak të raportimit të institucioneve të drejtësisë.
Në fillim është parashikuar ngritja e Komisioneve të Posaçme për Reformën Zgjedhore dhe atë Territoriale, për të cilat maxhoranca dhe opozita kanë arritur dakordësi në barazinë mes anëtarëve, bashkëkryetarëve dhe marrjen e ekspertizës ndërkombëtare, aty ku do të jetë e nevojshme.
Më pas në rend dite është raportimi i kreut të Prokurorisë së Përgjithshme, Olsian Çela për gjendjen e kriminalitetit për vitin 2024. Në vijim pritet që të raportojnë Altin Dumani për veprimtarinë e Prokurorisë së Posaçme që ai drejton. Më pas Artur Metani do të raportojë për ILD-në, si dhe raporti i KLGJ dhe KLP.
I pranishëm nuk do të jetë Gazment Bardhi pasi u përjashtua për dy javë për shkak të përplasjes në seancën e kaluar me kreun e Kuvendit, Niko Peleshi. Kreu i Grupit Parlamentar të PD-së i ka dërguar edhe një shkresë Peleshit, ku i kërkonte të shmangë të gjitha provokimet ndaj deputetëve.
‘Çdo ndryshim i njëanshëm nga Kuvendi i të drejtave të deputetëve të pakicës, apo interpretimit 34 vjeçar të Rregullores së Kuvendit, është atentat ndaj parlamentarizimit dhe asgjesim i të drejtave të opozitës parlamentare, dhe për pasojë është dhe do të jetë i papranueshëm për deputetët e opozitës.’, thuhet në letrën e grupit të PD. -
Dumani dhe Çela raportojnë sot në Kuvend, pritet të votohet ngritja e Komisioneve të Reformës Zgjedhore dhe Territoriale
Kuvendi do të mblidhet sot në orën 10:00 për seancën e radhës plenare, e cila pritet që të jetë maratonë për shkak të raportimit të institucioneve të drejtësisë.
Në fillim është parashikuar ngritja e Komisioneve të Posaçme për Reformën Zgjedhore dhe atë Territoriale, për të cilat maxhoranca dhe opozita kanë arritur dakordësi në barazinë mes anëtarëve, bashkëkryetarëve dhe marrjen e ekspertizës ndërkombëtare, aty ku do të jetë e nevojshme.
Më pas në rend dite është raportimi i kreut të Prokurorisë së Përgjithshme, Olsian Çela për gjendjen e kriminalitetit për vitin 2024. Në vijim pritet që të raportojnë Altin Dumani për veprimtarinë e Prokurorisë së Posaçme që ai drejton. Më pas Artur Metani do të raportojë për ILD-në, si dhe raporti i KLGJ dhe KLP.
I pranishëm nuk do të jetë Gazment Bardhi pasi u përjashtua për dy javë për shkak të përplasjes në seancën e kaluar me kreun e Kuvendit, Niko Peleshi. Kreu i Grupit Parlamentar të PD-së i ka dërguar edhe një shkresë Peleshit, ku i kërkonte të shmangë të gjitha provokimet ndaj deputetëve.
‘Çdo ndryshim i njëanshëm nga Kuvendi i të drejtave të deputetëve të pakicës, apo interpretimit 34 vjeçar të Rregullores së Kuvendit, është atentat ndaj parlamentarizimit dhe asgjesim i të drejtave të opozitës parlamentare, dhe për pasojë është dhe do të jetë i papranueshëm për deputetët e opozitës.’, thuhet në letrën e grupit të PD. -
Priten debate/ Mblidhet sot Kuvendi, raportojnë krerët e institucioneve të drejtësisë
Kuvendi i Shqipërisë zhvillon sot një seancë ku do të dëgjohen raportimet vjetore të institucioneve të drejtësisë dhe atyre të pavarura.
Në seancë do të marrë pjesë edhe drejtuesi i SPAK, Altin Dumani, i cili do t’u përgjigjet pyetjeve të deputetëve për punën e institucionit që ai drejton. Kjo pritet të jetë edhe përballja e parë në sallën e Kuvendit mes kreut të Partisë Demokratike, Sali Berisha, dhe drejtuesit të SPAK-ut.
PD ka njoftuar se deputetët e saj do t’i parashtrojnë vetë pyetjet për drejtuesit e institucioneve, sipas rregullores, duke kundërshtuar mënyrën e seancës së kaluar kur kryetari i Kuvendit, Niko Peleshi, nuk lejoi leximin e pyetjeve në sallë.
Sot pritet të raportojnë gjithashtu Prokurori i Përgjithshëm, Inspektori i Lartë i Drejtësisë, Këshilli i Lartë i Prokurorisë dhe Këshilli i Lartë Gjyqësor.
Në rend dite është edhe votimi për ngritjen e komisioneve të reformës territoriale dhe zgjedhore, ku është arritur marrëveshje mes mazhorancës dhe opozitës për barazi anëtarësh në përbërje.
