Lajmidites.com

Category: Politikë

  • Post-Kuvendi! ‘Barazia gjinore’ u miratua-deputetët priten me protestë: Turp! Reforma Zgjedhore & Territoriale bashkoi PS-PD

    Post-Kuvendi! ‘Barazia gjinore’ u miratua-deputetët priten me protestë: Turp! Reforma Zgjedhore & Territoriale bashkoi PS-PD

    Kuvendi në votim

    TIRANË-12 orë seancë plenare, mes tensioneve dhe debateve përfundoi me pritjen e protestuaesve jashtë dyerve të Parlamentit. ‘Turp kombëtar’-kjo ishte pritja e deputetëve socialistë pasi në seancën e 6 nëntorit miratuan me 77 vota pro projektligjin për ‘Barazinë gjinore’.
    Aktivistë dhe përfaqësues nga shoqëria civile protestuan gjithë ditën përpara Parlamentit kundër projektligjit “Për barazinë gjinore”. Në protestën e organizuar nga Koalicioni “Pro Familjes dhe Jetës”, u theksua rëndësia e mbrojtjes së familjes tradicionale, të fëmijëve dhe lirisë së shprehjes në Shqipëri.

    Projektligji ‘ndezi’ Kuvendin, ku opozita deklaroi gjatë seancës plenare se ky pr.ligj dëmton thelbin e familjes, por mazhoranca sqaroi se ka vetëm burrë e grua dhe se përkatësia e shumëfishtë nënkupton statuset sociale.
    Në versionin fillestar të projektligjit, përkufizimi i gjinive ishte i kufizuar në dy kategori: burrë dhe grua. Megjithatë, pas reagimeve nga Aleanca LGBT dhe aktorë të tjerë, drafti u ndryshua për të përfshirë një përkufizim më gjithëpërfshirës të gjinive, duke njohur identitete të tjera gjinore përtej dy kategorive tradicionale. Termat që u përfshinë ishin:“gjini gjithëpërfshirëse”, “diversitet gjinor”, “identitet gjinor” e “shprehje gjinore”.
    Pas shumë reagimesh dhe dikutimesh në Komisione Parlamentare, ligji i ri për barazinë gjinore do të zbatojë vetëm dy kategori gjinore: burrë dhe grua. Me 22 amendamente të dorëzuara në Kuvend, Partia Socialiste propozoi heqjen e termave. Tashmë drafti u miratua në seancë plenare.
    Seanca tërhoqi edhe vëmendjen e Bashkimit Europian, ku një deklaratë e bërë nga kreu i PD, Sali Berisha ndaj ambasadorit Silvio Gonzato, u dënua nga komisionerja Marta Kos. 
    Çfarë deklaroi Berisha sot në Kuvent për Gonzaton?
    Sali Berisha në deklaratën e tij ndaj ambasadorit Gonzato, e akuzoi se po “imponon bindjet e tij personale” në lidhje me projektligjin për barazinë gjinore. 
    “Një gazetar më tha se ambasadori Gonzato ka kërkuar votimin e ligjit, i kërkoi të nderuarit ambasador të nxjerrë cilat direktiva të BE e kërkon një gjë të tillë. Cila direktivë t’u thotë shqiptarëve se direktivat aty, sepse ky ligj nuk ekziston në 21 vende anëtare të BE sepse ky ligj është hedhur poshtë nga Gjykata Kushtetuese franceze në vitin 2016, se u mohon prindërve të drejtën e edukimit. Ky ligj de fakto në shoqërinë post marksiste, godet familjen. Çfarë ka bërë ky grup sororianësh që ka pushtuar shtetin shqiptar. Edhe ajo që erdhi e rritur e pasuruar pasurisht me fondet e Soros dhe tani këtë ligj kërkojnë ta votojnë në 2 të natës. E Kanë vendosur në pikën 17 të rendit të ditës. Këtë ligj i cili defakto përmbys kodin e familjes,”-deklaroi Berisha.
    Në reagimin e saj Kos dënoi komentet e kreut të Partisë Demokratike dhe thekson se barazia gjinore dhe mosdiskriminimi janë pjesë integrale e ligjit të BE-së dhe jo kërkesë private e ambasadorit. Kryeministri Edi Rama nga ana e tij kërkoi ndjesë. Edhe vetë kreu i PD deklaroi se qëllimi i tij nuk ka qenë të ofendojë dhe se komentet e tij lidhen me informacione të mëparshme të ambasadorit për jetën e tij private. Sa i përket kësaj deklarate në Kuvend, grupi parlamentar i PS, kërkoi përjashtimin e Berishës për 30 ditë nga seancat plenare.
    -Ndërkohë, u rrëzua kërkesa e Partisë Demokratike për ngritjen e komisionit hetimor për shkarkimin e Presidentit Bajram Begaj. E vetmja pikë ku opozita dhe mazhoranca u bënë bashkë ishte Komisioni i Posaçëm për Reformën Zgjedhore dhe Komisioni për Reformën Territoriale. Ngritja e tyre u miratua me 105 vota pro.
    Nga grupi parlamentar i PD në Komision do të marrin pjesë Oerd Bylykbashi si Bashkëkryetar, Ivi Kaso Anëtar, Gent Strazimiri Anëtar, Albana Vokshi Anëtar, Gjin Gjoni Anëtar, Arian Ndoja Anëtar zëvendësues, Klevis Balliu Anëtar zëvendësues dhe Elda Hoti Anëtar zëvendësues 
    Anëtarët e PD në Komisionin për Reformën Territoriale janë Luçiano Boçi Bashkëkryetar, Jorida Tabaku Anëtar, Bledion Nallbati Anëtar , Xhelal Mziu Anëtar , Ramadan Likaj Anëtar, Eno Bozdo Anëtar, Greta Bardeli Anëtar zëvendësues, Bardh Spahia Anëtar zëvendësues, Igli Cara Anëtar zëvendësues dhe Ina Zhupa Anëtar zëvendësues.
    Anëtarët e PS për Komisionin e Reformës Zgjedhore: janë Damian Gjiknuri Bashkëkryetar, Arbjan Mazniku , Bledar Çuçi, Ulsi Manja, Olsi Komici, Aurora Mara dhe Ogerta Manastirliu.
    Anëtarët e PS për Komisionin e Reformës Territoriale Arbjan Mazniku Bashkëkryetar, Blendi Klosi, Damian Gjiknuri, Romina Kuko, Ermal Pacaj, Marjana Koçeku, Ermal Elezi dhe Klevis Jahaj.
    Çfarë tjetër u miratua
    -Akti normativ nr. 7, datë 1.10.2025, “Për disa ndryshime dhe shtesa në ligjin nr. 8402, datë 10.9.1998, “Për kontrollin dhe disiplinimin e punimeve të ndërtimit”, të ndryshuar, u miratua me 77 vota Pro, 0 Abstenim, 28 Kundër.
    -Akt normativ nr. 8, datë 1.10.2025 “Për disa ndryshime dhe shtesa në ligjin nr.107/2014, “Për planifikimin dhe zhvillimin e territorit””, u miratua me 77 vota Pro, 0 Abstenim, 21 Kundër.
    -Akt normativ nr. 9, datë 1.10.2025 “Për disa shtesa dhe ndryshime në ligjin nr.9780, datë 16.7.2007, “Për inspektimin dhe mbrojtjen e territorit nga ndërtimet e kundërligjshme””, të ndryshuar, u miratua me 77 vota Pro, 0 Abstenim, 20 Kundër.
    Po ashtu u miratua rishikimi për herë të tretë i buxhetit të shtetit për vitin 2025, që parashikon rritjen e të ardhurave dhe të shpenzimeve, si dhe dhënien e bonusit për pensionistët në fundvitit në vlerat 100-150 euro.
    -Akt normativ nr. 10 “Për disa ndryshime dhe shtesa në ligjin nr.115/2024, “Për buxhetin e vitit 2025”, të ndryshuar, u miratua me 77 vota Pro, 0 Abstenim, 24 Kundër.
    Dritën jeshile me 77 vota pro, 23 kundër dhe 1 abstenim e mori edhe projektligji “Për miratimin e buxhetit faktik të vitit 2024”.
    Gjatë seancës së 6 nëntorit Kuvendi shqyrtoi katër raporte të institucioneve të pavarura, të KLSH-së, Komisionit të Prokurimit Publik, Adminsitratës Publike si dhe të Autoritetit për Informimin mbi Dokumentet e Ish-Sigurimit të Shtetit./ZËRI

  • Dosja Balluku/ Sokol Bregu: Ushqim politik, nuk ka përfitim! Dervishi: Batutat në dosje…

    Dosja Balluku/ Sokol Bregu: Ushqim politik, nuk ka përfitim! Dervishi: Batutat në dosje…

    Gazetarët Ferdinand Dervishi dhe Sokol Bregu, dhanë detaje të dosjes “Balluku” që po publikohet pjesë-pjesë. Gazetari Bregu u shpreh se pjesë të kësaj dosjeje po bëhen ushqim politik sepse ndryshe nga dosjet e tjera të zyrtarëve, këtu nuk bëhet fjalë për përfitim.
    Biseda
    Dervishi: Nga ajo çfarë lexuam nga dosja, bëhet fjalë për tunelin e Llogarasë. Duket një praktikë, është marrë në analizë si ka shkuar nga fillimi në fund dhe akuza duket sikur Ministrja dhe njerëzit e saj, kanë bërë një tender që e kanë çuar atje ku duan ata, këtë jep dosja si panoramë. Ideja është që e kanë çuar tenderin, ta fitojë dikush që duan ata, duke skualifikuar të tjerë. Ky është thelbi i gjithë asaj dosje.Aty kishte batuta nga më të ndryshme, që i morën portalet dhe i bënë copë-copë. Akuza është shkelje e barazisë në tendera.
    Bregu: Ata mendojnë se mund të ketë favorizim. Siç e pashë unë dosjen është një chat mes ministrit dhe vartësit, një ushqim për mediat si komunikojnë ata. Një gur në dorën e opozitës, e cila shpreson në këto momente për një konflikt midis Ramës dhe Ballukut. Por a ka një konflikt mes tyre? Nuk mendoj se ka një të tillë. Siç e lexova unë dosjen, është tërheqje vëmendje e prokurorisë speciale, për të trazuar botën politike në Shqipëri. Mendoj se është ushqim politik.Të gjithë dosjet kanë në thelbin e tyre një përfitim, diçka që rrjedh. Këtu nuk ka. Në ministrat e kësaj qeverie, vetëm kjo shkon shkelje të barazisë në tendera, të tjerët janë korrupsion e me rradhë. Ky nen fillon nga zero ditë burg. Është ndryshe nga dosjet e tjera.
    Dervishi: Nuk janë këto të dhëna, ka marrë kaq apo jo. Ajo që kuptohet, i është hequr dikujt me më pak para dhe i është dhënë dikujt me më shumë.

  • Ligji për barazinë gjinore/ Eduard Shalsi: Nuk krijohet asnjë gjini e re, jam shastitur nga çfarë është thënë!

    Ligji për barazinë gjinore/ Eduard Shalsi: Nuk krijohet asnjë gjini e re, jam shastitur nga çfarë është thënë!

    Deputeti Eduard Shalsi, njëherazi edhe nënkryetar i Komisionit të Shëndetësisë dhe Mirëqenies Sociale, gjatë një lidhje direkte për emisionin “Të Paekspozuarit” në MCN TV, foli për ligjin që ka miratuar Kuvendi mbrëmjen e sotme për barazinë gjinore.  
    Shalsi shpjegoi se ligji është për barazinë mes burrave dhe grave dhe se gjatë debateve të këtyre muajve, ka patur shumë dezinformim.  
    “Thatë që pastori ka thënë 72 gjini. Po argëtohem… Ligji garanton, mbron dhe promovon arritjen e barazisë gjinore, si një vlerë e zhvillimit demokratik. Duam shoqëri të drejta dhe të begata.  
    Nuk krijohet asnjë gjini tjetër. Kemi patur debat, kam dy javë që po merrem si nënkryetar i Komisionit të Shëndetësisë. U shastisa. Isha me disa studentë që kishin nxjerrë çfarë ishin thënë. 99% e “debatit” publik, ishte komplet pa lidhje për çështjen që po diskutojmë. 
    Kishte një shqetësim për mënyrën si ishin ndërtuar disa fjali. Te përkufizimi i gjinisë, thuhej që gjinia ka kuptim gjithëpërfshirës në përputhje me parimet e barazisë dhe mosdirkiminimit lidhur me identitetin. Dëgjuam shoqata dhe grupe interesi, u konsultuam edhe me besimtarë dhe po ju them, çfarë thotë neni që përkufizon gjininë “nënkupton rolet e ndërtuar në kontekstin social, sjelljet, aktivitetin dhe atributet që një shoqëri e caktuar i konsideron të përshtatshme për gratë dhe burrat”. Pra kjo është mënyra si formuluam pas disa shqetësimeve nenin. E thotë qartazi, që i konsideron të përshtatshme për gratë dhe burrat. 
    Kur lind njeriu ka seksin biologjik mashkull, femër, ose ka një përqindje të caktuar që është interseks. Ligji që përcakton gjininë është ai i gjendjes civile. Ky ligj nuk përcakton gjini dhe nuk ndryshon gjini. Ndoshta një ditë ta bëjmë edhe një debat të tillë. 
    Po ju jap një shembull, pjesë e ligjeve anti diskriminuese, janë edhe disa koncepte. Përshembull, një grua ka përkatësi të shumëfishtë jo për gjini, por një grua mund të jetë rome e me rradhë.    
    Unë vetë personalisht, pas këtyre viteve si deputet, kam kuptuar një gjë, që sa më cilësore të jenë konsulencat me ata që merren përditë me këtë gjë, aq më mirë edhe ne i përmirësojmë ligjet. 
    Unë jam përfitues direkt i shumë rasteve ku kam patur një bindje tjetër, por pas dëgjimit të grupeve të interesit, kemi ndërhyrë në ligje të ardhura nga qeveria. 
    Ne i dëgjuam pa paragjykime, pastorin madje e pyeta për kishat dhe aty mësova që nuk kishte lidhje protestantizmi i pastorit tonë me atë të Suedisë, Anglisë, e me rradhë, mësova që këto ishin kisha të pavarura. Pas diskutimit u rakordua dhe u vendos një përcaktim, që hoqi ato pikëpyetjet, apo dyshimet, që komunitete të ndryshme fetare kishin. 
    Kjo zamallahi, ka ardhur për një çështje që mund të bëhet debat në të ardhmen, por jo për ligjin për barazinë gjinore”, deklaroi Shalsi.    

  • “O doktor, në 2010 ishe pro homoseksualëve”, Ylli Gurra për Berishën: Nuk mund të flasë sot për vlera familjare

    “O doktor, në 2010 ishe pro homoseksualëve”, Ylli Gurra për Berishën: Nuk mund të flasë sot për vlera familjare

    Në emisionin “Off The Record” të Andrea Dangllit, ku u diskutua projektligji për barazinë gjinore, ish-myftiu i Tiranës, Ylli Gurra, sulmoi edhe ish-kryeministrin Sali Berisha, duke e akuzuar për qëndrime të dyfishta lidhur me çështjet e komunitetit LGBT.
    “Por përse i duhet një shoqërie si e jona, që ka dalë vetëm tri dekada nga një regjim i egër, të përballet me nisma të tilla në emër të integrimit? Pse të mos shkohet në referendum? Ka një paqëndrueshmëri të madhe në klasën politike. Doktori s’ka pse të flasë tani për vlera familjare e taban kombëtar, kur në vitin 2010 ka qenë vetë pro një nisme të tillë,” deklaroi Gurra në Off The Record me Andrea Dangllin.
    Në debat ndërhyri edhe aktivistja për të drejtat e njeriut, Elsa Ballauri, e cila konfirmoi se Berisha kishte mbështetur publikisht ligjin kundër diskriminimit në atë kohë. “Ligjin e kemi bërë ne, nga shoqëria civile. Pasi u miratua, Berisha doli dhe e quajti një ligj shumë të mirë, duke thënë se këta njerëz janë të lirë edhe të martohen. Ai si politikan e pranoi atë hap,” u shpreh Ballauri.

  • Manjani: Berisha nuk e fyeu Gonzaton, e ka pranuar vetë që jeton me një burrë. Ja fut shqiptari-shqiptarit për t’i bërë qejfin..

    Manjani: Berisha nuk e fyeu Gonzaton, e ka pranuar vetë që jeton me një burrë. Ja fut shqiptari-shqiptarit për t’i bërë qejfin..

    Juristi Ylli Manjani ka qenë i ftuar mbrëmjen e kësaj të enjte në Now me moderatore Erla Mëhillin në Euronews. Manjani ka komentuar debatin e sotëm publik rreth replikave të kreut të PD, Sali Berisha, me anëtarë të mazhorancës socialiste, rreth deklaratave të konsideruara si fyerje ndaj Ambasadorit të BE-së, Silvio Gonzato. 
    “Berisha nuk i përton që të të fyej apo me të nxjerr ato të brendshme nga koka. Fyerje s’ka pasur sot. Ka pasur një shprehje respekti për një njeri që e ka pranuar vetë që bashkëjeton me një burrë. Çfarë është puna e tij dhe s’ka kush punon me të. Ju përgjigj një gazetar dhe tha atë dhe kaq. 
    Sa i takon fjalës “binare” që vjen nga OBSH, është një fjalë që vjen nga kjo organizatë. Nëse kjo është fyerje, e ka fyer OBSH” – tha Manjani. 
    Manjani: Ja fut shqiptari-shqiptarit për t’i bërë qejfin Gonzatos 
    Juristi Ylli Manjani ka qenë i ftuar mbrëmjen e kësaj të enjte në Now me moderatore Erla Mëhillin në Euronews. Manjani ka komentuar debatin e sotëm publik rreth replikave të kreut të PD, Sali Berisha, me anëtarë të mazhorancës socialiste, rreth deklaratave të konsideruara si fyerje ndaj Ambasadorit të BE-së, Silvio Gonzato. 
    “Të bëj çfarë të dojë nuk është kjo historia. Tani nuk shkon kjo punë. Shqiptari ja fut shqiptarit që ti bëhet qejfi të huajit, vazhdojmë ne me këto budalliqe. Janë fund e krye budalliqe edhe maskarada.”-tha Manjani. 

  • “Jam ndjerë i fyer”, Pacolli: S’kam paguar asnjë ryshfet për kontratën e koncesionit të aeroportit të Vlorës

    “Jam ndjerë i fyer”, Pacolli: S’kam paguar asnjë ryshfet për kontratën e koncesionit të aeroportit të Vlorës

    Biznesmeni nga Kosova Behgjet Pacolli, që ka 98 përqind të aksioneve në koncesionin për ndërtimin e aeroportit të Vlorës, foli në emisionin “Opinion” në Tv Klan, në lidhje me përplasjen që ka pasur me ortakun për aeroportin e Vlorës. 
    Pacolli tha se është ndjerë jashtëzakonisht i fyer nga epitetet që ka dëgjuar për veten në kohët e fundit. Ai u shpreh se nuk ka paguar asnjë ryshfet për kontratën e koncesionit të aeroportit të qytetit bregdetar. 
    Behgjet Pacolli: Shumë epitete më kanë vendosur në këto ditë. Jam ndjerë jashtëzakonisht i fyer, prej epiteteve ndaj njerëzve që iu kam bërë tepër mirë dhe njerëzve që janë të paditur, që vetëm kanë folur duke karakterizuar një person, pa e njohur. Nuk kam përfituar nga askush, vetëm kam kontribuar për t’ju ndihmuar njerëzve, 147 milionë euro kam investuar në Shqipëri dhe në Kosovë. Nuk jam ortak me asnjë qeveritar në Shqipëri në aeroportin e Vlorës. Kam vetëm një partneri dhe është një firmë nga Kosova dhe ai është aty me 2 përqind. Nuk kam pasur asnjë shenjë, asnjë indicie, që dikush mund të pretendojë ato aksione që kam unë, që janë 98 përqind të aksioneve në Vlorë. Nuk kam paguar asnjë ryshfet për të nënshkruar kontratën për ndërtimin e Vlorës. Unë kam dashur të le thjesht një ndërtim të bukur në Shqipëri. Nuk kam nënshkruar asgjë. Jam aksionar në kompani dhe kam mbështetur vëllezërit e mi. 
    Kujtojmë se Behgjet Pacolli ka pasur një ‘përplasje’ me ortakun e tij Valon Ademi për ndërtimin e aeroportit të Vlorës dhe ai u thirr edhe në Prokurorinë e Tiranës. 
     

  • Miratohen komisionet për Reformën Zgjedhore dhe Territoriale, ja emrat nga PS dhe PD

    Miratohen komisionet për Reformën Zgjedhore dhe Territoriale, ja emrat nga PS dhe PD

    Parlamenti ka miratuar me 105 vota pro përbërjen e Komisionit të Posaçëm për Reformën Zgjedhore dhe Komisionit për Reformën Territoriale, në seancën e sotme.
    Nga grupi parlamentar i PD në Komision do të marrin pjesë Oerd Bylykbashi si Bashkëkryetar, Ivi Kaso Anëtar, Gent Strazimiri Anëtar, Albana Vokshi Anëtar, Gjin Gjoni Anëtar, Arian Ndoja Anëtar zëvendësues, Klevis Balliu Anëtar zëvendësues dhe Elda Hoti Anëtar zëvendësues
    Anëtarët e PD në Komisionin për Reformën Territoriale janë Luçiano Boçi Bashkëkryetar, Jorida Tabaku Anëtar, Bledion Nallbati Anëtar , Xhelal Mziu Anëtar , Ramadan Likaj Anëtar, Eno Bozdo Anëtar, Greta Bardeli Anëtar zëvendësues, Bardh Spahia Anëtar zëvendësues, Igli Cara Anëtar zëvendësues dhe Ina Zhupa Anëtar zëvendësues.
    Anëtarët e PS për Komisionin e Reformës Zgjedhore: janë Damian Gjiknuri Bashkëkryetar, Arbjan Mazniku , Bledar Çuçi, Ulsi Manja, Olsi Komici, Aurora Mara dhe Ogerta Manastirliu.
    Ndërsa deputetët socialistë zëvendësues janë Aulona Bylykbashi, Ermal Pacaj, Ermal Elezi, Erion Malaj dhe Erjona Ismaili.
    Anëtarët e PS për Komisionin e Reformës Territoriale Arbjan Mazniku Bashkëkryetar, Blendi Klosi, Damian Gjiknuri, Romina Kuko, Ermal Pacaj, Marjana Koçeku, Ermal Elezi dhe Klevis Jahaj.
    Anëtarët zëvendësues socialistë janë Tërmet Peçi, Etleva Budini, Aulona Bylykbashi, Agron Malaj dhe Vasil Llajo.

  • Debate në Kuvend pas deklaratës së Berishës, miratohen ligjet kundër ndërtimeve pa leje dhe bonusi për pensionistët

    Debate në Kuvend pas deklaratës së Berishës, miratohen ligjet kundër ndërtimeve pa leje dhe bonusi për pensionistët

    Seanca plenare që u mbyll pa u shqyrtuar të gjitha pikat për shkak të debateve që shkaktoi deklarata e Berishës kundër ambasadorit të BE-së, miratoi paketën ligjore me tre akte normative kundër ndërtimeve pa leje. Aktet u miratuan me nga 77 vota pro.
    -Akti normativ nr. 7, datë 1.10.2025, “Për disa ndryshime dhe shtesa në ligjin nr. 8402, datë 10.9.1998, “Për kontrollin dhe disiplinimin e punimeve të ndërtimit”, të ndryshuar, u miratua me 77 vota Pro, 0 Abstenim, 28 Kundër.
    -Akt normativ nr. 8, datë 1.10.2025 “Për disa ndryshime dhe shtesa në ligjin nr.107/2014, “Për planifikimin dhe zhvillimin e territorit””, u miratua me 77 vota Pro, 0 Abstenim, 21 Kundër.
    -Akt normativ nr. 9, datë 1.10.2025 “Për disa shtesa dhe ndryshime në ligjin nr.9780, datë 16.7.2007, “Për inspektimin dhe mbrojtjen e territorit nga ndërtimet e kundërligjshme””, të ndryshuar, u miratua me 77 vota Pro, 0 Abstenim, 20 Kundër.
    Po ashtu u miratua rishikimi për herë të tretë i buxhetit të shtetit për vitin 2025, që parashikon rritjen e të ardhurave dhe të shpenzimeve, si dhe dhënien e bonusit për pensionistët në fundvitit në vlerat 100-150 euro.
    -Akt normativ nr. 10 “Për disa ndryshime dhe shtesa në ligjin nr.115/2024, “Për buxhetin e vitit 2025”, të ndryshuar, u miratua me 77 vota Pro, 0 Abstenim, 24 Kundër.
    Dritën jeshile me 77 vota pro, 23 kundër dhe 1 abstenim e mori edhe projektligji “Për miratimin e buxhetit faktik të vitit 2024”.
    Ndryshe nga projektligji “Për barazinë gjinore” që u miratua me 77 vota pro dhe 36 kundër, propozimi i opozitës “Për gjendjen civile”, i ndryshuar, nuk arriti të miratohej, pasi u votua me 34 vota Pro, 0 Abstenim, 77 Kundër.
    Vendimet e tjera të miratuara me votat e mazhorancës kishin të bënin me antarësinë në komisionet e përhershme parlamentare, si dhe u votuan pro emërimet e reja në Komisionin Rregullator të Komisionit Qendror të Zgjedhjeve.
    Gjatë seancës së 6 nëntorit Kuvendi shqyrtoi katër raporte të institucioneve të pavarura, të KLSH-së, Komisionit të Prokurimit Publik, Adminsitratës Publike si dhe të Autoritetit për Informimin mbi Dokumentet e Ish-Sigurimit të Shtetit. Gjithashtu u miratuan edhe projektrezolutat me rekomandime për secilin institucion.

  • ‘Berisha nuk do që Shqipëria të futet në BE’, Beqiri pas debateve për ligjin e barazisë gjinore: E keqinterpreton…

    ‘Berisha nuk do që Shqipëria të futet në BE’, Beqiri pas debateve për ligjin e barazisë gjinore: E keqinterpreton…

    Kuvendi miratoi të enjten projektligjin për barazinë gjinore. I cili nuk kaloi pa debate të forta politike mes të majtëve e të djathtëve në sallë.
    Opozita kundërshtoi ashpër projektligjin duke vënë theksin tek gjinia gjithëpërfshirëse.
    Berisha nuk kurseu akuzat, por kësaj radhe shënjestra e tij ishte edhe ambasadori i BE-së, Silvio Gonzato.
    Avokati Idajet Beqiri, në një intervistë televizive tha se projektligji nuk shton gjini të reja, ndërsa theksoi se kreu i PD Sali Berisha po e keqinterpreton me qëllim, edhe duke sulmuar ambasadorin Gonzato.
    Sipas avokatit, arsyeja kryesore lidhur me këto sulme të Berishës, është fakti sepse kreu i PD nuk do që Shqipëria të futet në BE dhe se për këtë arsye krijon këtë rrëmujë dhe konflikt.
    “Me Saliun në krye nuk mund të ketë opozitë. Një njeri që është marrë i pandehur për korrupsion të lartë shtetëror dhe është në gjykim dhe të thuash se opozita paska si kauzë këtë ligj që edhe e deformon. Pasi nuk është ajo që Berisha thotë. Në mungesë të kauzave serioze për të bërë opozitë në vend i vërsulen duke marrë të kundërtat e çdo ligji që miratohet. Unë i mirëkuptoj ata që dalin në protestë, një pjesë janë edhe intelektualë dhe kanë shqetësim të drejtë sepse duan të ruhet familja. Në këtë aspekt i përkrah ata, por ky ligj nuk bën fjalë për shumë gjini. Por thotë që duhet luftuar deri në fund diskriminimi. Flitet gjithmonë për diskriminim, pra flitet për jo më pak se 30 % të emërimeve të ndryshme që nuk duhet të jenë jo më pak se 30 % femra. Berisha po e keqinterpreton për të sjellë një amulli në këtë vend dhe për t’u hequr i moralshëm. Por ka dy qëllime madhore që e bën, dhe sulmon ambasadorin e BE, e para është sepse ai nuk do që Shqipëria të futet në BE”, tha ai.
    Gjithashtu avokati komentoi edhe rikthimin e Arben Ristani në KQZ, duke u shprehur Berisha e do Ristanin, sepse i shërben.
    “Ai e di që populli shqiptar nuk e voton kurrë një antishqiptar dhe ai ka zgjedhur rrugën e vjedhjes së votave me njerëz të përshtatshëm. Në këtë aspekt Ristani ka qenë një njeri i përshtatshëm i tij dhe dha shembull më negativ, kur hapi kutitë dhe numëroi votë e hedhur në kutinë gjoja të gabuar. Kuptohet që do shkojë në KQZ por nuk ma merr mendja që do ketë efektivitet”, tha ai.

  • Triumfi i Mamdanit goditje për Trump?/ Bushati flet për “rrezikun” e modelit Mamdani: Mund të rrisë Trump-in nëse…

    Triumfi i Mamdanit goditje për Trump?/ Bushati flet për “rrezikun” e modelit Mamdani: Mund të rrisë Trump-in nëse…

    Andi Bushati,  ka folur për zgjedhjen e socialistit, Zohran Mamdani si kryebashkiak i New York.
    Bushati tha se edhe pse zgjedhja e tij shihet si një goditje për Trump, nëse Mamdani do të dështojë me premtimet e tij të majta, gjë që ka mundësi të ndodhë pasi është i rrethuar nga “establishmenti oligarkik”, kjo do të forconte populistët dhe për rrjedhojë Trumpin.
    “E majta u fut në një krizë të thellë. Hoqi kontradiktën klasore, u mundua të bëhej mbrojtëse e homoseksualëve, minoriteteve, për të shmangur kontradiktën, të pasur dhe të varfër. Prandaj e majta u fut në krizë. Mamdani, është ardhje në fondamentin e të majtës, që e majta perëndimore dhe sidomos amerikane e ka tradhtuar, kthimi në kontradiktën klasore, të pasur dhe të varfër.
    Po ti thoshte njeri këtu te ne, ato që thotë Mamdani atje, do të thoshin u ngjall Enver Hoxha. Thotë të bëjmë dyqane komunale, për të varfërit, të bëjmë çerdhe për fëmijë që nuk i mbajnë dot prindërit që shkojnë në punë, transport publik falas dhe paratë do ti marrim duke taksuar milionerët. Është kthyer në thelbin e të majtës.
    Kemi parë nga Tsipras në Greqi dhe deri te Corbyn në Angli, që ky kapitalizëm oligarkik, këto tentativa mundohet ti vdesë.
    Mundet i rrethuar nga një establishment oligarkik, të realizoje premtimet majtiste? Mundësitë janë të vogla. Tradhtimi i kauzës për të cilën është votuar, mund të rrisë Donald Trump. Një e majtë që premton, por pastaj nuk ka fuqi dhe nuk realizon dot, fitojnë populistët e modelit Trump. Kjo është e mira por edhe rreziku i modelit Mamdani”, tha Bushati.