Joni Keta është zgjedhur sot kreu i i Byrosë Kombëtare të Hetimit. Me 11 vota pro, anëtarë të KLP votuan kandidatin e propozuar nga Prokuroria e Posaçme, (SPAK). Joni Keta do të ketë një mandat 5-vjeçar nën drejtimin e ‘FBI-së shqiptare’.
Keta mbante postin e zv.drejtorit të Byrosë dhe u propozua si drejtues në finale të një procesi që zgjati disa muaj. Në garë për drejtimin e strukturës që ndihmon SPAK në hetime ishin 7 kandidatë, përfshirë zyrtarë të lartë policie, edhe prokurorë.
Më herët në këtë detyrë ishte Aida Hajnaj.
Ky proces u monitorua nga afër nga partnerët ndërkombëtarë, përfaqësues të Ambasadës Amerikane dhe ata të BE-së.
Category: Kronikë
-
Me 11 vota pro, KLP zgjedh Joni Ketën për kreun e BKH. Të pranishëm edhe përfaqësuesit e SHBA dhe BE
-
Ushtroi dhunë ndaj gruas dhe e nxori me forcë nga banesa, bashkë me djalin e mitur, e pëson 38-vjeçari në Kurbin
Një 38-vjeçar ka rënë në prangat e policisë së Kurbinit, pasi akuzohet se ka dhunuar gruan dhe e ka nxjerrë me forcë nga banesa, bashkë me djalin e tyre të mitur. Pas hekruave ra shtetasi me inicialet GJ.L. Po ashtu kanë nisur hetimet dhe për shtetasen me inicialet S.S., 38 vjeçe, e cila akuzohet se ka ushtruar dhunë psikologjike ndaj babait të tij.
“Specialistët për Hetimin e Krimeve të Komisariatit të Policisë Kurbin arrestuan në flagrancë shtetasin Gj. L., 38 vjeç, banues në Laç, pasi ka kallëzuar bashkëshortja e tij se ai ka ushtruar dhunë ndaj saj dhe e ka nxjerrë nga banesa, bashkë me djalin e tyre.
Gjithashtu, këta specialistë referuan materialet në Prokurori ku nisi procedimi penal për shtetasin S. S., 38 vjeç, banues në Milot, pasi dyshohet se ka ushtruar dhunë psikologjike ndaj babait të tij.
Shërbimet e Policisë Rrugore Lezhë referuan materialet në Prokurori, ku nisi procedimi penal për një shtetas 17 vjeç, pasi u kap duke drejtuar automjetin, pa leje drejtimi.
Materialet procedurale iu referuan Prokurorisë së Lezhës, për veprime të mëtejshme.”, sqaron policia.
-
Vrasja e gjyqtarit, Apeli i GJKKO lë në burg Gjon Shkambin
Gjykata e Apelit e Juridiksionit të Përgjithshëm ka lënë në fuqi masën e sigurimit “arrest në burg” për Gjon Shkambin, xhaxhain e Elvis Shkambit, i cili vrau gjyqtarin Astrit Kalaja brenda sallës së gjyqit.
Vendimi i Apelit konfirmon masën e caktuar më herët nga shkalla e parë, duke refuzuar kërkesën e mbrojtjes për ndryshim të masës së sigurisë.
Gjon Shkambi ndodhet në burg, pasi akuzohet për rolin e dyshuar në ngjarjen e rëndë, që tronditi sistemin e drejtësisë. Ngjarja e 6 tetorit solli reagime të shumta dhe ngriti shqetësime mbi sigurinë në ambientet gjyqësore. -
67 gazetarë të vrarë gjatë këtij viti! Gati gjysma në zonat e konfliktit në Gaza
Raporti i fundit i organizatës Reporterët pa Kufij (RSF) i publikuar këtë të martë, më 9 dhjetor, tregon një bilanc alarmant: 67 gazetarë janë vrarë gjatë vitit të fundit, shumica prej tyre të shënjestruar nga forcat e armatosura, grupet paramilitare dhe rrjetet kriminale.
Të paktën 53 nga 67 profesionistët e medias të vrarë gjatë vitit të kaluar janë viktima të luftës ose rrjeteve kriminale.
Në raportin vjetor të publikuar nga grupi për lirinë e medias me seli në Paris, thuhet se Gaza është zona më e rrezikshme, ku 43% e gazetarëve të vrarë u ekzekutuan nga ushtria izraelite. Që nga tetori 2023, mbi 220 gazetarë janë vrarë në këtë konflikt.
Kjo i ka bërë forcat izraelite “armikun më të keq të gazetarëve“, tha RSF në raportin e saj.
Ukraina dhe Sudani mbeten gjithashtu zona të përgjakshme për profesionistët e medias, me gazetarë të vrarë gjatë raportimit në terren.
Meksika renditet si vendi i dytë më i rrezikshëm në botë për gazetarët, me nëntë të vrarë vetëm këtë vit, kryesisht nga krimi i organizuar.
Vetëm dy gazetarë të huaj humbën jetën jashtë vendeve të tyre: fotografi francez Antoni Lallican në Ukrainë dhe gazetari nga Salvadori Javier Hércules në Honduras.
Statistika shqetësuese
Përpos numrit të gazetarëve që kanë mbetur të vrarë nga konfliktet në botë, të tjera statistika shqetësuese janë publikuar.
Kështu, sipas raportit rezulton se 503 gazetarë janë aktualisht të burgosur në 47 vende. Kina mban vendin e parë me 121 të ndaluar, e ndjekur nga Rusia (48) dhe Myanmar (47).
135 gazetarë janë të zhdukur, kryesisht në Siri (37) dhe Meksikë (28). Ndërsa 20 gazetarë janë peng në vende si Jemeni dhe Siria, ku grupet e armatosura vazhdojnë të përdorin gazetarët si mjet presioni.
Drejtori i Përgjithshëm i RSF-së, Thibaut Bruttin, paralajmëron: “Gazetarët nuk vdesin, ata vriten! Ata shënjestrohen për punën e tyre. Kritika ndaj medias është e ligjshme, por urrejtja ndaj gazetarëve, e nxitur nga forcat e armatosura dhe krimi i organizuar, po i kthen ata në viktima të padëshiruara të historisë.” -
Vrasja e gjyqtarit Astrit Kalaja, Apeli rrëzon kërkesën për liri të Gjon Shkambit
Gjykata e Apelit të Juridiksionit të Përgjithshëm refuzoi kërkesën për zbutje të masës së sigurisë për Gjon Shkambi, duke e lënë në fuqi masën “arrest në burg”. Shkambi, xhaxhai i Elvis Shkambit, u arrestua pas vrasjes se gjyqtarit Astrit Kalaj ne Gjykatën e Apelit në kryeqytet.
Sipas vendimit të Apelit, Shkambi, xhaxhai i autorit të dyshuar të vrasjes së gjyqtarit Astrit Kalaja, nuk do të lirohet pasi gjykata, pas shqyrtimit të arsyetimeve të tij dhe provave në dosje, e ka konsideruar kërkesën si “të pabazuar në ligj dhe prova”.
Shkambi mbetet në burg si i dyshuar për “nxitje të krimit” dhe për dijeni të mundshme veprimet e nipit të tij, ndërkohë që hetimet vazhdojnë. -
Sherr mes fqinjëve në Patos, plagoset 41-vjeçari, një në pranga
Një sherr mes fqinjëve ka përfunduar me plagosjen e një 41-vjeccari dhe arrestimin e autorit.
Sipas burimeve zyrtare, specialistët për hetimin e krimeve kundër personit arrestuan në flagrancë shtetasin M. G., 36 vjeç, banues në Verbas, Patos, për veprën penale “Vrasja me dashje” e mbetur në tentativë, si dhe referuan materialet në Prokurori, ku nisi procedimi në gjendje të lirë, për fqinjin e tij, shtetasin Sh. Q., 41 vjeç.
Dyshohet se për motive të dobëta, 36-vjeçari ka dëmtuar me mjet prerës, shtetasin Sh. Q., ndërsa ky i fundit ka goditur me grushte dhe me sende të forta, babanë e 36-vjeçarit, shtetasin A. G.. 41-vjeçari është aktualisht në kujdesin e mjekëve. -
Kë po përgjonin? Autoritetet shqiptare u njoftuan me vonesë për oficerët “në aksion” në tragetin italian në Durrës
Dy oficerë të Guardia di Finanza-s dhe një specialist IT-je italian kanë hyrë në Shqipëri më 5 dhjetor dhe ishin planifikuar të largoheshin brenda ditës, por veprimet e tyre kanë shkaktuar shqetësim te autoritetet shqiptare. Kjo sepse ata kishin me vete pajisje të dyshuara për përgjim, por nuk kishin marrë leje dhe as informuar autoritetet tona për këtë.
Gazetarja e Klan News Glidona Daci ka mësuar të tjera detaje në lidhje me këtë ngjarje që ka bërë bujë në disa media në dy ditët e fundit.
Daci raporton se pala italiane i ka informuar autoritetet shqiptare me vonesë mbi veprimet që oficerët do të kryenin në tragetin që kishte flamur italian, të ankoruar në portin e Durrësit. Kur tre personat tentuan të kalonin në pikën e kalimit kufitar, policia shqiptare zbuloi pajisjet që ata mbanin me vete dhe dyshohet të jenë përgjuese.
Vetëm kur u ndaluan, autoritetet italiane informuan palën shqiptare se dy oficerët dhe specialisti i IT-së ndodheshin atje për të kryer veprime në tragetin e pasagjerëve me flamur italian. Pajisjet janë bllokuar nga strukturat shqiptare, ndërsa çështja ende nuk ka shkuar në Prokurorinë e Durrësit.
Sipas burimeve, pajisjet do t’i nënshtrohen verifikimeve për të përcaktuar nëse janë kryer veprime jashtë tragetit. -
I dhunoi babanë/ Djali hakmerret, tenton të vrasë 41-vjeçarin
“Specialistët për Hetimin e Krimeve kundër Personit arrestuan në flagrancë shtetasin M. G., 36 vjeç, banues në Verbas, Patos, për veprën penale “Vrasja me dashje”, e mbetur në tentativë. Materialet i janë referuar Prokurorisë, ku nisi procedimi në gjendje të lirë për fqinjën e tij, shtetasin Sh. Q., 41 vjeç.
Sipas Policisë, pas një konflikti për motive të dobëta, 36-vjeçari ka dëmtuar me mjet prerës shtetasin Sh. Q., ndërsa ky i fundit ka goditur me grushte dhe me sende të forta babanë e 36-vjeçarit, shtetasin A. G.
41-vjeçari ndodhet aktualisht nën kujdesin e mjekëve.”, thuhet në njoftimin e policisë. -
Hiqej si përfaqësues i një fondacioni bamirësie për të vjedhur para, arrestohet 23-vjeçari në Tiranë
Specialistët për Hetimin e Krimeve në Komisariatin e Policisë Nr. 4 arrestuan në flagrancë shtetasin S. H., 23 vjeç, i dyshuar për mashtrim.
Sipas njoftimit të Policisë, i riu dyshohet se është prezantuar si përfaqësues i një fondacioni bamirësie dhe i ka marrë një shumë parash një qytetari, duke e mashtruar se paratë do të shërbenin për një ndërhyrje kirurgjikale të një shtetasi të mitur.
Materialet i kaluan Prokurorisë për veprime të mëtejshme ligjore.
