Analisti Roland Bejko i pranishëm në “Real Story” u shpreh se lëvizjet e Ervin Salianjit i kanë bërë nder Berishës, sepse lëvizjet e tij e detyruan drejtuesin e PD të zbresë në terren dhe të mbajë takimet me njerëzit.
Ai theksoi se edhe pse zbriti në terren, Sali Berisha nuk tha asgjë konkrete për ta nxjerrë Partinë Demokratike nga kriza ku ajo ndodhet.
“Në këtë moment flasin natyrisht që i ka bërë nder dhe i bën nder Berishës, sepse u desh të pihej ajo kafe që Berisha të dilte ai i parë dhe të zbriste në bazë për të mos thënë asgjë, sepse me sa dëgjuam ai nuk tha asgjë. Foli për Kosovë, foli për Amerikën.
Foli për gjithçka, foli për seksin e engjëjve, por nuk foli për problem real të PD dhe të tij. Nëse pretendon të nisësh foltoren 2, ti duhet të flasësh çfarë bërë për premtimet e të parës. Nuk merr dot asnjë vlerë, sepse ai nuk po thotë asgjë. Ai aty ka del për të zënë radhën”, tha ai.
Gjatë diskutimit në studio, Bejko u shpreh se “kafja” e Ervin Salianjit me aktorët të tjerë të PD e kanë shqetësuar shumë Berishën dhe klanin që e mbështet atë.
“Në momentin që zotërinjtë pinë kafe, realisht ata u shqetësuan shumë. Berisha dhe klani i tij i ngushtë, sepse ata e kuptuan se ata kanë më shumë besim te elektorati. Kriza më e madhe që ka sot PD është kriza e besimit, sepse demokratët e kanë humbur besimin te Berisha dhe te grupi i tij i ngushtë zotërinjtë dhe zonjat që u mblodhën aty , janë ata të cilët nuk e kanë konsumuar atë besim të fituar se nuk janë provuar dhe nuk kanë mandate. Kjo i trembi ata”, tha ai.
Më tej, Bejko theksoi se në Partinë Demokratike ka disa fraksione, të cilat siç pohoi ai dallohen lehtësisht pasi mbrojnë teza të ndryshme në studiot televizive.
“Në orën 23:00, ishin tre kategori të ndryshme që përfaqësojnë PD në tre studio të ndryshme. Realistët që përfaqësoheshin nga Ilir Alimehmeti te një televizion, ishin berishistët që përfaqësoheshin nga Flamur Noka në një televizion, ishin konformistët që përfaqësoheshin nga Gazment Bardhi dhe idealistët që i ndiqni nga divani. Çfarë bën Berisha kur ka grupe të tilla? Merr listën dhe shikon cilat janë dobësitë e atyre që janë në listë dhe në bazë të dobësive ndërton suksesin e vet.”, theksoi ai.
Category: Politikë
-
Analisti: Lëvizjet e Salianjit trembën Berishën dhe klanin e tij! Brenda PD ka disa fraksione, të cilat po…
-
Berisha kritikohet në sy nga i riu: U çuditëm, si merret PD gjithë kohës vetëm me shkarkimin e Peleshit? E thjeshtë të rrish me rrogë deputeti në opozitë
Berisha ka mbajtur sot atë që e quajti foltorja e parë e turit, ku u takua dhe pati një bashkëbisedim të hapur me qytetarët e njësisë nr.9 në Tiranë.
Një prej të rinjve, pjesë e strukturave të PD, nuk ia ka kursyer kritikat Berishës në sy, ku ndër të tjera i tha se po vijojnë të promovohen figura në PD që nuk kanë dhënë rezultate, dhe se kjo forcë politike, merret vazhdimisht vetëm me një temë.
“Mendova se kur nisët për herë të parë Foltoren, të gjithë ishim shumë entuziastë që kjo anë në PD do merrte drejtim. Kush deputet nuk merrte rezultate e duhura do të shkarkohej apo nuk do t’i jepej mundësia të vijonte rrugën.
Është shumë e thjeshtë të rrish me rrogën e deputetit në opozitë, dhe e vështirë kur je demokrat i thjeshtë.
Analiza që do të bëhej do të ishte motivim për ne që jemi aktivizuar. Unë jam aktivizuar kur ishim në opozitë. Unë nuk e njoh pushtetin, na mban inati dhe logjika e ideali që aktivizohemi me PD. Kur unë shoh që një person që nuk ka pasur rezultate të mira, promovohet në PD, unë si i ri dekurajohem. Kjo është arsyeja që shumë njerëz janë të painkurajuar, mezi mbushim komisionet.
Më duket habi që të merremi kaq shumë kohë vetëm me një çështje. Kjo PD që është mbledhëse e 600 mijë votave, nuk besoj se vetëm një temë për të folur gjatë gjithë kohës. U çuditëm si u morëm një mbledhje vetëm me shkarkimin e Niko Peleshit, një harxhim në resurset tona”, tha ai.
“Faleminderit për sugjerimet që ke bërë… ardhja e deputetëve të ju duhet dhe do të jetë konstante. Do e korrigjojmë”, iu përgjigj Berisha.
-
Federica Mogherini u ndalua sot, Berisha: Do vinte nesër në Tiranë! Rama do e merrte për deklarata, por…
Kreu i Partisë Demokratike, Sali Berisha, ka reaguar pas një serie arrestimesh të kryera nga autoritetet belge, ku njëra prej të ndaluarve është Federica Mogherini, ish-nënkryetare e Komisionit Evropian.
Berisha theksoi se Mogherini, e cila është rektore edhe në degën e Kolegjit të Europës në Tiranë, kishte në plan të vizitonte Shqipërinë dhe se kryeministri Rama kishte bërë programin që t’i merrte deklarata.
Kryedemokrati theksoi se Eurojust i dha Mogherinit ato deklarata që meritonte.
“Ajo zonja që u arrestua dhe unë e përgëzoj, ajo nesër do ishte në Tiranë. Edi Rama i kishte bërë programin që t’i merrte deklarata asaj, por për fat të mirë Eurojust ia dha deklaratat asaj që i meritonte”, tha kreu i PD-së.
Berisha: Ja ku janë kullat miq. Kullat janë të pashitura shumica. Jo, i kanë blerë çunat e drogës dhe i lënë ashtu, i lënë aty. Pra, çfarë është kjo para? Kjo para toksike more miqtë e mi, kjo i përzë fëmijët tanë, djemtë tanë, vajzat tona nga Shqipëria. Kjo është njëra anë. Për të mos thënë tjetrën që vret kudo, vret në aeroport, vret kudo.
Atë shtet të brishtë, atë shtet ia fali krimit Edi Rama. Dhe sundon me krimin. Mirëpo në rrafshin politik, kush e pësoi nga kjo? Opozita e pëson sepse i gjithë ky potencial bie mbi opozitën. Problemi është se ne vinim nga një sistem diktatorial, kaluam në një sistem demokratik dhe kjo ndodhte para syve tanë pa e kuptuar se çfarë po ndodh. Mediat u vunë të gjitha në kontroll, 90 përqind thonë raportet ndërkombëtare, nën kontrollin e qeverisë.
Kjo do të thotë helmim mediatik ditë e natë për qytetarët. Helmim në kuptimin e mashtrimit, manipulimit, fshehjes së të vërtetave dhe servirjes së gënjeshtrave nga mëngjesi gjer në darkë. Kjo do të thotë para e pafundme për të korruptuar cilindo. Cilido nuk është i korruptueshëm, por për të korruptuar sa më shumë brenda dhe jashtë vendit njerëz. Kjo është e vërteta. Ajo zonja që u arrestua dhe unë e përgëzoj, ajo nesër do ishte në Tiranë. Edi Rama i kishte bërë programin që t’i merrte deklarata asaj, por për fat të mirë Eurojust ia dha deklaratat asaj që i meritonte. -
Berisha në “Foltore”: Do bëjmë një analizë të shkëlqyer të zgjedhjeve
Kreu i demokratëve, Sali Berisha, ka nisur turin e “Foltoreve” mbrëmjen e kësaj të marte.
Në fjalën e tij ai tha se PD-ja do të bëjë një analizë të shkëlqyer të zgjedhjeve, ku edhe ftoi të japin mendime, të bëjë kritika dhe propozime kushdo.
Berisha: Do kisha dashur të isha shumë kohë përpara në takim me ju, se ne jemi parti e debatit. Absolutisht e debatit të lirë. Por, debati gjatë periudhës së raportit, hartimit të raportit, do të ishte kundër nesh. Do ta përdorte Edi Rama për të mashtruar botën se ky këtu nuk mbrojti kutinë atje, nuk u paraqit te komisioni, nuk bëri këtë, nuk bëri atë. Këtë dhuratë nuk mund t’ia bënim ne kurrë atij. Asnjë arsye nuk ka pasur në vonesën tonë të fillimit të analizës përveç kësaj. Asnjë tjetër.E dyta, prej kësaj kaluam në zgjedhjet e Tiranës. Sigurisht nuk do merreshim me analizë të fushatës kur ishim në fushatë zgjedhore. Do të bëjmë një analizë të shkëlqyer. A mundet ne të përdorim situatën, a mundet ne të përdorim faktin e një diktature autoritare për të mos analizuar të gjithë dobësitë, problematikat tona? Në asnjë mënyrë. Ne fillojmë sot një debat, fillojmë sot një analizë me të cilën ne do e nxjerrim shumë më të fortë dhe të fuqishme Partinë Demokratike.
Dhe në këtë analizë, jeni të ftuar secili prej jush të japë mendime, të bëjë kritika për cilido, të bëjë propozime. Kam vetëm dy kërkesa. Jo gjah shtrigash.Ne nuk bëhemi në asnjë rrethanë parti e gjahut të shtrigave, por japim përgjegjësinë me fakte, me argumente secilit. Ku i patëm dobësitë tona, çfarë duhet të përmirësojmë, çfarë duhet të ndryshojmë? Ne nuk duhet të kemi frikë të bëjmë të gjitha sugjerimet, të gjitha propozimet. -
VIDEO/ Berisha: Forcat demokratike në Europë dhe në botë sytë i kanë tek PD. Rama sot është gazi i Europës
Lideri i demokratëve Sali Berisha, gjatë ‘Foltores’ me strukturat dhe simpatizantët degës numër 9 të PD-së në Tiranë, deklaroi se ‘forcat demokratike në Europë dhe në botë i kanë sytë tek Partia Demokratike’, ndërsa akuzoi Edi Ramën për bashkëpunim me krimin e organizuar dhe për ndërtimin e një ‘narko-shteti’ në Shqipëri.
Berisha theksoi se askush nga jashtë ‘nuk do të vijë për të rrëzuar Ramën’, duke nënvizuar se kjo është detyrë e opozitës dhe qytetarëve. Ai lajmëroi nisjen e një analize të brendshme në çdo seksion të PD-së për veprimtarinë zgjedhore, listat, organizimin dhe performancën e strukturave, me synim përgatitjen për një betejë të re politike.
Sipas tij, një sërë rezolutash ndërkombëtare kanë dënuar kapjen e shtetit dhe deformimin e zgjedhjeve në Shqipëri, çka tregon, siç tha Berisha, se pritshmëritë e aleatëve demokratikë janë të larta ndaj PD-së.
Pjesë nga fjala e kreut të PD, Sali Berisha:
Cilido që lexoi telegramin e sekretarit Rubio, mos harroni, çfarë tha?
SHBA do bashkëpunojnë ngushtë me agjencitë e zbatimit të ligjit, në luftën kundër krimit të organizuar, karteleve të drogës, bashkëpunëtorëve të tyre.
Po kush nuk e di se Edi Rama është bashkëpunëtor i tyre?
Të gjithë e dinë.
Kush nuk e di që ministrat e tij janë të lidhur këmbë e krye me drogën?
Cili nuk e di që Edi Rama priti në zyrë Sinaloan?
Dërgoi ministrat në Aruba me avionë specialë.
Pra, deri diku, disa hapa janë bërë.
Por njeri në Shqipëri për të na e hequr Edi Ramën, nuk do vijë.
Ju garantoj.
Duhet ta heqim vetë Edi Ramën.
Prandaj ne këtë analizë, sigurisht fushata zgjedhore dhe e gjithë veprimtaria zgjedhore duhet të analizohet nga ne, seksion në seksion, si i përmbushëm detyrat.
Pati rinumërime, numëruesit tanë dolën faqebardhë, treguan se e kanë bërë detyrën.
Në tërësinë e tyre, unë nuk them.
Po pati të tjerë që pas zgjedhjeve u emëruan drejtorë, ata qofshin.
Ata nuk punuan për fitoren e PD, ata pritën me çdo kusht grabitjen e mandatit dhe marrjen e postit të drejtorit.
Nuk kanë asnjë lidhje me ne.
Pati të tjerë që nuk u bënë drejtorë, ama në fushatë nuk punuan.
Bënë zgjedhje shumë të gabuar.
Dhe ne do ua themi atyre.
Ti në momentin e betejës ku ishe?
Zgjedhjet janë betejë.
Nga ana tjetër do shohim vetë ku kemi mungesa seksionesh, ku kemi mungesa në mënyrë që të bëjmë një verifikim të vetvetes.
Kemi një problem ne, që unë e shtroj këtu, do e shtroj kudo.
Me të drejtë për garën tonë, garuesit shtrojnë si problem listën.
Absolutisht u garantoj se ato lista nuk synon kush të manipulojë me lista, listat kanë pasaktësi sepse njerëzit lëvizin, njerëzit ikin.
Prandaj u lutem shumë edhe në debatin tuaj, të diskutojmë si t’i japim përgjigje kësaj, çfarë bëjmë ne për të hequr këtë debat midis nesh. Për të pasur lista më të pranueshme.
Do bëjmë një analizë në të gjithë aspektet në mënyrë që të përgatitemi për kohën më të shpejtë të mundshme.
Unë e kam thënë dhe e them me Edi Ramën nuk ka zgjedhje, por u garantoj se Edi Rama të ardhme nuk ka.
Jo, nuk ka të ardhme.
Ju e shihni se ç’po ndodh.
Ai është sot gazi i Europës, me Lubinë ai është bërë sot gazi i Europës si kurrë ndonjëherë ndonjë drejtues tjetër.
Edhe më shumë do bëhet.
Prandaj edhe ne do përgatitemi.
Forcat demokratike në Europë dhe në botë sytë i kanë tek PD.
Në një seri rezolutash, gjer sot 5 dhe të tjera do presim, ata kanë dënuar grabitjen e zgjedhjeve, kanë dënuar narkoshtetin shqiptar, kanë dënuar përdorimin politik të drejtësisë, kanë dënuar autokracinë elektorale apo diktaturën autoritare.
Të gjitha këto forca, sytë, mendjen e kanë tek PD dhe opozita.
Unë kam bindjen më të madhe se ju, ne të gjithë së bashku do t’u japim përgjigjen më të merituar pritshmërisë së tyre.
-
“Rama nuk do e gëzojë mandatin e katërt”/ Berisha ‘i planifikuar’: Fillojmë sot një analizë, jemi në betejën vendimtare
Kreu i PD-së Sali Berisha nisi sot ciklin e foltoreve me bazën e demokratëve. Sot u ndal në njësinë numër 9 në Tiranë, teksa foli edhe për analizën e partisë post-zgjedhje.
Berisha tha se sot nis analiza, por nuk duhet të shndërrohet në një gjueti shtrigash. Sakaq, kryedemokrati shtoi se PD do kthehet më e fortë dhe nuk do e lejojë Ramën të gëzojë mandatin e katërt.
Sali Berisha:
A mundet të përdorim situatën, faktin e një diktature autoritare për të mos analizuar të gjithë dobësitë problematika tona. Në asnjë mënyrë. Fillojmë sot, një debat fillojmë sot një analizë që do e nxjerrim shumë më të fortë dhe të fuqishme PD. Jeni ftuar secili nga ju, të japë mendime, të bëjë kritika për cilindo, të bëjë propozime.
Kam dy kërkesa, jo gjah shtrigash. Nuk bëhemi në asnjë rrethanë parti e gjahut të shtrigave. Ku i patëm dobësitë tona? Çfarë duhet të ndryshojmë? Nuk kemi frikë të bëjmë të gjithë sugjerimet. Çfarë të përmirësojmë ne? Dy momente, hapësirë, hapësirë, hapësirë. Diktatura është një peshë e rëndë mbi ne. Duhet të zgjerojmë hapësirat, për mendimin, për të rinjtë, për debatin.
Për të gjithë ata që na duan të bashkohen. Jemi në kushtet e një regjimi autoritar, i cili synon zhdukjen tonë. Ne bëjmë të kundërtën, bëjmë gjithçka të vitalizohemi. Me Edi Ramën zgjedhje s’ka. Nuk ikin diktaturat me votë. E faktuam. Në këtë betejë kemi të drejtën ta kërrejmë këtë qeveri një minutë e më parë nga pushteti. Rama me mandatet të vjedhura në pushtet s’mund të qëndrojë. Jemi në fazën e betejës vendimtare. Kemi faktuar na ka vjedhur zgjedhjet. Nuk do e gëzojë kurrë mandatin e katërt. Duhet të përgatisim partinë. Të bëjmë atë që bëri Nepali, Bangladeshi. Kemi arritur diçka. Nuk mori urim nga qeveria e SHBA. -
“Do t’ju pështyjnë njerëzit rrugës”/ Seanca plenare, Nallbati: Taksat e shqiptarëve, s’janë për ‘vrimat’ që hap Belinda
Seanca plenare sot është përfshirë nga debate dhe diskutime të forta, ku mes tyre në fjalimin e tij deputeti Bledion Nallbati, reagoi ashpër ndaj qeverisë.
Bledion Nallbati: Kush jeni ju more që merrni taksat e shqiptarëve dhe i çoni në vrimat që hap Belinda lart e poshtë me shifra marramendëse. Kjo nuk janë paratë tuaja. Jeni kthyer në skllavo-pronarë. Janë paratë e qytetarëve nuk janë për vrimat e Belindës dhe keni detyrim t’ua ktheni qytetarëve.
Vijoni që për karriget bëni atë që keni bërë që nga dita 1, por mos harroni që të gjithë këtu do të vini tha ai, Belinda, Palloshi dhe të gjithë ata që i shërbejnë interesave të tyre. Të gjithë do të ikni një ditë nga kjo karrigeve dhe do shkoni te vendi. -
“Kollaj të jesh në opozitë me rrogë deputeti”/ Anëtari i PD, ‘s’ia përton’ Berishës: Demokratët janë të pa motivuar
Kreu i PD Sali Berisha po mban turin e foltores, ku sot ka zhvilluar një takim me banorët e njësisë 9 në Tiranë. Ai ka renditur problematikat me të cilat sipas tij po përballet sot Partia Demokratike.
“Pika e parë, llogaridhënia e deputetëve sipas zonave në dështimin e tyre në fushatë dhe zgjedhje. Mendova se kur nisët për herë të parë Foltoren, të gjithë ishim shumë entuziastë që kjo anë në PD do merrte drejtim,. Kush deputet nuk merrte rezultate e duhura do të shkarkohej apo nuk do t’i jepej mundësia të vijonte rrugën. Është shumë e thjeshtë të rrish me rrogën e deputetit në opozitë, dhe e vështirë kur je demokrat i thjeshtë.
Analizë që do të bëhej do të ishte motivim për ne që jemi aktivizuar. Unë nuk e njoh pushtetin, na mban inati dhe logjika e ideali që aktivizohemi me PD. Kur unë shoh që një person që nuk ka pasur rezultate të mira, promovohet në PD unë si i ri dekurajohem. Kjo është arsyeja pse demokratët janë të pa motivuar, me zor po mbushim komisionet”, tha ai. -
‘Foltoren’ e turit! Berisha tregon skemën ‘me kërkesën’ për Salianjin: Jo gjueti shtrigash në parti, i ftoj të gjithë në analizë
Sali Berisha
LEZHË-Sali Berisha: Do kisha dashur të isha shumë kohë përpara në takim me ju, se ne jemi parti e debatit. Absolutisht e debatit të lirë. Por, debati gjatë periudhës së raportit, hartimit të raportit, do të ishte kundër nesh. Do ta përdorte Edi Rama për të mashtruar botën se ky këtu nuk mbrojti kutinë atje, nuk u paraqit te komisioni, nuk bëri këtë, nuk bëri atë.Këtë dhuratë nuk mund t’ia bënim ne kurrë atij. Asnjë arsye nuk ka pasur në vonesën tonë të fillimit të analizës përveç kësaj. Asnjë tjetër. E dyta, prej kësaj kaluam në zgjedhjet e Tiranës. Sigurisht nuk do merreshim me analizë të fushatës kur ishim në fushatë zgjedhore. Do të bëjmë një analizë të shkëlqyer. A mundet ne të përdorim situatën, a mundet ne të përdorim faktin e një diktature autoritare për të mos analizuar të gjithë dobësitë, problematikat tona? Në asnjë mënyrë.Ne fillojmë sot një debat, fillojmë sot një analizë me të cilën ne do e nxjerrim shumë më të fortë dhe të fuqishme Partinë Demokratike. Po. Dhe në këtë analizë, jeni të ftuar secili prej jush të japë mendime, të bëjë kritika për cilido, të bëjë propozime. Kam vetëm dy kërkesa.Jo gjah shtrigash. Ne nuk bëhemi në asnjë rrethanë parti e gjahut të shtrigave, por japim përgjegjësinë me fakte, me argumente secilit. Ku i patëm dobësitë tona, çfarë duhet të përmirësojmë, çfarë duhet të ndryshojmë? Ne nuk duhet të kemi frikë të bëjmë të gjitha sugjerimet, të gjitha propozimet. Jo. Çfarë të përmirësojmë. Dy momente duhet të ketë secili prej nesh. Hapësirë, hapësirë, hapësirë. Të përpiqemi. Diktatura është një peshë e rëndë mbi ne, përpiqet të na zhdukë hapësirat. Ne brenda vetes duhet të përpiqemi të zgjerojmë hapësirat, të krijojmë hapësirat për mendimin, të krijojmë hapësira për të rinjtë, të krijojmë hapësira për debatin, të krijojmë hapësira për të gjithë ata që duan të na bashkohem.