Lajmidites.com

Category: Politikë

  • PS rrëzoi ngritjen e dy Komisioneve Hetimore, Bardhi: Duan të asgjësojnë parlamentin siç bënë me zgjedhjet e 11 majit

    PS rrëzoi ngritjen e dy Komisioneve Hetimore, Bardhi: Duan të asgjësojnë parlamentin siç bënë me zgjedhjet e 11 majit

    Grupi Parlamentar i Partisë Demokratike ka zhvilluar një mbledhje sa i përket ngritjes së dy Komisioneve Hetimore për zgjedhjet e 11 majit, e cila u refuzua nga Partia Socialiste.

    “Refuzimi nga Edi Rama i të drejtës së opozitës, për ngritjen e dy Komisioneve Hetimore për farsën zgjedhore të 11 Majit dhe aferën personale me “McGonigal”, është një akt antikushtetues që asgjeson një nga funksionet kryesore të Kuvendit – atë të kontrollit parlamentar. Përmes këtij akti Edi Rama nuk asgjeson vetëm të drejtat kushtetuese të opozitës, por vetë parlamentarizmin.
    Komisionet Hetimore parlamentare janë instrument i transparencës, jo i bllokimit politik. Ne kërkojmë standardet që ka çdo vend i BE-së, asgjë më shumë. Integrimi europian nuk është ceremoni në Bruksel, por pastrim i korrupsionit brenda qeverisë së Tiranës. Shqipëria nuk mund të ketë imazh europian me standarde afrikane.
    Parlamenti nuk duhet të jetë vendi i propagandës së qeverisë, por vendi ku opozita kontrollon, kërkon llogari, nxjerr përgjegjësi. Opozita nuk do të bëhet kurrë një stoli e një bande që pasi asgjesuan zgjedhjet e barabarta dhe të lira, duan të asgjesojnë edhe Parlamentin”, shkruan Bardhi.

    Top Channel

  • Refuzimi nga mazhoranca i dy Komisioneve Hetimore të opozitës, Bardhi: Parlamenti nuk duhet të jetë vendi i propagandës së qeverisë

    Refuzimi nga mazhoranca i dy Komisioneve Hetimore të opozitës, Bardhi: Parlamenti nuk duhet të jetë vendi i propagandës së qeverisë

    Grupi Parlamentar i PD-së ka reaguar pas refuzimit nga mazhoranca të dy kërkesave të opozitës për ngritjen e Komisioneve Hetimore Parlamentare, që synonin hetimin e farsës zgjedhore të 11 majit dhe aferës “McGonigal”.

    Në një reagim publik, kryetari i Grupit Parlamentar, Gazment Bardhi, thekson se ky veprim i Edi Ramës përbën një akt të rëndë antikushtetues, që godet një nga funksionet themelore të Kuvendit, kontrollin parlamentar ndaj qeverisë.

    Sipas Bardhit, përmes këtij vendimi, mazhoranca jo vetëm që mohon të drejtat kushtetuese të opozitës, por synon të asgjësojë vetë frymën e parlamentarizmit dhe të mbyllë çdo hapësirë për transparencë dhe llogaridhënie.

    Ai nënvizon se komisionet hetimore nuk janë instrumente politike, por mjete demokratike për të garantuar përgjegjshmëri dhe standarde europiane në qeverisje.

    “Parlamenti nuk duhet të jetë vendi i propagandës së qeverisë, por vendi ku opozita kërkon llogari dhe kontrollon pushtetin,” – shprehet Bardhi, duke theksuar se PD nuk do të pranojë kurrë që Kuvendi të kthehet në dekor të një pushteti që tenton të shuajë zërin e opozitës dhe demokracinë parlamentare.

    REAGIM:

    Refuzimi nga Edi Rama i të drejtës së opozitës, për ngritjen e dy Komisioneve Hetimore për farsën zgjedhore të 11 Majit dhe aferën personale me “McGonigal”, është një akt antikushtetues që asgjeson një nga funksionet kryesore të Kuvendit – atë të kontrollit parlamentar. Përmes këtij akti Edi Rama nuk asgjeson vetëm të drejtat kushtetuese të opozitës, por vetë parlamentarizimin.
     
    Komisionet Hetimore parlamentare janë instrument i transparencës, jo i bllokimit politik. Ne kërkojmë standardet që ka çdo vend i BE-së, asgjë më shumë. Integrimi europian nuk është ceremoni në Bruksel, por pastrim i korrupsionit brenda qeverisë së Tiranës. Shqipëria nuk mund të ketë imazh europian me standarde afrikane.
     
    Parlamenti nuk duhet të jetë vendi i propagandës së qeverisë, por vendi ku opozita kontrollon, kërkon llogari, nxjerr përgjegjësi. Opozita nuk do të bëhet kurrë një stoli e një bande që pasi asgjesuan zgjedhjet e barabarta dhe të lira, duan të asgjesojnë edhe Parlamentin.

  • “Muçi – Naçi – Baçi”! Mbledhja historike e KPD-Nano 3 ditë debat me anëtarët e PS: 3 ministra dhanë dorëheqjen

    “Muçi – Naçi – Baçi”! Mbledhja historike e KPD-Nano 3 ditë debat me anëtarët e PS: 3 ministra dhanë dorëheqjen

    Fatos Nano dhe Bashkim Fino

    TIRANË-Fatos Nano, i cili u nda nga jeta një ditë më parë (31 tetor) do të kujtohet si një figurë që la ndikim të fortë në jetën publike dhe në kulturën politike të vendit.
    Nano drejtoi jo përmes forcës së pushtetit, por u imponua përmes betejave të brendshme, duke u tërhequr, për t’u rikthyer në majë, me forcën e votës dhe mbështetjen e anëtarësisë. Kjo metodë mori kuptim edhe në mbledhjen e jashtëzakonshme të Komitetit të Përgjithshëm Drejtues të Partisë Socialiste, KPD në datat 3-5 dhjetor 2001, e cila do të mbahet mend si shembulli më i mirë i vërtetimit të luftës për pushtet brenda partive politike shqiptare. 
    Ish-kryeministri Fatos Nano, asakohe kishte filluar që pas gushtit 2001 kur Ilir Meta u votëbesua sërish si kryeministër i Shqipërisë, të sulmonte ashpër kabinetin qeveritar “Meta 2” për korrupsion, shpërdorim detyre, lidhje me krimin e organizuar, etj. Në shënjestër kryesore, Nano vendosi Metën dhe disa udhëheqës të Partisë Socialiste. Një prej mbledhjeve e cila mund të konsiderohet historike për shkak dhe të akuzave dhe kundër akuzave të forta mes dy kampeve në Partinë Socialiste të vitit 2001 zgjati plot 3 ditë nga data 03 dhjetor deri me 5 dhjetor 2001. 
    Në KPD-në e famshme të dhjetorit 2001 dhanë dorëheqjen tre ministrat e qeverisë Meta, e më konkretisht: Ministri i Financave Anastas Aangjeli; Ministri i Ekonomisë Publike dhe Privatizimit Mustafa Muçi; Ministri i Punëve Publike dhe Turizmit Bashkim Fino.
    Fatos Nano: Kryeministri Ilir Meta, po e drejton qeverinë dhe Shqipërinë, në mënyrë fashiste, duke bërë lidhje vertikale direkte nga zyrat e tij në zyrën e agjensive të specializuara të shtetit, nga policia deri tek Gjykata apo Prokuroria, jashtë vëmendjes së drejtuesve të institucioneve që japin llogari para popullit dhe para ligjit”. Unë nuk do të lejoj, që qeverisja të shkatërohet e sundohet prej Ilir Metës, për shkak të presionit ekzekutiv dhe policor ndaj forumeve të partisë duke i diktuar të heshtin, me metodat që po ushtron Ilir Meta, po e përsëris, që po drejton në mënyrë fashiste.
    Fatos Nano:  Ndërkaq ky largim i yni, ty Bashkim, ty Arben e shumë shokë të tjerë iu ndihmoi të dilni nga goditja e zjarrit të opozitës dhe të opozitës brenda partisë. Pra ne ia kemi marrë dorën ndryshimit të qeverive me kontribute të brendshme dhe pikërisht për shkak të rehabilitimit të imazhit tënd në rreth një vit që qëndruam jashtë qeverisë, ti u riktheve natyrshëm në qeveri, tani nuk është më faji im, as i ndonjë opozite brenda partisë, që ti je sërish mjaft sensibël në opinion politik në parti dhe në opinion publik që na voton. Unë nuk të ndihmoj dot më, aq më pak sot e tutje, se të kam këshilluar drejtpërdrejt largohu nga Miri i Xhikes se Miri i Xhikes nuk është shoku yt. 
    “Shoku Fatos sulmon këtu Mirin e Xhikes. Po atje shkojë të gjithë me familjet tona, ku pushojmë e pijmë kafe”, tha Hajdaraga duke mbrojtur në mënyrë të hapur personazhin e përmendur nga Nano.
    “Miri i Xhikes” është pseudonimi i shtetasit Fatmir Rama, i cilësuar si një nga të fortët e rrugës së elbasanit, por edhe si drejtues I një rrjeti trafiku droge. Gjithashtu biznesmen dhe pronar i ish-kartodromi në Tiranë. Mbeti i vrarë me 29 mars të vitit 2003. Për vrasjen e tij u dënua me burg Lavdrim Tufa.
    Por kryetari i PS-së ishte në offensive dhe prej gojës së tij doli trioja deri përqeshëse “Muçi-Naçi-Baçi” *falë tre ç-ve), siç i quajti ai Mustafa Muçin, Anastas Angjelin dhe Bashkim Finon. Prej asaj dite, këto figura politike morën një goditje që kurrë nuk i ngriti dhe nuk iu dha mundësinë të rikuperonin reputacionin që mbanin deri atëherë.

  • Kuvendi i lë 13 detyra BSH: Monitoroni kredinë për pasuritë e paluajtshme, kujdes me ndërhyrjet në tregun valutor

    Kuvendi i lë 13 detyra BSH: Monitoroni kredinë për pasuritë e paluajtshme, kujdes me ndërhyrjet në tregun valutor

    Kuvendi i ka lënë një sërë rekomandimesh Bankës së Shqipërisë për t’u përmbushur brenda muajve të mbetur të vitit, me synim forcimin e stabilitetit financiar dhe mbrojtjen e konsumatorëve.
    Ndër detyrat kryesore të përcaktuara në rezolutën e miratuar është shtimi i kontrollit ndaj kreditimit në sektorin e ndërtimit dhe projekteve të mbështetura me pasuri të paluajtshme.
    Bankës së Shqipërisë i kërkohet të sigurojë një vlerësim më konservator të kolateralit dhe aftësisë paguese, me qëllim shmangien e përqendrimit të rrezikut si dhe ruajtjen e stabilitetit në këtë sektor.
    Rekomandim tjetër është adoptimi i një qasje me të matur ndaj ndërhyrjeve në tregun e këmbimit valutor, duke i kufizuar ato vetëm në raste të domosdoshme, me qëllim ruajtjen e funksionit vetërregullues të kursit të këmbimit dhe të ekuilibrave makroekonomikë.
    Rezoluta parashikon rritjen e kontrollit mbi zyrat e këmbimit valutor dhe institucionet financiare jo banka, për të parandaluar pastrimin e parave, si dhe zhvillimin e analizave për rreziqet klimatike në sistemin bankar. Një tjetër detyrë është forcimi i bashkëpunimit me institucionet për mbrojtjen e konsumatorëve dhe luftën kundër dizinformimit financiar.
    Në të njëjtën kohë, Kuvendi ka adresuar tre detyra për Këshillin e Ministrave, që lidhen me vendosjen e tavaneve për normat e interesit dhe penalitetet për kreditë konsumatore, ndryshimin e Kodit Civil dhe rishikimin e ligjit për shërbimin përmbarimor privat.

  • Në mbështetje të Florjan Binajt, Salianji në Kombinat: Prej 9 vitesh të lënë në harresë, banorët jetojnë mes mbeturinave

    Në mbështetje të Florjan Binajt, Salianji në Kombinat: Prej 9 vitesh të lënë në harresë, banorët jetojnë mes mbeturinave

    Anëtari i Kryesisë së PD, ish-deputeti Ervin Salianji ka zhvilluar një takim me banorët e rrugës “Konferenca e Pezës” në Kombinat, të cilët prej nëntë vitesh ankohen për mungesën e kujdesit nga bashkia dhe qeveria.

    Salianji ka ndarë rrjetet sociale pamjet nga takimi duke theksuar se banorët jetojnë mes mbeturinave dhe erës së rëndë, ndërsa akuzon institucionet për propagandë fasadash dhe premtime të pambajtura.

    “Pavarësisht ankesave të vazhdueshme asnje zgjidhje! Kjo është Tirana reale, jo ajo që shfaqet në reklamat e pushtetit! Banorët kërkojnë zgjidhje, siguri dhe dinjitet, jo mashtrime e foto me bojë mbi rrënoja”, shkruan Salianji.

    Demokrati kërkon votat e qytetarëve në mbështetje të kandidatit të pavarur por të mbështetur nga opozita, Florjan Binaj.

    Postimi i Salianjit:

    Banorët e rrugës “Konferenca e Pezës” në Kombinat janë dëshmitarë prej 9 vitesh të papërgjegjshmërisë së Edi Ramës dhe bashkisë së tij!

    Çdo ditë shohin propagandën e fasadës, ndërsa jetojnë mes mbeturinave, erës së rëndë dhe një grope të madhe që është rrezik për jetën e qindra banorëve. Pavarësisht ankesave të vazhdueshme asnje zgjidhje!

    Kjo është Tirana reale, jo ajo që shfaqet në reklamat e pushtetit!

    Banorët kërkojnë zgjidhje, siguri dhe dinjitet, jo mashtrime e foto me bojë mbi rrënoja.

    Me #Florian Binaj

  • Rama në SPAK? Gazetarja Lala: Shigjeta drejtohet nga kryeministri, nuk është e largët dita kur…

    Rama në SPAK? Gazetarja Lala: Shigjeta drejtohet nga kryeministri, nuk është e largët dita kur…

    Gazetarja Klodiana Lala ka deklaruar se nuk është e largët dita kur emri i kryeministrit Edi Rama do të mbërrijë në SPAK, qoftë edhe për tu pyetur. E ftuar në emision Lala u shpreh se ende nuk dihet se për cilën çështje do të thirret Rama. Lala tha më tej se emri i Ramës përmendet nga Ahmetaj, edhe në çështjen “McGonigal”.
    “Emri i Ramës përmendet nga Ahmetaj, edhe në çështjen “McGonigal”, nuk e shoh të largët ditën që emri i kryeministrit do të mbërrijë në SPAK, qoftë edhe për t’u pyetur. Ka një logjikë, nisi me Alqi Bllakon, Kokën, Beqajn, Çyrbjan, Veliajn, Metën e Veliaj, kur shkon te Balluku që është një shkallë më poshtë se Rama , shigjeta drejtohet nga Rama”, tha Klodjana Lala.

  • Salianji në mbështetje të Florjan Binajt, takim me banorët

    Salianji në mbështetje të Florjan Binajt, takim me banorët

    Anëtari i Kryesisë së PD, ish-deputeti Ervin Salianji ka zhvilluar një takim me banorët e rrugës “Konferenca e Pezës” në Kombinat, të cilët prej nëntë vitesh ankohen për mungesën e kujdesit nga bashkia dhe qeveria.
    Salianji ka ndarë rrjetet sociale pamjet nga takimi duke theksuar se banorët jetojnë mes mbeturinave dhe erës së rëndë, ndërsa akuzon institucionet për propagandë fasadash dhe premtime të pambajtura.
    “Pavarësisht ankesave të vazhdueshme asnje zgjidhje! Kjo është Tirana reale, jo ajo që shfaqet në reklamat e pushtetit! Banorët kërkojnë zgjidhje, siguri dhe dinjitet, jo mashtrime e foto me bojë mbi rrënoja”, shkruan Salianji.
    Demokrati kërkon votat e qytetarëve në mbështetje të kandidatit të pavarur por të mbështetur nga opozita, Florjan Binaj.
    Postimi i Salianjit
    Banorët e rrugës “Konferenca e Pezës” në Kombinat janë dëshmitarë prej 9 vitesh të papërgjegjshmërisë së Edi Ramës dhe bashkisë së tij!
    Çdo ditë shohin propagandën e fasadës, ndërsa jetojnë mes mbeturinave, erës së rëndë dhe një grope të madhe që është rrezik për jetën e qindra banorëve. Pavarësisht ankesave të vazhdueshme asnje zgjidhje!
    Kjo është Tirana reale, jo ajo që shfaqet në reklamat e pushtetit!
    Banorët kërkojnë zgjidhje, siguri dhe dinjitet, jo mashtrime e foto me bojë mbi rrënoja.
    Me #Florian Binaj

  • Ndarja nga jeta e Nanos, ish-kryeministri grek: Ishte një udhëheqës i tranzicionit, një mik dhe një urë për Ballkanin

    Ndarja nga jeta e Nanos, ish-kryeministri grek: Ishte një udhëheqës i tranzicionit, një mik dhe një urë për Ballkanin

    Nga Jorgos A. Papandreu (Ish-kreu i PASOK dhe ish-Kryeministër i Greqisë)
    Lajmi për ndarjen nga jeta të Fatos Nanos më mbush me pikëllim dhe reflektim të thellë. Fatosi nuk ishte vetëm një udhëheqës politik me rëndësi historike për Shqipërinë, por edhe një mik personal, si dhe një socialdemokrat me të cilin ndanim bindjen se rajoni ynë mund të kapërcejë të kaluarën e dhimbshme dhe të ndërtojë së bashku një të ardhme demokratike dhe evropiane.
    E njoha Fatosin në fillim të viteve ’90, në një periudhë kur Shqipëria po dilte nga nata e gjatë e totalitarizmit. Ai i përkiste asaj gjenerate të parë, të guximshme reformatorësh që besonin se liria, demokracia dhe drejtësia sociale mund të zinin rrënjë në një shoqëri që kishte njohur vetëm izolim dhe shtypje. Fatos Nano i dha zë aspiratave demokratike dhe evropiane të popullit shqiptar, duke udhëhequr transformimin e ish-Partisë së Punës në Partinë Socialiste të Shqipërisë, e cila u bë forca kryesore e rilindjes së vendit.
    Rrugët tona u kryqëzuan më fort gjatë një prej momenteve më të vështira të historisë moderne të Shqipërisë — gjatë krizës së vitit 1997, kur kolapsi i skemave piramidale e zhytën vendin në kaos. Ndërsa Fatos Nano ishte në burg gjatë pjesës më të madhe të kësaj periudhe të trazuar, ai u lirua pas zbutjes së dhunës dhe tronditjeve politike. Pas lirimit të tij në qershor 1997, ai mori detyrën e kryeministrit dhe luajti një rol vendimtar në rivendosjen e rendit demokratik dhe autoritetit shtetëror.
    Në atë kohë, kur Greqia mbante Presidencën e Këshillit të Europës, unë (si Zëvendësministër i Jashtëm) bashkëpunova ngushtë me Nanon dhe institucionet shqiptare për të ndihmuar në konsolidimin e stabilitetit dhe shtetit të së drejtës.
    Isha dëshmitar i vendosmërisë së tij për të parandaluar rrëshqitjen e Shqipërisë në konflikt civil dhe i guximit të tij për të rivendosur autoritetin legjitim.
    Pak njerëz jashtë Shqipërisë mund të kuptojnë sa e madhe ishte ajo sfidë — dhe sa vendimtare ishte udhëheqja e tij për të mbajtur të gjallë kursin demokratik të vendit.
    Vendosmëria e tij për ta çuar vendin përpara, për të nxitur pajtimin dhe për të rikthyer besimin tek institucionet publike ishte e dukshme gjatë gjithë asaj periudhe të vështirë.
    Udhëheqja e tij, në një moment kur e ardhmja demokratike e Shqipërisë varej në fije të perit, u tregua vendimtare për ta mbajtur kombin në rrugën e rimëkëmbjes dhe reformave.
    Fatos Nano ishte një njeri i mendimit dhe i bindjeve të thella. Me profesion ekonomist, ai kuptonte rrënjët strukturore të tranzicionit — nevojën për reforma, por edhe për mbrojtje sociale. Ai besonte se demokracia pa dinjitet është e paplotë. Më fliste shpesh për vizionin e tij për Shqipërinë si një demokraci moderne evropiane, të integruar në familjen evropiane dhe transatlantike, por të rrënjosur në traditat e saj të qëndrueshmërisë dhe krenarisë. Në këtë kuptim, ai ishte një socialdemokrat i vërtetë — duke ndërlidhur lirinë me solidaritetin.
    Ai përjetoi përndjekje dhe burgosje pas ndryshimit të regjimit, por u rikthye në jetën publike jo me hidhërim, por me bindjen se pajtimi ishte i domosdoshëm për shërimin e kombit të tij. Karriera e tij e gjatë politike, me ngritjet dhe uljet e saj, pasqyron udhëtimin e trazuar të vetë popullit shqiptar: nga izolimi drejt hapjes, nga varfëria drejt shpresës, nga mosbesimi drejt bashkëpunimit. Nën drejtimin e tij, Shqipëria bëri hapa vendimtarë drejt Bashkimit Evropian, forcoi institucionet e saj dhe nisi procesin e reformave gjyqësore dhe administrative.
    Miqësia jonë u ndërtua mbi një mirëkuptim të përbashkët: se paqja dhe përparimi në Ballkan varen nga dialogu, respekti i ndërsjellë dhe bashkëpunimi rajonal. Fatosi dhe unë punuam së bashku për ta promovuar këtë vizion — të një Ballkani që nuk shikon më me frikë brenda vetes, por me besim drejt botës. Ai besonte, ashtu si unë, se demokracia dhe drejtësia sociale janë të pandashme nga paqja dhe marrëdhëniet e fqinjësisë së mirë.
    Sot, ndërsa e kujtojmë, duhet të nderojmë edhe trashëgiminë e tij: guximin për të udhëhequr në kohë pasigurie, vullnetin për të bërë kompromis në emër të paqes dhe besimin se popujt tanë mund të kapërcejnë ndarjet e historisë.
    Shqipëria ka humbur një nga themeluesit e epokës së saj postkomuniste. Ballkani ka humbur një zë të maturisë dhe arsyes. Dhe unë kam humbur një mik të dashur.
    Qoftë i përjetshëm kujtimi i tij — dhe qoftë jeta e tij një kujtesë se edhe në kohët më të vështira, udhëheqja e udhëhequr nga parimet mund t’i ndihmojë kombet të gjejnë rrugën e tyre drejt demokracisë dhe shpresës.

  • Lirimi i hapësirave publike, Rama publikon pamje nga Rinasi: Vijojmë punën…

    Lirimi i hapësirave publike, Rama publikon pamje nga Rinasi: Vijojmë punën…

    Kryeministri Edi Rama ka publikuar pamje nga aksioni për lirimin e hapësirave publike, kësaj radhe në Rinas, ku po punohet për lirimin e trotuareve, rrugëve dhe hapësirave publike të zaptuara.
    Në postimin e tij në rrjete sociale, Rama thekson se aksioni kundër zaptimit të hapësirave publike vijon me vendosmëri.
    “Vijojmë punën për të liruar trotuaret, rrugët dhe hapësirat publike të zaptuara”, shkruan kryemininisti krahas pamjeve.

  • ‘Ky është dëbim’/ Projekti TID shemb historinë e dhjetra familjeve në Durrës

    ‘Ky është dëbim’/ Projekti TID shemb historinë e dhjetra familjeve në Durrës

    Në qendrën historike të Durrësit, dhjetra banorë janë rritur dhe plakur në shtëpitë e tyre. Por tani, qeveria po i nxjerr në rrugë për të zhvilluar një projekt rijetëzimi, në këmbim të dëmshpërblimeve disafish më të ulëta se vlera e tregut. Në rrugën që përshkon qendrën historike të Durrësit, gjurmët e historisë rrethohen nga kaosi i tranzicionit. Mes amfiteatrit antik, forumit dhe termave romake gjenden ndërtesa të ngritura në dekada të ndryshme.

    Shumë prej këtyre banesave kanë mbijetuar më shumë se një shekull, por tashmë do të shemben për t’i hapur rrugë një projekti rijetëzimi, të njohur si TID Durrës.

    Një vendim qeverie, i publikuar në Fletoren Zyrtare në gusht të këtij viti, parashikon shpronësimin e 74 pronarëve, me çmime që vlerësohen se janë disafish më të ulëta se tregu.

    Banorët e prekur e kundërshtojnë këtë vendim, ndërsa pohojnë se nuk kanë marrë asnjë sqarim dhe nuk janë bërë pjesë e dëgjesave publike.

    “Ne nuk jemi vënë në dijeni. As dëgjesë publike, as konsultim siç parashikohet në ligj nuk është respektuar,” thotë Senada Laçi, banore e lagjes nr.1 të Durrësit, banesa e së cilës është në projekt për t’u prishur.

    Edhe Artur Velja thotë se është njoftuar nga fqinjët për prishjen e banesës së tij.  Më pas, kryetari i njësisë bashkiake ka komunikuar vendimin, duke urdhëruar lirimin e banesave brenda një afati 3-mujor.

    LEXO EDHE: SYRI TV/ Protestë para bashkisë kundër ‘TID Durrës’, banorët kundërshtojnë prishjen e banesave

    Avokati i Popullit ka marrë në shqyrtim ankesat e banorëve dhe ka konstatuar se ligji për shpronësimet nuk i mbron ata. Ky institucion u ka sugjeruar banorëve që të ndjekin rrugën gjyqësore për dëmshpërblimin, duke kundërshtuar vlerën që ofron VKM-ja.

    Në zonën më të shtrenjtë të Durrësit, ku siç thonë banorët, çmimi i tregut arrin nga 1500 deri në 3000 Euro për metër katror, qeveria u ofron atyre dëmshpërblime në vlera të ulëta.

    Mirjeta Kazazi i tha BIRN se ishte duke finalizuar një kontratë për shitjen e pronave të saj, një shtëpi me oborr dhe një dyqan anash bulevardit Epidamn, kur doli lajmi i prishjeve.

    “Kishim rënë dakord për ta shitur rreth 300 mijë euro. Kur një ditë të bukur vjen zotëria dhe më thotë, shiko se këtu do të ketë një plan. U prish marrëveshja,” thotë e irrituar Kazazi, banore e lagjes 3 në Durrës.

    Ndryshe nga vlera e tregut, qeveria e ka vlerësuar pronën e saj me 8 mijë lekë.

    “Me 80 milionë [të vjetra] që më ka dhënë mua, ku do shkoj? Nuk blej dot asnjë garsonierë…,” shton ajo.

    Ngjashëm edhe Edmond Balla humbet pronën dhe të gjitha investimet e jetës së tij. Mbi dy banesat e vjetra të familjes së tij, Balla ka ndërtuar biznesin, që përbëhet nga një hotel dhe një restorant.

    “Kam katër kate ndërtim, tre kate janë nga 200 metra dhe një është 220 metra… Ata më kompensojnë mua me 47 milionë lekë të vjetra,” ankohet ai.

    LEXO EDHE: Banorët e Durrësit: Po na shpronësoni në mënyrë abuzive, deri në fund të nëntorit mbetemi pa shtëpi

    Amfiteatri i Durrësit, ndërtuar në fillim të shekullit II të erës sonë, u zbulua në vitin 1966 dhe sot rrethohet nga banesa që datojnë mbi 100 vjet më parë. Sipas projektit TID, disa prej tyre do të prishen, disa të tjera do të rindërtohen, por banorët dyshojnë se përzgjedhja është selektive.

    Armando Rufa jeton në Belgjikë, por erdhi brenda 12 orësh kur mësoi planet e qeverisë për shtëpinë e tij. Projekti shtrihet mbi oborrin dhe murin rrethues të shtëpisë, për të cilin Rufa thotë se është gati 400 vjeçar.

    “Kam një muaj që rri këtu dhe merrem me këto gjëra… thjesht i vi rrotull,” thotë ai, ndërsa ankohet se nuk ka marrë ende asnjë sqarim.

    Edhe Isuf Mehmeti u kthye me urgjencë nga Italia për të shpëtuar pronën e tij nga shembja.

    “Erdha me shpejtësi, sepse prona ka lidhje me jetën e njeriut. Para një viti kam investuar 50 mijë euro në pronën time. Tani banesa ime prishet dhe shteti më shpronëson me vlerën qesharake 41 mijë euro,” thotë ai.

    Në grupin e banorëve, ka prej atyre që nuk iu njihet prona, edhe pse jetojnë prej pesë brezash aty.

    Eduard Bardaku i tha BIRN se shtëpia e ndërtuar nga gjyshi i tij dhe shtëpia ku ai banon janë në listën e prishjeve, por ai cilësohet si “pronar i pavërtetuar” nga autoritetet. Bardaku thotë se shtëpia e tij është ndërtuar në vitin 1970 nga ndërmarrja shtetërore NSHN. Ai ka nisur një proces gjyqësor me institucionet.

    Në të njëjtën pozitë është edhe Kliton Doko, i cili jeton me nënën e tij 90-vjeçare në lagjen 3 të Durrësit. Banesa është ndërtuar në vitin 1964 nga institucionet shtetërore të kohës së komunizmit.

    “Kam lindur e po plakem në këtë shtëpi. Banesën ma ka dhënë shteti dhe jam taksapagues prej 35 vitesh. Tani po shteti nuk më konsideron si pronar të banesës. Na kanë thenë të largohemi e të lirojmë shtëpinë. Unë nuk largohem, sepse nuk kam ku të shkoj,” shtoi më tej Doko.

    Përkundër pretendimeve të banorëve, Bashkia e Durrësit i tha BIRN se ka dëgjuar dhe trajtuar çdo kërkesë të ardhur në bashki nga banorët e prekur. Por Bashkia sqaron se nuk është ajo përgjegjëse për hartimin e projektit, por Fondi Shqiptaro-Amerikan për Zhvillim, Këshilli Kombëtar i Territorit dhe Agjencia e Zhvillimit të Territorit.

    Edhe Fondacioni Shqiptaro-Amerikan për Zhvillim  distancohet nga të gjitha përgjegjësitë, duke sqaruar se ka vetëm rol financues në projekt.

    “Ne jemi në dijeni të situatës dhe të protestave që janë zhvilluar, por e shohim veten të distancuar nga kjo pjesë, për shkak se roli ynë nuk është vendimmarrës në hartimin e projektit dhe nuk është vendimmarrës edhe për gjithë gjërat që rrjedhin pas miratimit të projektit,” tha Sibel Pipa, menaxhere e marrëdhënieve me Publikun në Fondacionin Shqiptaro-Amerikan për Zhvillim.

    “Roli ynë është vetëm financues dhe nuk ka përgjegjësi për dhënien e çmimeve për dëmshpërblimet,” shtoi ajo.

    Sipas Avokatit të Popullit, ligji i padrejtë për shpronësimet dhe praktika të tjera të shtetit ndaj qytetarëve kanë krijuar këtë realitet të braktisjes – në një histori që përsëritet pas çdo projekti të madh të zhvillimit.

    Ndërsa rrezikon të dalë mes katër rrugëve, Altin Xhogu thotë se qeveria po i dëbon nga pronat e tyre. “Ky është dëbim, është dëbim. Ik largohu, se do ta marr unë pronën, duke e ditur që zoti i pronës jam unë more zotëri,” përfundoi ai.