Analisti Ben Andoni komentoi pezullimin e Belinda Ballukut nga detyra e ministres dhe zëvendëskryeministres si dhe “rebelimet” që kanë lindur brenda PD-së.Në një intervistë ai theksoi se Balluku duhet të kishte moralin që të jepte dorëheqjen ose qeveria ta shkarkonte pas pezullimit nga GJKKO. Kritik shprehet edhe ndaj qëndrimit të opozitës për këtë ështje, teksa thotë se me të drejtë kërkon që të mos ushtrohet presion ndaj institucioneve të drejtësisë, por harron se është vetë ajo që i sulmon gjithmonë.“Ose duhet të kshte dhënë dorëheqjen dhe shkarkuar. Balluku duhet të kuptojë se me ato përgjime, ajo vetë duhet të kishte moralin të jepte dorëheqjen, e para të shpëtonte fytyrën e institucionit. Opozita me të drejtë kërkon të ndalojë presionin, por ka një problem të madh moral tek ato. Nëse kërkon gjëra morale, nuk duhet të nisesh nga gjëra pamorale, siç kanë bërë deri më tani. Me pak fjalë, nëse PD do e respektonte SPAK, deri tani i thonë SKAP, në çdo moment kritikojnë çdo vendim dhe janë pro vetëm kur godasin nga socialistët, atëherë ke të drejtën morale të kritikosh në këtë rast. Interpelanca është pjesë e drejtë e opozitës. Mazhoranca duhet të kuptojë me nivelin tashmë të mosdhënien së llogarisë, ka ardhur një moment që përvec braxes, duhet të ketë edhe të tjerë që duhet të shikojnë disa gjëra. Nuk është normale që njerëzit e PS mbyllin në këtëe sens”, u shpreh Andoni.I pyetur nëse kryeministri Edi Rama po ushtron presion me deklaratat e ditëve të fundit për rastin Balluku, Andoni tha: “Jo, unë besoj se zoti Rama ka një problem të madh. Balluku është akuzuar për shkelje të barazisë në tendera dhe VKM është klaluar nga ama, indirekt e prek edhe atë. Zoti Rama po shkon realisht se çfarë është kur institucionet kontrollojnë njëra-tjetrën. Në mendimin tim e bën mirë punën e tij de jure, por de facto duhet të kishte mirësinë, ashtu siç i ka dhënë ok reformës në drejtësi, që ka meritë të madhe për këtë, dhe nga ana tjetër duhet të jetë kokulur që të lërë drejtësinë të bëjë punën e vet.”, tha ai.U ndal gjithashtu edhe te Foltorja e paralajmëruar e Ervin Salianjit. Andoni e sheh lëvizjen e tij si të mirë, por të zbehtë. Sipas tij, Salianji mund të jetë një “kokë turku” nga të tjerë brenda partisë që synojnë të dobësojnë Berishën.“Unë besoj se zoti Berisha ka nisur këtë rrugë se shpreson të dalë diku. Me foltoren 1 nuk shkoi shumë por mori partinë. Me Foltoren 2 do e mbajë partinë. Pjesa e Salianjit po bën gjë të madhe se në historinë e PD do të vijë një moment që do të thonë se çfarë bëtë? Por po afron 8 janari dhe njerëzit nuk kanë për të harruar se çfarë bënë para dy vitesh dhe luftërat e brendshme të kësaj partie që po mësohet në opozitë. Lëvizja e Salianjit është e mirë por akoma e zbehtë se njerëzit të PD kanë shumë problem identiteti, të njeriut që duhet t’i drejtojë. Nuk e di nëse Salianji do të jetë kokë turku apo po bën çmos dhe po shfrytëzohet nga të tjerët në PD për të dobësuar Berishën. “, shtoi analisti.
Category: Politikë
-
Investigimi/ Parku fotovoltaik i Xhafajt dhe Sakos në tokë të ‘vjedhur’, KLSH zbuloi shkeljet e Armando Subashit
Investigimi/ Parku fotovoltaik i Xhafajt dhe Sakos në tokë të ‘vjedhur’, KLSH zbuloi shkeljet e Armando Subashit
Familjarë të Fatmir Xhafajt, pa asnjë lidhje me sektorin e energjisë, blejnë një kompani pa asnjë lloj aktiviteti, që vështirë se mund të quhen biznese aktive. Aplikojnë dhe përfitojnë pa asnjë pengesë për t’u bërë prodhues energjie, në fushën e parqeve fotovoltaike në Fier, që duket se është shndërruar në parkun e korrupsionit për prodhuesit e rinj të energjisë.
Pa kapital e pa asnjë eksperiencë, kësaj kompanie për të zhvilluar lejen i duhej edhe prona. Dhe këtu do t’ju tregojmë një tjetër skandal, se si kompanisë së familjarëve të Fatmir Xhafajt iu dhurua toka, që në fakt duhet t’i përkiste banorëve të asaj zone.
E për këtë është angazhuar edhe kryebashkiaku i Fierit, Armando Subashi, që para interesit të qytetarëve që duhet të përfaqësojë, zgjodhi që tokën t’ia falë familjes Xhafa, veprim të cilin KLSH e cilëson shkelje të rëndë e deri në grabitje të pronës shtetërore.
Për 70 mijë metra katrorë tokë që iu morën banorëve të zonës dhe iu dhanë dy kompanive Dion Energy dhe Amel Energy, Kontrolli i Lartë i Shtetit ka bërë një audit të posaçëm në vitin 2022 dhe ka konstatuar paligjshmëri të plotë, favorizim dhe deri në kryerje veprash penale nga kryebashkiaku i Fierit, Armando Subashi, që për t’u dhënë tokën ka përvetësuar kompetencat e qeverisë dhe Ministrit të Ekonomisë.
Auditimi Financiar dhe i Përputhshmërisë shtrihet në periudhën 01.01.2022 – 31.12.2022, ku janë kontrolluar edhe 15 kontrata qeraje për tokat publike të lidhura nga Bashkia Fier me subjekte private për ndërtimin e Centraleve Fotovoltaike.Gjetjet janë tronditëse.Të gjitha kontratat janë lidhur në kundërshtim flagrant me ligjin dhe VKM 54 e cila përcakton procedurën e dhënies me qera të tokave, por mbi të gjitha përcakton edhe autoritetin që mund t’i lidhë këto kontrata. Në këtë emision do të trajtojmë me detaje pasuritë 288/7 dhe 288/8 dhe kontratat e lidhura nga Bashkia Fier me Amel Energy dhe Dion Energji, objekt investigimi i këtij emisioni.
Kontrata e lidhur me shoqërinë “Dion Energji”, ku pronarë janë të afërmit e Fatmir Xhafajt, është nënshkruar në maj të vitit 2022, ku përfshihet dhënia me qera për 20 vjet e një sipërfaqe prej 35,245 m2 ose 3,5 ha ranishte, në pronësi shtet. Nga auditimi i KLSH konstatohet se dhënia me qira e pasurisë me nr. 288/7 është dhënë pa miratuar nga Këshilli Bashkiak Fier.
Për të shmangur pengesën e marrjes së një vendimi nga Këshilli Bashkiak, Armando Subashi dhe Kompania Dion Energji kanë përdorur si referencë një prej vendimeve të Këshillit Bashkiak nr. 101 datë 19.12.2017 “Për miratimin e fillimit të procedurave të dhënies me qira të sipërfaqeve tokë pa frut në Fshatin Sheq Marinas, Njësia Administrative Topojë, Bashkia Fier”.
Por nga verifikimet, konstatohet se sipërfaqja e tokës që i është dhënë me qera kësaj kompanie, as nuk rezulton si pjesë e listës së sipërfaqeve të tokës për të cilat Këshilli vendosi që të jepen me qera.
Siç citohet në Raportin e KLSH, është e qartë se Këshilli Bashkiak nuk ka miratuar dhënien me qera të pasurisë 288/7 dhe Kryetari i Bashkisë Armando Subashi ka lidhur një kontratë në kundërshtim me ligjin për Vetëqeverisjen Vendore. Por shkeljet nuk përfundojnë me kaq. Raporti vijon me gjetje edhe më skandaloze të cilat duhet ta çonin në pranga kryetarin e Bashkisë e jo më në një mandat të 3-të.
KLSH relaton:
Nuk janë ngritur grupe pune nga titullari për vlerësimin e dokumentacionit për dhënie me qira të pronës sipas zërave, veprime në kundërshtim me udhëzimin nr. 12 datë 30.07.2018 në zbatim të tij.Nuk ka relacione për miratimin e dhënies me qira, është përcaktuar çmimi/lekë në vit. Në zbatim të VKM nr. 54/2014, sipas Kreu III, pika (c), për tokat e pafrytshme, sipas përkufizimit të ligjit nr. 8752, datë 26.3.2001, “Për krijimin dhe funksionimin e strukturave për administrimin dhe mbrojtjen e tokës”, të ndryshuar, tarifat dysheme të qirasë mujore duhet të jenë të njëjta me ato për tokat bujqësore.
Në mungesë të procedurave të sipërcituara, me shkresën nr. 9444/1, dt. 18.12.2020, është nënshkruar një Akt-Marrëveshje midis Bashkisë Fier, përfaqësuar nga Kryetari i Bashkisë z. Armando Subashi dhe z. Spartak Isakaj, administrator i shoqërisë “Dion Energji” Sh.P.K. Nënshkrimi i kësaj Akt-Marrëveshje është në kundërshtim me VKM nr. 54, që përcakton se të drejtën e lidhjes së kontratës së qirasë dhe të përcaktimit të afateve të dhënies me qira e ka ministria për ekonominë.
Sipas kësaj VKM-je, Bashkia Fier dhe Armando Subashi kanë për detyrë përgatitjen e dokumentacionit për gjendjen e tokës që do të jepet me qera dhe pas kësaj i adresohen Ministrisë së Ekonomisë, që është organi që ushtron të drejtën e përfaqësuesit të pronarit të pronës shtetërore. Por e gjithë kjo procedurë ligjore është shmangur dhe ka vijuar me mbylljen e procedurave dhe firmosjen e kontratës për t’i dhënë pronën shtetërore kompanisë Dion Energji.
Gjithashtu, nga Bashkia nuk janë respektuar kërkesat e Udhëzimit të Ministrit të Financave dhe Ekonomisë nr. 13, datë 26.4.2018 “Për zbatimin e vendimit të Këshillit të Ministrave nr. 54, datë 05.02.2014 ‘Për përcaktimin e kritereve, të procedurës dhe të mënyrës së dhënies me qira, enfiteozë apo kontrata të tjera të pasurisë shtetërore’, të ndryshuar”, pika 17, ku përcaktohet:“Në zbatim të pikës 6-c të kreut I të VKM-së, institucioni që përgatit dokumentacionin merr konfirmimin se pasuria është ‘tokë e pafrytshme’ nga Drejtoria e Administrimit të Mbrojtjes së Tokës në Qarkun përkatës. Tokat e pafrytshme lejohet të jepen me qira për qëllime blegtorale, bujqësore, kulturore, industriale etj., sipas objektit të veprimtarisë së subjektit qiramarrës. Të drejtën e lidhjes së kontratës për pasurinë ‘tokë e pafrytshme’ e ka ministria përgjegjëse për ekonominë”.
Por ligjet dhe vendimet e Këshillit të Ministrave të shkelura për këtë rast duket se janë të pafundme. Sipas Raportit të KLSH-së, kompania Dion Energji, që mori 35 mijë metra katrorë sipërfaqe tokë shtetërore, as nuk kishte plotësuar dokumentacionin e nevojshëm. E kjo vërtetohet edhe nga leja e marrë nga Ministria e Infrastrukturës dhe Energjisë, që i dha lejen me kusht që për 6 muaj duhet të plotësonte kushtet e mëposhtme:
(Lista e kushteve – e korrigjuar sipas drejtshkrimit):
Shoqëria “Dion Energji” Sh.P.K ka marrë Miratimin Paraprak nga Ministria e Infrastrukturës dhe Energjisë me nr. 3095/3 dt. 30.12.2021 për ndërtimin e impiantit gjenerues të energjisë elektrike fotovoltaike me kapacitet të instaluar 2 MW dhe vepra ndihmëse. Për vazhdimin e procedurave të mëtejshme për pajisjen me autorizim dhe lejet përkatëse, duhet që brenda 6 (gjashtë) muajve të përfundojë dhe dorëzojë në Ministrinë e Infrastrukturës dhe Energjisë dokumentacionin si më poshtë vijon:
a) studimin e plotë të fizibilitetit teknik, ekonomik, financiar, mjedisor e social, bazuar në të dhëna dhe matje reale të kryera në zonat e zbatimit të projektit;b) planin e biznesit të projektit;c) grafikun e zbatimit të projektit;ç) miratimin e OST-së ose OSSH-së për pikën e lidhjes me rrjetin e transmetimit ose të shpërndarjes;d) lejet, licencat dhe autorizimet paraprake mjedisore;dh) dokumentacionin ligjor, në përputhje me Kodin Civil, që provon marrëdhënien afatgjatë mbi pasurinë që do të përdoret për ndërtimin e burimit gjenerues.Por këto kritere të vendosura nga Ministria e Infrastrukturës, me VKM të Këshillit të Ministrave, janë gjithashtu kusht që kjo kompani të konsiderohej si pretendente për të përfituar tokën me qera. KLSH konstaton se kontrata mes Armando Subashit dhe Dion Energji është firmosur më 30.05.2022 e për pasojë nuk ka plotësuar pikërisht kushtet që Ministria e Infrastrukturës i kishte kushtëzuar lejen për ndërtimin e Parkut Fotovoltaik.Shihet qartë se Armando Subashi nuk ka pyetur jo vetëm për procedurën ligjore të përcaktuar në VKM 54 dhe Udhëzimin e Ministrit të Financave dhe Ekonomisë nr. 13, por mbi të gjitha ka marrë kompetencat e Ministrit përgjegjës për Ekonominë, pasi sipas VKM është i vetmi AUTORITET që mund të lidhë kontratat për tokat PAFRYT, ku hyjnë edhe tokat e përcaktuara si RANISHTE. E për më tepër, kur kompania Dion Energji nuk kishte plotësuar ende kushtet e nevojshme për ta përfituar atë pronë.
E njëjta situatë është dhe me pasurinë tjetër 288/8 dhe kontratën e lidhur me Amel Energy të bashkëshortes së Artan Sakos. E për habi tonën, por që do duhet të hetohet mirë nga SPAK, kontrata e “Dion Energji” ku ortak janë Artan Sako dhe familjarët e Fatmir Xhafaj, është lidhur në datën 30.05.2022, kurse kontrata e komshiut “Amel Energy” në pronësi të gruas së Artan Sakos është lidhur në datën 31.05.2022. Çka për ne është e qartë se këto dy impiante janë miratuar për të funksionuar si të ndarë, por realisht do të jenë një impiant i vetëm dhe e gjithë kjo piruetë bëhet vetëm që këto kontrata të lidhen me firmën e Belindës, pa pasur nevojën për procedura shtesë.Por vijojmë me gjetjet e KLSH për kontratën e lidhur nga Armando Subashi me “Amel Energy” sh.p.k.
Edhe në këtë rast, sipërfaqja e pronës shtetërore është e njëjtë — 35 mijë metra katrorë apo 3.5 hektarë — dhe janë dhënë me qera për 20 vite. Nga auditimi i KLSH konstatohet se dhënia me qira është bërë gjithashtu pa miratuar nga Këshilli Bashkiak Fier. Edhe në këtë rast, sërish ka falsifikim të vendimit të Këshillit Bashkiak, pasi në kontratë përdoret një vendim Këshilli për dhënie tokash me qera që s’ka asnjë lidhje me sipërfaqen në objekt investigimi.Sipas KLSH-së, kontrata e lidhur me shoqërinë “Amel Energy” Sh.P.K dt. 31.05.2022 me afat 20 vjet, është në kundërshtim me nenin 54 pika e, të ligjit nr. 139/2015 “Për vetëqeverisjen vendore” ku citohet: “Miraton tjetërsimin ose dhënien në përdorim të pronave të të tretëve.”Pra edhe në këtë rast, Armando Subashi ka lidhur një kontratë qeraje për një pronë publike pa marrë miratimin e Këshillit Bashkiak.
KLSH:
– Nuk janë ngritur grupe pune nga titullari për vlerësimin e dokumentacionit për dhënie me qira të pronës sipas zërave, veprime në kundërshtim me udhëzimin nr. 12, datë 30.07.2018.– Nuk ka relacione për miratimin e dhënies me qira për përcaktimin e çmimit / lekë në vit.
Në mungesë të procedurave ligjore, me shkresën nr. 9526/1, dt. 18.12.2020, është nënshkruar një Akt-Marrëveshje midis Bashkisë Fier, përfaqësuar nga Kryetari i Bashkisë z. Armando Subashi, dhe z. Elian Shena, administrator i shoqërisë “Amel Energy” Sh.P.K.Nënshkrimi i kësaj Akt-Marrëveshje është në kundërshtim me VKM nr. 54, datë 05.02.2014, Kreu I, pika 6, ku përcaktohet se “Të drejtën e lidhjes së kontratës së qirasë dhe të përcaktimit të afateve të dhënies me qira e ka Ministria për Ekonominë.”
Si edhe në rastin e kontratës së lidhur me kompaninë “Dion Energji”, edhe kompania “Amel Energy” nuk kishte plotësuar ende dokumentacionin e nevojshëm që të hynte në procedurën e marrjes së tokës me qera. Por edhe në këtë rast, Armando Subashi duket se ka mbyllur të dy sytë dhe ka firmosur kontratën, pa menduar se ky veprim e bën atë subjekt të SPAK. Por duket se interesi financiar dhe politik në këtë rast janë vendosur mbi interesin apo fatin e një individi, qoftë ky edhe kryebashkiaku i Fierit.
Duket qartë se jo vetëm Armando Subashi ka miratuar kontratat e qerave brenda 24 orëve për këto dy kompani. Miratimet e Belindës janë bërë në të njëjtën ditë, si dhe lejet e ndërtimit janë miratuar po në të njëjtën ditë. Çka konfirmon se janë një projekt i vetëm, pas të cilit qëndrojnë interesat financiare por edhe politike të një individi që ka pasur fuqinë e marrjes së dy vendimeve për dy kompani të ndryshme brenda së njëjtës ditë.I takon SPAK të qartësojë opinionin publik se cili është ky individ, që për emisionin PLUG dyshimet janë të qarta.
Iu treguam se si lëvizin influencat brenda Partisë Socialiste. Ku Fatmir Xhafaj, një xhaketë e vjetër e selisë rozë, ka mbështetur e lëshuar thuajse çdo kryetar me radhë e çdo yll në ngjitje të kësaj force. Por pas këtyre lëvizjeve, duket se asgjë nuk ka qenë as rastësore por as politico-ideologjike, por thjesht blerje influencash nëpërmjet miliona eurove.
Por Fatmir Xhafaj nuk është i vetmi, një pjesë e madhe e deputetëve apo personazheve brenda së majtës kanë hyrë sa në një derë në tjetrën, veç për këto benefite ekonomike, në kurriz të taksapaguesve shqiptarë. Dikur këto influenca i bleu Edi Rama kundër Fatos Nanos, deri para pak kohës Erion Veliaj për rrugën e tij drejt kreut, e së fundmi Belinda Balluku.Por cili është qëllimi i blerjes së influencave? A është vrasja e “babait politik”? Mbetet për t’u parë…/EMISIONI PLUG -
‘Kjo është vjedhje e pastër’, Përplasja Qarri–Pipiria për taksën e re të pronës: Çmime europiane, zero infrastrukturë
Tema mbi taksën e re të pronës në emisionin e mëngesit, ‘Kafe Shqeto’, solli një debat që prek drejtpërdrejt realitetin e shqiptarëve.
I ftuar në studio, Reinaldo Pipiria, agjent imobiliar dhe drejtues në ‘NAREA’, foli mbi taksën e re të pronës, të cilën qeveria e paraqet si “lehtësi fiskale”. Por gazetari Flavio Qarri ngriti pyetjet që institucionet i shmangin prej vitesh.
Qarri vuri theksin te absurditeti me të cilin përballen qytetarët: çmime deri në 2500 euro për metër katror dhe zero infrastrukturë në lagjet e reja pa trotuare, pa çerdhe, pa kanalizime dhe pa asnjë investim publik.
“Kjo nuk është barrë fiskale, kjo është vjedhje e pastër.”- u shpreh gazetari
Pipiria nga ana tjetër mbrojti masën si proces teknik, por përgjigjja e tij “Po mos e bli atëherë” u lexua si simbol i shkëputjes së plotë nga realiteti i qytetarëve, një fenomen që Syri TV e denoncon prej kohësh.
Ky debat në studio nxori në pah kontrastin mes retorikës zyrtare dhe jetës së përditshme të shqiptarëve, të cilët paguajnë si në Europë, por marrin shërbime të vendeve të varfra.
Pjesë nga debati në studio:
Flavio Qarri: Ky 1%, 8% për ndikimin e infrastrukturës, 5% për të pastrehët, që u bënë 13%. Pyetja është kjo: ndërkohë që ka këtë barrë fiskale për xhepin e qytetarit të thjeshtë, si ka mundësi që nuk ka asnjë lloj përmirësimi të infrastrukturës së qytetit jashtë apartamentit që ti ke blerë? A nuk do të duhej të ishte edhe kjo pjesë e inkorporuar në vlerën e apartamenteve?
Pipiria: Unë nuk jam, unë nuk jam një urbanist dhe nuk do të desha të komentoja pjesën e…
Flavio Qarri: Si ka mundësi që për gjithë pjesët problematike ti s’ke një përgjigje asnjëherë, o vëlla?
Pipiria: Po të lutem, po, po të lutem Flavio, të lutem. Unë jam ekonomist dhe merrem me…
Flavio Qarri: Po është pjesë e ofertës.
Pipiria: Ajo që unë jam duke thënë dhe ajo që ne kemi thënë mbajmë linjën, po themi, me shumë integritet në media dhe në komision dhe kudo themi që kjo barrë fiskale është e rëndë për xhepat e qytetarëve. Unë nuk po flas nëse kjo do ishte… apo na rregullohet… kjo barrë fiskale që rëndonte qytetarët sepse ishte në procesin e krijimit.
Flavio Qarri: Jo, s’është e rëndë, kjo është vjedhje. Më fal, më fal. Kjo është vjedhje, e para. Ky 12%-shi është vjedhje e pastër. Nëse unë nuk kam trotuar… unë banoj në një lagje ku është çmimi mesatar 2,500 euro metri katror dhe unë nuk kam trotuar. Sigurisht nuk kam as çerdhe, kopsht, qendër shëndetësore, kanalizime e të tjera e të tjera, por është nga këto lagjet e reja që ju keni qejf t’i shisni shumë ju realtorët. Po s’ka asgjë aty.
Pipiria: Po mos e bli, çfarë të them unë? Ajo që jam duke thënë…
Flavio Qarri: Po mo, diku do jetoj, ç’është kjo “mos e bli”? Del jashtë… po të lutem tani, domethënë të fillosh dhe të atakosh në këtë mënyrë, që “ju keni qejf të shisni”… Po s’po të atakoj, s’po të atakoj mo, po të pyes. Pse e ndjen si sulm një pyetje të drejtpërdrejtë?
Pipiria: Nuk do t’i hyj… jo mo, jo, s’është pyetje. Nuk, atëherë, nuk ndihem fare që është pyetje e drejtpërdrejtë, por del jashtë temës dhe nuk informon qytetarët për atë që ata duhet të kenë parasysh: çfarë do të ndodhë më 1 janar të 2026-ës. Infrastruktura nuk do të ndryshojë më 1 janar 2026. Do kohë të përmirësohet e të bëhet si vendet europiane. Sot po flasim për çfarë do të ndodhë më 1 janar 2026 dhe si qytetarët të përfitojnë sa më shumë nga kjo lehtësi fiskale, që nga 15 është pesë. Mund të ishte tre, mund të ishte pak më tepër, mund të kishim taksa më të ulëta, patjetër. Mund të ishim pak më të ngjashëm me vendet e Bashkimit Europian. Fatkeqësisht nuk jemi, por nuk e ndryshojmë dot më 1 janar 2026.
Flavio Qarri: Dhe prandaj të pyeta për këtë 12%-shin. Nga 15 në 3, a e rekuperon që është fiks 12%?
Pipiria: Kjo 15, kjo 15 nga tre i jep mundësi që të gjitha pronat të cilat duan të dalin në treg, të dalin të padeformuara me një barrë të rëndë fiskale. Më pas ka një tjetër diskutim që duhet të bëhet: çfarë ndodh me ndërtimin dhe çfarë ndodh me ndërtimin për banesa të përballueshme. Këtu, po, ka vend që këtë 12%-shin që sot ia ngarkojnë ndërtuesit, ta çojmë shumë më poshtë; ndoshta ta çojmë pesë, ndoshta tre hajde të flasim siç është në çdo vend tjetër të Bashkimit Europian.
-
Fondet e BE për bujqësinë, SPAK gati fletë-arrest për Frida Krifcën, ja detajet
Burime të besueshme tregojnë se po përgatiten fletë-arreste për emra të rëndësishëm që kanë firmosur e dirigjuar fondet e BE për bujqësinë, të cilat po hetohen nga prokurorët SPAK, ku mes emrave është edhe ish drejtoresha e AZHBR, Frida Krifca. Mësohet se dy prokurorët kanë bërë një hetim të plotë e perfekt ligjor, aq sa nuk mund ti kundërshtojë asnjë avokat në gjyqin e pritshëm. Një hetim i zyrës së BE-së kundër mashtrimit, zbuloi “keqpërdorim serioz të fondeve të paraanëtarësimit të BE-së për bujqësinë” në Shqipëri dhe rekomandoi bllokimin e paketës 112 milionë euro për programin pasardhës të ndihmës.
Kështu shkruante gazetari i njohur i BIRN, Gjergj Erebara. Zyra e Bashkimit Evropian kundër Mashtrimeve, OLAF, pati njoftuar zyrtarisht se ka identifikuar keqpërdorimin e 33 milionë eurove fonde të BE-së në ndihmë të bujqësisë shqiptare dhe rekomandoi bllokimin e paketës së radhës për sa kohë nuk ka masa për të garantuar mbrojtjen e interesave financiare të BE-së. Skandali është bërë me fondet që Bashkimi Evropian ka dhënë për zhvillimin bujqësor e rural të Shqipërisë përmes Instrumentit të Asistencës së Para-Anëtarësimit (IPARD II), dhe nisi pasi disa nga qytetarët shqiptarë që aplikuan për fonde, denoncuan zyrën shqiptare për praktika korruptive, raporton “Koha Jonë”. Sipas OLAF, hetimi i tyre zbuloi se aplikuesve u kërkohej të paguanin një përqindje të lartë të grantit te kompani konsulence “të parapërzgjedhura” të cilat lehtësonin realizimin e kontratave me Agjencinë Shqiptare për Zhvillim Rural (ARDA), e cila shpërndante fondet. Por edhe se fondet u përdoren për qëllime të tjera korruptive. Pas një serie hapash hetimore, përfshirë kërkime forensike digjitale të dokumenteve të lidhura me përfituesit e IPARD II, ARDA dhe operatorë të tjerë ekonomikë, OLAF zbuloi shumë parregullsi serioze gjatë fazës së dhënies së granteve dhe zbatimit të shumë projekteve.
Mes parregullsive të identifikuara ishte “kërkesa që u bëhej aplikuesve për të paguar një pjesë domethënëse të grantit te një kompani vendëse konsulence” si dhe “kontrata të dhëna pa garë ose me garë të falsifikuar” apo “çmime të inflacionuara dhe shkelje të kontratave”. OLAF rekomandoi gjithashtu që BE të ndalojë programin IPARD III me vlerë 112 milionë euro “deri sa të merren masa për të mbrojtur interesat financiare të BE-së nga aktivitetet ilegale”. OLAF shton se një kopje e gjetjeve është dërguar te autoritetet shqiptare për shkak të “aktiviteteve të mundshme kriminale” të zbuluara gjatë hetimit. Ndërkohë SPAK po mbaron hetimin final dhe ka në tavolinë emrat për arrestime. Burimet thanë se mundet që prokuroret ti firmosin para Krishtlindjeve fletë-arrestet. BE mezi pret penalitetet për personat që abuzuan me dhjetra milionë euro, të cilat nga fonde për bujqësinë u kthyen në donacione miqësore për vila, kopshte, hotele, lokale turistike për emra të njohur. -
113 vjetori i FA, Begaj: Pjesëmarrja në misione ndërkombëtare na bën krenarë dhe kontribuues me vlera
Presidenti Bajram Begaj ka shprehur vlerësimin dhe mirënjohjen për të gjithë efektivët e Forcave të Armatosura të Shqipërisë. Në 113-vjetorin e themelimit të Forcave të Armatosura të Shqipërisë, kreu i shtetit theksoi angazhimin e tyre në misione dhe operacione ndërkombëtare, duke na bërë krenarë.
“Sot, në ditën e themelimit të Forcave të Armatosura, nderojmë me respekt kontributin, sakrificat dhe shërbimin e vyer të të gjithë efektivëve të FARSH që me atdhedashuri, besnikëri dhe disiplinë i kanë shërbyer atdheut në këto 113 vite.
Forcat e Armatosura, me angazhimin, përkushtimin dhe profesionalizimin e tyre, kanë arritur me sukses të jenë në lartësinë e detyrës për sigurimin e pavarësisë dhe mbrojtjes së vendit.
Pjesëmarrja në misione dhe operacione të NATO-s, BE-së dhe OKB-së na bën krenarë dhe kontribuues me vlera në sigurinë kolektive.
Mirënjohje për çdo efektiv, vajza dhe djem, gra dhe burra të Forcave të Armatosura për shërbimin që i bëjnë atdheut!
Gëzuar 113-vjetorin FARSH!”, shkruan Begaj në Facebook. -
Foltore me dy gishta, pa ‘Doktorin’/ Mes simboleve të vjetra dhe mungesës së kryetarit
Takimi i së mërkurës në Durrës, i organizuar me pjesëmarrjen e Ervin Salianjit, Ilir Alimehmetit dhe eksponentëve të tjerë të PD-së, solli një foltore të ngjashme me ato tradicionale të demokratëve: dy gishtat lart, flamuri i PD-së në sfond dhe retorikë për “rizgjim” dhe “bashkim”.
Por ndryshimi thelbësor ishte se, ndonëse simbolika ishte berishiste, Berisha mungoi si figurë reference në fjalimet kryesore.Ndrec Pjetri, kandidati më i votuar nga lista e hapur në qarkun e Durrësit, e nisi takimin me një mesazh të qartë: demokratët, sipas tij, kanë mbetur të shpërndarë që nga humbja e 11 majit.
“Jemi bërë si zogjtë e korbit, as ku jemi, as ku do shkojmë”, tha Pjetri, i cili theksoi se ky rrugëtim nuk ka të bëjë me interesa personale apo kauza individuale.
Në të njëjtën linjë, Artion Bajramaj riktheu kritikat për mënyrën si u menaxhuan primaret brenda PD-së, duke i cilësuar si proces të nisur me energji, por të deformuar në zbatim, ku “fituesi zëvendësohej nga dikush që vendoste nga lart”.
Në këtë atmosferë pakënaqësie të artikuluar hapur ndaj mënyrës së vendimmarrjes në parti, Ilir Alimehmeti u përpoq të krijonte një narrative bashkuese, duke folur për domosdoshmërinë e përmirësimit të strukturave, transparencën me votuesit dhe betejën ndaj qeverisë Rama.
Ai theksoi se PD-ja është “parti e lirë”, duke nënkuptuar nevojën e shmangies së centralizimit.
Por ishte Ervin Salianji ai që doli me mesazhin më direkt politik, duke e çuar takimin drejt një qasjeje që shumëkush e lexoi si tentativë për të ridimensionuar hapësirat e tij brenda PD-së.
Ai nuk përmendi asnjëherë Sali Berishën, ndërsa foli për një PD që duhet “të hapet”, “të përgatitet për rotacion” dhe “të bashkohet” për të mundur Ramën.
Thirrja e tij “bashkohuni me ne” krijoi paqartësi se cilës PD i referohej konkretisht – asaj zyrtare, asaj që ai përfaqëson politikisht, apo një formule të re brenda së njëjtës parti.
Takimi në Durrës shfaqi një kontrast të fortë: nga njëra anë baza demokratike që vijon të identifikohet me simbolikën e dy gishtave – simbolikë e lidhur ngushtësisht me Berishën – dhe nga ana tjetër drejtues e figura lokale që shmangin lidhjen direkte me të në diskurs, duke sinjalizuar një fazë të re tensioni të heshtur brenda PD-së.
Sepse, pa Berishën në sallë, simbolet thonë më shumë se fjalimet. AP -
Shtyhet padia e Ramës në GJK / Avokati: Pushteti gjyqësor po luan rolin e destabilizuesit!
Pasi tre gjyqtarët nuk arritën unanimitet të martën për të vendosur kalimin apo rrëzimin e padisë së kryeministrit për çështjen Balluku, Gjykata Kushtetuese shtynë me mbi një javë Mbledhjen e Gjyqtarëve.
Avokati Idajet Beqiri, në një intervistë në “Ora e Fundit” në ABC News tha se Gjykata Kushtetuese nuk është në nivelin e duhur.
Ai tha se Gjykata po ngelet peng i politikës, duke mos u treguar në nivelin e saj.
Gjithashtu gjatë intervistës, theksoi se pushteti gjyqësor nuk është në rolin e saj, dhe se sipas tij po luan rolin e destabilizuesit.
“Ky pushtet gjyqësor edhe pse u bë një reformë e thellë dhe po mbushen afërisht 10 vite, ne po shohim që ky pushtet nuk po e merr dot veten. Reformat kanë ngecur. Nisi mirë, u mendua se me qëndrimet e para që mbajti SPAK nuk do kishin më pandëshkueshmëri në këtë vend. Nga ana tjetër me pastrimin që iu bë afro gjysmën gjyqtarëve dhe prokurorëve, u mendua që një pjesë e tyre, pasi nuk mund t’i përfshijmë të gjithë, por pjesa tjetër u mendua që do kenë frikë dhe nuk do fusin duart në xhepat e qytetarëve. Por me këtë akt të sotëm tregon që nuk është në nivelin e gjykatës dhe disa anëtarë të saj po ngelen peng të politikës. Këtu nuk ka nevojë të bësh teori, neni 103 thotë që ministri barazohet në imunitet me deputetin dhe që këtu mbaron. Pushteti gjyqësor nuk është në rolin e vet, dhe po luan rolin e destabilizuesit , të çorientuesit”, tha ndër të tjera ai. -
Sot seancë plenare në Kuvend, 20 çështjet që parashikohen në Rendin e Ditës
Kuvendi i Shqipërisë do të mblidhet sot në seancë plenare, ku 20 çështje janë parashikuar në Rendin e Ditës.
Seanca plenare do të fillojë në orën 10:00, ndërsa Rendi i ditës i seancës plenare është si më poshtë:
1. Miratimi i procesverbalit të seancës plenare të datës 2.12.2025.
2. Njoftime.
3. Raporti i veprimtarisë të Komisionit Qendror të Zgjedhjeve për vitin 2024.
4. Projektligji “Për denoncimin e marrëveshjes së bashkëpunimit, ndërmjet Këshillit të
5. 6. 7. Ministrave të Republikës së Shqipërisë dhe fondacionit Hanns-Seidel të Republikës Federale të Gjermanisë, ratifikuar me ligjin nr. 9781, datë 19.7.2007”. Projektligji “Për aderimin e Republikës së Shqipërisë në Traktatin e Marrakeshit për lehtësimin e aksesit në veprat e botuara për personat e verbër, me vështirësi në shikim ose me aftësi të kufizuara në leximin e teksteve të shtypura, bërë në Marrakesh, më 27.6.2013”. Projektligji “Për pranimin e ndryshimeve të Statutit të Romës për Gjykatën Ndërkombëtare Penale, për krimin e agresionit, ratifikuar me ligjin nr. 8984, datë 23.12.2002”. Projektligji “Për aderimin e Republikës së Shqipërisë në memorandumin e mirëkuptimit për kontrollin shtetëror portual në Rajonin e Mesdheut, bërë në Maltë, më 11 korrik 1997”.
8. Projektligji “Për ratifikimin e marrëveshjes së grantit, ndërmjet Republikës së Shqipërisë dhe
9. Bankës Evropiane për Investime, për projektin “Infrastruktura hekurudhore e korridorit VIII, faza I – Shqipëri”. Projektligj “Për ratifikimin e kontratës financiare, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e korridorit VIII, faza I – Shqipëri”.
10. Projektligji “Për ratifikimin e marrëveshjes së huas, ndërmjet Republikës së Shqipërisë dhe Bankës Evropiane për Rindërtim dhe Zhvillim, për projektin “Korridori hekurudhor VIII, faza I – seksioni Durrës – Rrogozhinë’””.
11. Projektligji “Për ratifikimin e marrëveshjes së garancisë, ndërmjet Republikës së Shqipërisë dhe Bankës Evropiane për Rindërtim dhe Zhvillim (BERZH), për marrëveshjen e huas, ndërmjet Korporatës Elektroenergjetike Shqiptare, sh.a., (KESH, sh.a.) dhe Bankës Evropiane për Rindërtim dhe Zhvillim (BERZH), për projektin fotovoltaik (FV) solar nga 2 KESH-i”.
12. Projektligji “Për përgjegjësitë e zgjeruara të subjekteve prodhuese të produkteve që gjenerojnë mbetje”.
13. Projektligj “Për disa ndryshime dhe shtesa në ligjin nr. 10304, datë 15.7.2010 “Për sektorin minerar në Republikën e Shqipërisë”, të ndryshuar. 14. Projektligji “Për disa ndryshime dhe shtesa në ligjin nr. 95/2015, “Për shërbimet dhe produktet biocide në shëndetin publik”, të ndryshuar”.
15. Projektligji “Për disa shtesa dhe ndryshime në ligjin nr. 15, datë 5.03.2015 “Për rolin e Kuvendit në procesin e integrimit të Republikës së Shqipërisë në Bashkimin Europian” i ndryshuar”
16. Projektligji “Për disa shtesa dhe ndryshime në ligjin nr. 8454, datë 04.02.1999 “Për Avokatin e Popullit”, të ndryshuar”.
17. Projektvendimi “Për emërimin e anëtarit të Bordit të Autoritetit të Mbikëqyrjes Financiare, që do të mbajë funksionin e Drejtorit të Përgjithshëm Ekzekutiv të Autoritetit”.
18. Projektvendimi “Për zgjedhjen e Komisionerit për Mbikëqyrjen e Shërbimit Civil”.
19. Projektvendimi “Për ngritjen e nënkomisionit për Auditimin e Sektorit Publik në përbërje të Komisionit të Përhershëm Parlamentar për Ekonominë, Punësimin dhe Financat”.
20. Diskutime për çështje jashtë rendit të ditës.
-
Kuvendi mblidhet sot në seancë plenare, nga raportimi i KQZ-së e deri te Avokati i popullit (Rendi i Ditës)
kuvend
TIRANË- Kuvendi do të mblidhet këtë të enjte për seancën e radhës plenare, në orën 10:00, ku parashikohet që në rend dite të diskutohen 20 çështje.
Në rend dite pritet të diskutohen raportimi i veprimtarisë së Komisionit Qendror të Zgjedhjeve (KQZ) për vitin 2024. Kryekomisioneri Ilirjan Celibashi do të raportojë përpara ligjvënësve veprimtarinë e institucionit që drejton.
Zgjedhja e Avokatit të Popullit po ashtu pritet të kalojë në rend dite, pasi ky proces nuk po merr ende formë pas zhvillimeve të fundit mes PS dhe PD-së. Ndonëse u arrit një konsensus mes palëve sa i përket emrave për kandidatura, një ditë më parë, Partia Demokratike ka tërhequr firmat e deputetëve të saj si dhe mbështetjen për kandidaturat.
RENDI I DITËS:
Projektligji “Për denoncimin e marrëveshjes së bashkëpunimit, ndërmjet Këshillit tëMinistrave të Republikës së Shqipërisë dhe fondacionit Hanns-Seidel të Republikës Federale të Gjermanisë, ratifikuar me ligjin nr. 9781, datë 19.7.2007”.
Projektligji “Për aderimin e Republikës së Shqipërisë në Traktatin e Marrakeshit për lehtësimin e aksesit në veprat e botuara për personat e verbër, me vështirësi në shikim ose me aftësi të kufizuara në leximin e teksteve të shtypura, bërë në Marrakesh, më 27.6.2013”.
Projektligji “Për pranimin e ndryshimeve të Statutit të Romës për Gjykatën Ndërkombëtare Penale, për krimin e agresionit, ratifikuar me ligjin nr. 8984, datë 23.12.2002”. Projektligji “Për aderimin e Republikës së Shqipërisë në memorandumin e mirëkuptimit për kontrollin shtetëror portual në Rajonin e Mesdheut, bërë në Maltë, më 11 korrik 1997”.
Projektligji “Për ratifikimin e marrëveshjes së grantit, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e korridorit VIII, faza I – Shqipëri”.
Projektligj “Për ratifikimin e kontratës financiare, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e korridorit VIII,faza I – Shqipëri”
Projektligji “Për ratifikimin e marrëveshjes së huas, ndërmjet Republikës së Shqipërisë dhe Bankës Evropiane për Rindërtim dhe Zhvillim, për projektin “Korridori hekurudhor VIII, faza I – seksioni Durrës – Rrogozhinë’””.
Projektligji “Për ratifikimin e marrëveshjes së garancisë, ndërmjet Republikës së Shqipërisë dhe Bankës Evropiane për Rindërtim dhe Zhvillim (BERZH), për marrëveshjen e huas, ndërmjet Korporatës Elektroenergjetike Shqiptare, sh.a., (KESH, sh.a.) dhe Bankës Evropiane për Rindërtim dhe Zhvillim (BERZH), për projektin fotovoltaik (FV) solar nga 2 KESH-i”.
Projektligji “Për përgjegjësitë e zgjeruara të subjekteve prodhuese të produkteve që gjenerojnë mbetje”.
Projektligj “Për disa ndryshime dhe shtesa në ligjin nr. 10304, datë 15.7.2010 “Për sektorin minerar në Republikën e Shqipërisë”, të ndryshuar.
Projektligji “Për disa ndryshime dhe shtesa në ligjin nr. 95/2015, “Për shërbimet dhe produktet biocide në shëndetin publik”, të ndryshuar”.
Projektligji “Për disa shtesa dhe ndryshime në ligjin nr. 15, datë 5.03.2015 “Për rolin e Kuvendit në procesin e integrimit të Republikës së Shqipërisë në Bashkimin Europian” i ndryshuar”
Projektligji “Për disa shtesa dhe ndryshime në ligjin nr. 8454, datë 04.02.1999 “Për Avokatin e Popullit”, të ndryshuar”.
Projektvendimi “Për emërimin e anëtarit të Bordit të Autoritetit të Mbikëqyrjes Financiare, që do të mbajë funksionin e Drejtorit të Përgjithshëm Ekzekutiv të Autoritetit”.
Projektvendimi “Për zgjedhjen e Komisionerit për Mbikëqyrjen e Shërbimit Civil”.
Projektvendimi “Për ngritjen e nënkomisionit për Auditimin e Sektorit Publik në përbërje të Komisionit të Përhershëm Parlamentar për Ekonominë, Punësimin dhe Financat”.
Dokumenta bashkëngjitur -
Roland Bejko: Lëvizja e re Salianji-Alimehmeti, shpresa e fundit për ta shpëtuar PD
Pedagogu Roland Bejko foli sot për zhvillimet e fundit në Partinë Demokratike. Bejko u ndal te lëvizja e re Salianji-Alimehmeti, të cilët duken se po ‘trazojnë’ ujërat në PD, pasi nga deklarimet e tyre ata kanë lënë të nënkuptohet se po kërkojnë një frymë të re në parti.
Sipas pedagogut lëvizja e re Salianji-Alimehmeti është shpresa e fundit për ta shpëtuar PD-në.
Sakaq ai tha se kreu i PD-së, Sali Berisha do përdorë çdo mjet për t’a shkatërruar këtë frymë të re pa u krijuar ende mire.
“Berisha po përpiqet ta shkatërrojë lëvizjen siç ka vepruar gjithmonë përçarës i së djathtës, Ai nxori nga historia studentët e dhjetorit”, tha Bejko në podkastin për gazetën Tema.
“Berisha do të përpiqet të përdorë çdo mënyrë për ta shkatërruar lëvizjen e re brenda PD-së pa u krijuar mirë, ashtu siç ka ndodhur me çdo tentativë për lëvizje të reja brenda së djathtës”. Kështu mendon Roland Bejko, një prej zërave më kritikë brenda së djathtës, dikur pjesë e strukturave drejtuese të Partisë Demokratike. Në një intervistë për Tema, Bejko flet për një panoramë të zymtë mbi gjendjen aktuale të PD-së dhe rolin që, sipas tij, ka luajtur Sali Berisha në fragmentimin e saj. “Foltoret e dështuara të Berishës dhe sheshi me 300 veta” tregojnë jo forcë, por kapitullimin politik të një lideri që ka humbur lidhjen me bazën e vet tradicionale”, thotë ndër të tjera Bejko duke theksuar se: Berisha ka vepruar gjatë gjithë viteve si një figurë përçarëse brenda së djathtës, duke arritur deri aty sa të nxjerrë nga historia edhe vetë studentët e Dhjetorit, simbolin më të pastër të fillimit të pluralizmit. “Berisha, si përçarës i së djathtës, i ka nxjerrë nga historia studentët e dhjetorit”, shprehet Bejko, duke e konsideruar këtë si një nga devijimet më të rënda historike.
Në vlerësimin e tij, Shqipëria sot është e kapur nga një aleancë e rrezikshme ndërmjet Ramës, Berishës, oligarkëve dhe krimit të organizuar. Bejko e përshkruan këtë si një bllok pushteti ku politika dhe interesat kriminale ndërthuren për të mbajtur vendin peng.
“Rama, Berisha, bashkë me oligarkë dhe krimin e organizuar kanë marrë peng Shqipërinë”, thotë ai, duke vendosur dy figurat historikisht kundërshtare në të njëjtën anë të barikadës së interesave.
Madje, sipas tij, Berisha gjendet sot në pozita të ngjashme me ministrat e Ramës të akuzuar për korrupsion: të dyja palët kanë mbi supe çështje të rënda që i mbajnë të lidhur dhe i pengojnë të kërkojnë transparencë.
Në këtë panoramë të errët, Bejko sheh si dritë shprese: lëvizjen e re brenda PD-së, një proces që ai e quan “shpresa e fundit për të shpëtuar Partinë Demokratike”. Kjo lëvizje, sipas tij, mund të sjellë gjeneratë të re politikanësh në PD, larg ndikimit të Berishës dhe riteve të vjetra të tranzicionit.
Por rruga nuk është e lehtë. Ai flet edhe për “tradhtarët” brenda kësaj lëvizjeje – individë që në momente presioni ose joshjeje nga Berisha kanë braktisur parimet dhe janë kthyer pas. Edhe më problematik, sipas tij, është fenomeni i “armiqve të brendshëm”, njerëz të infiltruar ose të lëkundur që pengojnë çdo proces reformimi.
Bejko thekson ndër të tjera se Berisha është tashmë i zbuluar sepse strategjia e tij e vjetër nuk funksionon më në një realitet të ndryshuar.