Sot është afati i fundit për të dorëzuar raportet financiare në KQZ për zgjedhjet e 11 majit.
Gazetari Osman Stafa ka siguruar për BalkanWeb faturën e Partisë Demokratike, që kjo e fundit harxhoi për Chriss LaCivita, ish-strateg i fushatës së presidentit amerikan, Donald Trump.
Ai u angazhua nga PD për fushatën e zgjedhjeve të 11 majit. Mësohet se fatura në fjalë kap shifrën 1 milion euro.
Category: Politikë
-
U angazhua nga PD për fushatën e zgjedhjeve të 11 majit/Mediat: Chris LaCivita u pagua në vlerën e 1 mln euro
-
Rama ndan pamje nga Maratona e Durrësit: Këtë vit mblodhi rreth 1000 garues nga 18 shtete
Dy javë pas Maratonës së Tiranës është zhvilluar dje Maratona e Durrësit. Përmes një postimi në rrjetet sociale, kryeministri Edi Rama ka ndarë disa pamje nga kjo maratonë, sipas të cilit në qytetin bregdetar morën pjesë 1000 garues nga 18 shtete.
“Maratona e Durrësit këtë vit mblodhi rreth 1000 garues nga 18 shtete”, shkruan Rama. Qëllimi i Maratonës është të nxisë një mënyrë jetese të shëndetshme si dhe të promovojë qytetin si destinacion turistik dhe kulturor.
Sportistë profesionistë, amatorë dhe nxënës shkollash u bënë bashkë në këtë maratonë sportive, duke e kthyer qytetin bregdetar në qendër të sportit. -
Aksion në Farkë/ Koçiu: Askush nuk përfiton as një metër katror përtej lejes së ndërtimit!
Operacion kombëtar për vendosjen e ligjshmërisë në territor për ata që ndërtojnë pa leje apo përtej lejes apo lejes për qëllime fitimi, shtrihet në zonat rreth Tiranës, ku ndërtuesit, mbikyrësit, inspektorët e me radhë, që kanë shkelur kushtet e lejeve për vila e godina të shtrenjta, do të përballen me masat administrative e penale që parasheh legjislacioni në fuqi.
E pranishme sot, 3 nëntor, në Farkë ministrja e Punëve të Brendshme, Albana Koçiu.
“Pas inspektimit në terren dhe monitorimit me dron, Policia e Shtetit në bashkëpunim me IKMT-në, kanë konstatuar një sërë paligjshmërish lidhur me ndërtimet në këtë territor.
Ky është proces që vjen në zbatim dhe në vazhdën e një sërë masash që po merren prej muajsh lidhur me zaptimin e hapësirave publike dhe ndërtimeve pa leje në të gjithë territorin e vendit”, tha Koçiu.
“Kushdo që ka një leje ndërtimi apo që del përtej asaj leje, nuk do përfitojë as një metër katror se leja e dhënë”, paralajmëroi ministrja.
U bëri thirrje edhe atyre që shesin apo ndërtojnë objekte lidhur me këtë.
“Nuk do të përfitojnë dot as një metër katror të zaptuar padrejtësisht dhe në mënyrë të paligjshme!” -
PS kërkon konsensus për Avokatin e Popullit, Balla kërkesë opozitës: Sillni emrat për Territorialen dhe Zgjedhoren
Pas përfundimit të mbledhjes së Grupit Parlamentar të Partisë Socialiste, kreu i grupit, Taulant Balla, ndau detaje nga takimi për mediat.
Ai foli për procesin e zgjedhjes së Avokatit të Popullit, duke theksuar se PS nuk ka ende një emër të propozuar, ndërsa u bëri thirrje grupeve parlamentare të opozitës të angazhohen në komunikim institucional për zgjidhjen e kësaj çështjeje.
Balla: PS nuk e ka ende një emër për Avokatin e Popullit. Fokusi i mesazhit sot duhet të jetë për tre grupet parlamentare të opozitës. Prej nesër, pasnesër, kur të mblidhet komisioni përgjegjës për vlerësimin e kandidaturave, propozimi im është institucionalizimi i një komunikimi opozitë-mazhorancë në funksion të dhënies fund të kësaj situate të papranueshme që një instituconi kushtetues si Avokati i Popullit i ka mbaruar mandati dhe Kuvendi nuk e ka zgjedhur ende.Po ashtu, Balla u ndal edhe te reformat e propozuara nga kryeministri Rama, duke përmendur idenë për një Kuvend me 101 deputetë dhe rëndësinë e miratimit të ligjit për organizimin e Kuvendit, si dhe kërkoi nisjen e menjëhershme të punës së komisioneve të posaçme për reformën territoriale dhe zgjedhore.
Balla: Kryetari Rama në mbledhjen e asamblesë tonë kombëtare ka prezantuar disa propozime që ndërlidhen me atë që si e shohim ne Shqipërinë 2030 edhe në kauadër të një reforme të madhe institucionesh. Ajo që është prezantuar më 11 shtator ka të bëjë edhe me një reformë e cila në njërën fazë ka filluar, kishte të bënte me një reformim të komisioneve të Kuvendit, por kishte të bënte edhe me një propozim për një Kuvend jo më me 140 anëtarë por me 101. Qëllimi është për një qasje tjetër sa i përket edhe rolit të deputetit, jetës parlamentare.
Këtu përfshihet dhe një punë intensive që ka nisur prej muajsh dhe ka të bëj me një ligj për organizimin e kuvendit. Jemi i vetmi institucion që nga natyra jemi në majën e piramidës, rregullon me ligj të gjitha institucionet dhe s’ka rregulluar veten, ligji do të përfshijë edhe ligje ekzistuese siç është statusi i deputetit.
E kam thënë edhe më herët se Partia Socialiste, grupi i saj, të gjitha këto propozime synojnë që të adresohen nga komisioni i posaçëm. Te Komisioni i Posaçëm i Reformës Zgjedhore i drejtohem tre kryetarëve të opozitës, Kuvendi i Shqipërisë ka ngritur një javë më parë Komisionin e Posaçëm të Territoriales dhe Zgjedhores, ju lutem se për shkak se këto komisione kanë prioritet dhe kemi pranuar të gjitha kërkesat e opozitës, përfshirë edhe veton, t’i sjellin emrat për t’i miratuar ditën e enjte. Thirrja për dy bashkëkryetarët është që të mblidhen që ditën e premte dhe të nisin punën. -
A do t’i kërkojë PS dorëheqjen Belinda Ballukut? Balla: S’komentojmë punët e drejtësisë
Më 31 tetor, SPAK njoftoi zyrtarisht se ka marrë të pandehur zëvendëskryeminsitren, njëherësh ministren e Energjisë dhe Infrastukturës, Belinda Balluku.
Ndaj Ballukut ëhstë ngritur akuza për veprën penale “Shkelje e barazisë së pjesëmarrësve në tendera apo ankande publike”, në bashkëpunim.
Kreu i Grupit Parlamentar të Partisë Socialiste, Taulant Balla, pas përfundimit të mbledhjes së grupit u pyet nga gazetarët nëse PS do t’i kërkojë dorëheqjen Ballukut. Balla tha se PS nuk bën asnjë koment për çështje që janë në dorë të drejtësisë.Balla: Partia Socialiste e Shqipërisë edhe në diskutimet që patëm gjatë javës së kaluar, sa i përket raportimit të institucioneve të pavarura të drejtësisë, kemi qenë shumë të qartë që ku nuk do të bëjmë komente mbi meritat dhe çështjet që trajtojnë institucionet e drejtësisë. Sa i përket edhe pyetjes, zyrtarisht PS nuk bën komente për asnjë çështe të veçantë.
-
‘Territorialja’ mblidhet të premten, PD ende nuk ka dorëzuar emrat e anëtarëve
Kreu i grupit parlamentar të Partisë Socialiste, Taulant Balla, nga Kuvendi, iu bëri sot thirrje grupeve parlamentare që të dërgojnë sa më shpejt emrat e përfaqësuesve të tyre në Komisionin e Posaçëm për Reformën Zgjedhore dhe atë Territoriale, në mënyrë që miratimi i tyre të bëhet në seancën plenare të së enjtes.
Sakaq, burime për A2 CNN bëjnë me dije se të premten pritet të zhvillohet mbledhja e parë e Komisionit të Posaçëm për Reformën Territoriale, që do të shënojë nisjen zyrtare të punës për ndarjen e re administrative të vendit.
Ndërkohë, Partia Demokratike ende nuk ka dorëzuar emrat e saj për përbërjen e Komisioneve të Posaçme, gjë që mund të ndikojë në ritmin e nisjes së punës së tyre.
Kujtojmë se ngritja e komisionit për Reformën Territoriale u votua në Parlament me 115 vota pro dhe 3 kundër të deputetëve Agron Shehaj, Erald Kapri dhe Redi Muçi. Në këtë Komision socialistët kanë 8 karriget e radhëve të maxhorancës, ndërsa demokratët kanë mbajtur 6 vende dhe ia kanë lënë dy aleatëve të tyre, një Fatmir Mediut dhe një Partisë së Lirisë. -
Nuk mori mandat deputeti nga lista e hapur në Tiranë, zbulohet posti që i jep Rama ish-ministres së Drejtësisë, Etlinda Gjonaj
Burime nga Partia Socialiste për Top Channel bëjnë me dije se ish-ministrja e Drejtësisë, Etilda Gjonaj do të emërohet këshilltare juridike e kryeministrit Edi Rama.
Mësohet se Gjonaj do të shërbejë edhe si urë lidhëse për nismat ligjore mes qeverisë dhe Kuvendit.
Kujtojmë se Gjonaj nuk arriti të merrte mandatin e deputetit nga lista e hapur ë Tiranë në zgjedhjet parlamentare.Top Channel
-
Presidenti Begaj takim me përfaqësues të Diasporës shqiptare në Kajro, vlerëson rolin historik të Diasporës në Egjipt
Presidenti i Republikës, Bajram Begaj, u takua sot me përfaqësues të Diasporës shqiptare që jetojnë dhe punojnë në Egjipt.
Në një atmosferë të ngrohtë e miqësore, Kreu i Shtetit shprehu kënaqësinë për t’u takuar me shqiptarë nga të gjitha trevat e shqiptarisë, duke theksuar se: “kudo ku shkojmë dhe kudo që ndërtojmë jetën tonë, ne dimë të bashkohemi për të ndihmuar njëri-tjetrin, por mbi të gjitha, për të promovuar gjuhën, kulturën dhe traditat tona të mrekullueshme”.
Presidenti Begaj vlerësoi rolin historik të Diasporës shqiptare në Egjipt, e cila që nga shekulli XIX ka qenë një urë e rëndësishme lidhjeje mes dy vendeve. Ai përmendi kontributet e figurave të shquara, si: Muhamed Ali Pasha dhe Thimi Mitko, që me vizionin dhe përkushtimin e tyre ndihmuan në zhvillimin e Egjiptit modern dhe në ndërtimin e identitetit kombëtar në periudhën e Rilindjes.
Duke iu drejtuar të pranishmëve, Kreu i Shtetit nënvizoi rëndësinë e forcimit të lidhjeve bashkëkohore mes Shqipërisë dhe Egjiptit përmes bashkëpunimit në fushat e tregtisë, arsimit, shkencës, teknologjisë, kulturës dhe turizmit.
Presidenti Begaj i ftoi të rinjtë shqiptarë që jetojnë në Egjipt të mësojnë e të promovojnë gjuhën shqipe, të bashkohen në forume e organizata promovuese të vlerave më të mira tonat, në mënyrë që “miqësitë e lindura sot, të kthehen në partneritete të së nesërmes”.Top Channel
-
Fotolajm/ Me ‘look’ të ri dhe e buzëqeshur, Monika Kryemadhi paraqitet në SPAK
Monika Kryemadhi, është paraqitur këtë të hënë në SPAK, në zbatim të vendimit të gjykatës për masën e sigurisë “detyrim paraqitje”.
Ajo çfarë ka rënë në sy është ‘look-u’ i saj i ri.
Kryemadhi shfaqet me flokë të prera shkurt, dhe e buzëqeshur.Top Channel
-
SYRI TV/ Berisha publikon dokumentet për Irena Gjokën: Në bazë të 3 ligjeve, duhet shkarkuar
Gjyqtarja Irena Gjoka nuk është vetëm e dënuar, por edhe e dëbuar nga shteti grek. Lideri i opozitës, Sali Berisha, publikoi dokumente autentike të policisë greke që vërtetojnë ekspulsin e Irena Gjokës në Greqi, të cilin ajo e ka fshehur në formularin e dekriminalizimit.
Denoncimin Berisha e bëri nga SPAK-u, ku u paraqit në zbatim të masës “detyrim paraqitjeje”. Ai deklaroi se Gjoka kishte tentuar të hynte në Greqi me vizë të falsifikuar dhe ndaj saj kishte nisur procedim penal. Berisha akuzoi Altin Dumanin se po e fsheh këtë dokument, i cili i ka mbërritur prej muajsh në zyrë, duke amnistuar Irena Gjokën, e cila sipas ligjeve të vendit nuk duhej të ishte gjyqtare.
Lideri i opozitës u paraqit këtë të hënë në SPAK, në respektim të masës detyrim paraqitjeje. Pas daljes nga Prokuroria e Posaçme, Berisha denoncoi atë që e cilëson “kriminalizimin e drejtësisë” nga Reforma Rama-Soros. Ai publikoi provat që tregojnë se Gjoka, përveç dëbimit nga Greqia, ka fshehur këtë fakt në formularin e dekriminalizimit.
Berisha theksoi se dokumenti ka mbërritur prej muajsh në zyrat e SPAK-ut, por po fshihet nga Altin Dumani, i cili sipas tij “amniston” Irena Gjokën. Ai shtoi se, sipas ligjeve të vendit, Gjoka nuk duhej të ishte gjyqtare dhe mbi të rëndon një vepër penale, por organet e drejtësisë heshtin për shkak të shërbimit politik që ajo i bën qeverisë.
Nga SPAK-u, Berisha denoncoi edhe konfliktin e interesit të motrës së avokates së zv. kryeministres Belinda Balluku, Pamela Qirko, e cila është marrë zyrtarisht si e pandehur nga SPAK. Ai shtoi se Qirko dhe të tjerë, të cilët dyshohen se janë takuar me McGonigal, sot po mbrojnë krimet e zyrtarëve qeveritarë.
Kryedemokrati denoncoi më tej edhe kërcënimet që Edi Rama, Altin Dumani dhe familjarë të Ballukut i kanë bërë Prokurorit Dritan Prenci, i cili firmosi fletëthirrjen për zv. kryeministren Belinda Balluku.