Lajmidites.com

Category: Kronikë

  • Italianët përgjuan në Shqipëri? Oficerët e Guardia di Finanza e mohojnë, por paisjet e tyre janë sekuestruar

    Italianët përgjuan në Shqipëri? Oficerët e Guardia di Finanza e mohojnë, por paisjet e tyre janë sekuestruar

    Ende e paqartë dhe plot mister çështja e pajisjeve që u gjetën nga policia në portin e Durrësit. Mjetet i përkisnin dy oficerëve të Guardia di Finanza dhe një specialisti IT-je gjithashtu italian. Të tre këta persona janë marrë në pyetje nga policia, por ata kanë mohuar që të kenë kryer veprime përgjuese apo të kishin iniciativë për të mbajtur nën përgjim ndonjë person, edhe pse ka dyshime për këtë gjë.
    E vetmja gjë që ata kanë deklaruar ishte se kishin mbërritur në Shqipëri për të bërë disa veprime hetimore në ujërat ndërkombëtare, por që nuk kanë lidhje me Shqipërinë. Pas deklarimeve ata janë lënë të lirë për tu kthyer në Itali.
    Burime bëjnë me dije se në mjetet e tyre që tashmë janë sekuestruar janë pajisje GPS, marrës të dhënash, kompjuterë, fisha etj. Këto materiale janë pikërisht pajisje që përdoren për përgjime. Ende nuk dihet nëse ato janë përdorur apo jo, por pritet që përgjigjja të jepet nga laboratori shkencor i policisë. Nëse pajisjet janë përdorur, ato lënë gjurmë dhe pas ekspertizës do të vërtetohen nëse janë vendosur në zbatim apo jo.

    Dy oficerët e Guardia di Finanzas dhe specialisti i IT-së kanë hyrë në Shqipëri në 5 dhjetor e sipas tyre do të qëndronin pak ditë.
    Të njëjtat burime shtojnë se autoritetet italiane kanë njoftuar me vonesë palën shqiptare për zyrtarët e Guarda di Finanza. Ndërkohë çështja po hetohet nga Prokuroria e Durrësit./vizionplus.tv

  • SYRI TV/ Halla e 15-vjeçarit të vrarë në protestë, e zhgënjyer nga shoqëria që nuk ‘reagon’

    SYRI TV/ Halla e 15-vjeçarit të vrarë në protestë, e zhgënjyer nga shoqëria që nuk ‘reagon’

    Barie Çupi, halla e 15 vjeçarit te vrarë Erion Boba i ka bërë thirrje shoqërisë mos jetë indiferente por të reagojë për vrasjen e të miturve. Sipas saj nëse sot nuk reagojmë, nesër mund të ketë edhe adoleshentë të tjerë që bien viktime e sherreve. Çupi kërkon drejtësi duke deklaruar se përveç autorit duhet të shkojnë para drejtësisë e dy shokët e tij.

    Syri TV

    Halla e 15 vjeçarit të vrarë në Durrës, Erjon Boba në ka dalë sot në shenjë proteste duke kërkuar drejtësi për nipin e saj. Barie Çupi rrëfen dhimbjen e familjes, teksa i bën thirrje shoqërisë të reagojë për të tilla ngjarje, pasi rasti i Erjonit nuk është vetëm i tyre por i të gjithë prindërve, që duhet të reagojnë sot që nesër mos te gjenden në situatën që sot janë ata.

    Çupi kërkon zbardhjen e ngjarjes, pasi sipas saj Erjoni nuk ka pasur lidhje me sherrin, dhe përveç arrestimit te autorit halla kërkon edhe identifikimin e shokëve të tjerë të tij që kanë qenë pjesë e konfliktit.

    15-vjeçari Erjon Boba u plagos me thikë në pjesën e gjoksit, pranë zemrës më 25 nëntor, vetëm 20 minuta në këmbë nga shkolla “Dom Nikollë Kaçorri”, ku mësonin të dy nxënësit e përfshirë në konflikt. Sherri mes Erjonit dhe 14-vjeçar me inicialet M. K., nisi nga një koment në rrjetet sociale dhe ofendimeve të vazhdueshme në shkollë, të cilat më pas degraduan në plagosje me thikë. 15-vjeçari gjeti vdekjen pas 10 ditësh në spitalin e Tiranës.

  • I arrestuar për vrasjen e biznesmenit Mëhalla, zbardhet dëshmia e Xhino Agës

    I arrestuar për vrasjen e biznesmenit Mëhalla, zbardhet dëshmia e Xhino Agës

    Dëshmia e Xhino Ago-s përpara hetuesve ka hedhur dritë mbi momentet para dhe pas ekzekutimit të biznesmenit Edmond (Mondi) Mëhalla.

    Ish-ortaku i tij ka rrëfyer se ditën e ngjarjes kishte tentuar disa herë ta kontaktonte Mëhallën në telefon, por pa rezultat. Sipas tij, në banesë ndodhej edhe Fatlinda Istrefi dhe po diskutonin për t’u nisur drejt Tiranës.

    “Pas kësaj bisede unë shikova nga shtëpia ime autostradën dhe pashë se kishte trafik dhe i thashë kunatit, Urimit,  ‘Shko t’i tako Mondin, unë po çoj në Tiranë Fatlindën’. Dhe kështu ndodhi. Unë me makinën time çova Fatlindën në Kodër Institut dhe jam kthyer në Elbasan. Kam shkuar direkt te zyrat dhe po prisja Mondin. I rashë telefonit dhe nuk më përgjigjej. Kam qëndruar rreth 20 minuta; ora ka qenë 18 e ca, nuk e mbaj mend saktë. Më pas kam qëndruar deri kur më mori në telefon Enola, operatorja e kompanisë sime”, ka dëshmuar Ago.

    Mediat shkruajnë se ai ka treguar se në banesë ndodhej me babain dhe gjyshen, ndërsa nëna ishte në Tiranë me kunatin, pasi  sipas tij fëmijët i mbajnë prindërit e tij. Ago ka theksuar gjithashtu se zotëron 16 automjete elektrike të markës kineze, nga të cilat 7 ose 8 i kishte me qira Edmond Mëhalla.

    Sapo është njoftuar për ngjarjen nga operatorja, Ago është nisur menjëherë drejt karburantit “Xh* Oil”, ku ka parë policinë dhe automjetin “Range Rover” të ndaluar. Nga personat në vendngjarje ka mësuar se Mëhalla ishte vrarë me armë zjarri.

    Edmond Mëhalla (Hyka) u qëllua me tre plumba mbrëmjen e 30 nëntorit në Elbasan, në një atentat të kryer pranë biznesit të tij.

    Të arrestuarit deri tani:

    Nevzat Spaho – nga Prrenjasi, dyshohet se ka drejtuar automjetin që ndihmoi autorin të largohej nga Miraka.

    Kujtim Pisha – punonjës karburanti, proceduar për moskallëzim krimi.

    Xhino Ago – ortak në biznes me Mëhallën, i akuzuar për mosndryshim pronësie të automjetit Audi të përdorur në krim.

    Në kërkim janë shpallur edhe Armando Kola, nga Laçi; Marselo Arani, nga Elbasani, i cili përveç largimit ka thyer edhe masën e arrestit shtëpiak për pastrim parash; si dhe 35-vjeçari Oklid El Ouejdi. Autoritetet vijojnë punën për lokalizimin dhe kapjen e tyre.

  • Vrasja e Martin Canit, Gjykata e Tiranës dënon me 16 vite burg Mario Përlleshajn

    Vrasja e Martin Canit, Gjykata e Tiranës dënon me 16 vite burg Mario Përlleshajn

    Gjykata e Tiranës dënon me 16 vite burg Mario Përlleshajn, i cili ka përfituar ulje dënimi për shkak të moshës.
    Mësohet se i mituri është dënuar edhe për vrasjen e mbetur në tentativë ndaj Luis Meçja.

    Në seancë morën pjesë vetëm babai i të ndjerit Martin Cani dhe Luis Meçja.

    Në përfundim të gjyqit, babai i Martin Canit, Engjëll Cani, tha se ky vendim është rreze drite për familjen e tij, megjithatë sikur edhe të dënohej edhe me dënim përjetë, sërish dhimbja nuk hiqet. Babai tha se tragjedia mund të ishte shmangur nëse shkolla do t’i kishte njoftuar me mesazh për sherrin mes të miturve që kishte nisur brenda ambienteve të shkollës.

  • Familja Cani reagon pas vendimit që dha gjykata për vrasësin e djalit të saj!

    Familja Cani reagon pas vendimit që dha gjykata për vrasësin e djalit të saj!

    Familja e Martin Canit ka reaguar pas dënimit me 16 vite burg të Mario Përlleshaj, vrasësit të djalit të tyre.
    Ata shprehen se “kemi parë për herë të parë një rreze të fortë drejtësie”.

    Ragimi i familjes së Martin Canit:

    Sot, pas një viti dhimbjeje që nuk përshkruhet me fjalë, ne familja e Martin Canit kemi parë për herë të parë një rreze të fortë drejtësie.

    Gjykata vendosi të mos ndjekë rekomandimin e Prokurorisë, e cila e trajtoi ngjarjen si një vepër të vetme penale por e njohu qartë atë që ne e kemi thënë që në ditën e parë: janë DY vepra penale vrasja e Martinit dhe tentativë vrasje ndaj Luisit.
    Ky vendim është një akt kurajoz, profesional dhe i drejtë.
    Është një vlerësim real i asaj që ndodhi: dy fëmijë të goditur me thikë, dy akte të veçanta dhune, dy qëllime kriminale të ndara.
    I falenderojmë gjyqtarët për integritetin dhe ndershmërinë e tyre, që zgjodhën të shohin të vërtetën dhe jo rrugën më të lehtë procedurale.
    Ky vendim nuk na e kthen dot Martinin, por na jep një ndjenjë të thellë se dhimbja jonë nuk u shpërfill dhe se jeta e tij u trajtua me peshën dhe dinjitetin që meriton.
    Sot, Martini është më i gjallë se kurrë në ndërgjegjen e shoqërisë.
    Ne do të vazhdojmë misionin tone me:
    Falënderojmë të gjithë qytetarët që kanë qëndruar pranë nesh.
    Sot, drejtësia foli me zë të qartë për Martin Canin.

  • Vrau Martin Canin/ Gjykata e Tiranës dënon me 16 vjet burg autorin e krimit

    Vrau Martin Canin/ Gjykata e Tiranës dënon me 16 vjet burg autorin e krimit

    Gjykata e Tiranës ka dënuar me 16 vite burgim 15-vjeçarin Marjo Përlleshaj, autor i vrasjes së 14-vjeçarit, Martin Cani, ngjarje e ndodhur një vit më parë në afërsi të shkollës, Fan Noli.
    Mësohet se Përlleshaj u dënua me gjykim të shkurtuar për shkak të moshës minorene.
    Kjo ngjarje, për sa i përket punës së policisë dhe të prokurorisë ka lënë shumë pikëpyetje dhe dritëhije, për shkak se ende nuk është mësuar nëse ka pasur persona të tjerë në atë sulm brutal ku iu mor jeta Martinit.
    Versioni që u paraqit zyrtarisht për atë ngjarje nga ana e Policisë kishte të bënte me një skenë të pabesueshme, ndërsa kalimtar të rastit të cilët kanë parë përleshjen kanë treguar se në ngjarje ka pasur edhe persona të tjerë të pajisur me thika. Madje vetë i mbijetuari i asaj përleshjeje, shoku i viktimës ka thënë se një person e ka goditur në ecje, pas shpine, ndërkohë që policia thotë se Mario Përlleshaj, i akuzuari kryesor ishte i shtrirë në tokë.
    Megjithatë priten të merren edhe dëshmi të tjera në lidhje me shqyrtimin gjyqësor që po mbahet me dyer të mbyllura për shkak të ndjeshmërisë dhe moshës së të pandehurit.
    Sipas të dhënave gjyqësore bëhet me dije se në prani të psikologut, i mituri i dyshuar për vrasjen e 14-vjeçarit Martin Cani 18 nëntorin e vitit të kaluar dëshmoi për herë të parë në Gjykatën e Tiranës, ku u zhvillua me dyer të mbyllura procesi ndaj tij. Në dëshminë e kërkuar nga prokuroria, i mituri shmangu shumicën e përgjigjeve. Për dilemat e hetuesve mbi goditjen fatale me thikë që i mori jetën bashkëmoshatarit, mbi personat e përfshirë dhe momentin e përleshjes, i mituri u shpreh se nuk e mbante mend. I dyshuari deklaroi se nuk kishte thikë me vete atë ditë në shkollë.
    Mjetin prerës tha se e gjeti në rrugë. Ai pranon se shkaqet e sherrit me bashkëmoshtarin e tij dhe nxënës në të njëjtën shkollë, “Fan Noli”, ishin vijim i debateve që kishte pasur 3 ditë para ngjarjes. Para togave të zeza, i mituri pretendoi se ishte goditur me grushte nga Martin Cani. Ky i fundit, sipas tij, i kishte dërguar ftesë në “SnapChat”, dhe aty tha se kanë vijuar debatet.
    Autori i dyshuar pretendon se e kishin lënë të sqaroheshin të hënën, ditë kur edhe ndodhi vrasja, në një rrugicë pak metra larg shkollës. Tre ditë para se të vritej gjatë një sherri pas përfundimit të mësimit, Martin Cani dhe i dyshuari, kishin pasur një konflikt brenda shkollës, i cili në dukje u mbyll, por u neglizhua edhe nga vetë oficerja e sigurisë së “Fan Nolit” duke mos u raportuar në drejtori apo tek prindërit e fëmijëve. Skena tragjike ndodhi pas mësimit. Ata u takuan jo shumë larg shkollës, ku nisi një sherr që përfundoi me vrasjen e Martinit, plagosjen e shokut të tij dhe vetëplagosje të autorit me thikën e tij. Pas ngjarjes autori e hodhi çantën me thikën në një ndërtesë të vjetër, e cila u gjet disa ditë më vonë dhe ekspertiza nxori se me të njëjtën thikë ishte goditur viktima dhe i plagosuri.

  • Vrasja e biznesmenit Mondi Mëhalla, deklarimi i ish-ortakut: Po prisja ta takoja, në telefon nuk mu përgjigj

    Vrasja e biznesmenit Mondi Mëhalla, deklarimi i ish-ortakut: Po prisja ta takoja, në telefon nuk mu përgjigj

    Ish-ortaku i Mondi Mëhalla, Xhino Ago, ka dhënë dëshminë e tij përpara hetuesve, duke treguar se si nuk ka arritur të lidhet me viktimën në telefon.
    Në dosjen që disponon e Top Channel, tregohet një pjesë e dëshmisë së tij, përfshirë mënyrën se si e ka marrë vesh ekzekutimin.
    Ai ka shpjeguar se gjatë kësaj kohe ishte dhe Fatlinda Istrefi në shtëpinë e tij dhe po diskutonin që të iknin në Tiranë.
    “Pas kësaj bisede unë shikova nga shtëpia ime autostradën dhe pash se kishte trafik dhe i thashë kunati Urimit shko t’i tako Mondin, unë po çoj në Tiranë, Fatlindën. Dhe kështu ndodhi unë me makinën time çova Fatlindën në Kodër Institut, dhe unë jam kthyer në Elbasan, dhe kam shkuar direkt tek zyrat dhe po prisja Mondin, i rashë telefonit dhe nuk më përgjigjej dhe kam qëndruar rreth 20 min dhe ora e saktë ka qenë 18 e ca fiks nuk mbaj mend orën dhe më pas kam qëndruar deri kur më mori në telefon Enola, operatorja e kompanisë sime”.
    Gjatë shpjegimit, Xhino Ago, është shprehur se në shtëpi ka qëndruar me gjyshen dhe babin, kurse nëna e tij kishte ikur në Tiranë me kunatin, sepse se nipat dhe mbesat i mbajnë prindërit e tij.
    Ndër të tjera ka treguar se ka në pronësi 16 makina të markës  kineze elektrike, prej të cilave 7-8 automjete i kishte me qira Mond Mëhalla.
    Në lidhje me ngjarjen deklaruesi është shprehur se kur ka marrë vesh për ngjarjen nëpërmjet telefonit nga operatorja e firmës është nisur me shpejtësi tek karburant ‘’Xh*** Oil’’ dhe ka parë policinë aty dhe “Range Roverin” ndaluar.
    Aty ka mësuar nga personat që ishin aty afër se Mondi, ishte vrarë me armë zjarri.

  • Vrasja e Martin Canit, deklarata e familjes: Ky vendim s’na e kthen dot, por… Sot, djali jonë është më i gjallë se kurrë

    Vrasja e Martin Canit, deklarata e familjes: Ky vendim s’na e kthen dot, por… Sot, djali jonë është më i gjallë se kurrë

    Familja e Martin Canit ka reaguar pas dënimit me 16 vite burg të Mario Përlleshaj, vrasësit të djalit të tyre.
    Ata shprehen se “kemi parë për herë të parë një rreze të fortë drejtësie”.
    “Ky vendim nuk na e kthen dot Martinin, por na jep një ndjenjë të thellë se dhimbja jonë nuk u shpërfill dhe se jeta e tij u trajtua me peshën dhe dinjitetin që meriton”, theksohet në deklaratë.
    Duke shtuar se: “Sot, Martini është më i gjallë se kurrë në ndërgjegjen e shoqërisë.”
    Deklarata e familjes:
    Sot, pas një viti dhimbjeje që nuk përshkruhet me fjalë, ne — familja e Martin Canit — kemi parë për herë të parë një rreze të fortë drejtësie.
    Gjykata vendosi të mos ndjekë rekomandimin e Prokurorisë, e cila e trajtoi ngjarjen si një vepër të vetme penale por e njohu qartë atë që ne e kemi thënë që në ditën e parë: janë DY vepra penale — vrasja e Martinit dhe tentativë vrasje ndaj Luisit.
    Ky vendim është një akt kurajoz, profesional dhe i drejtë.
    Është një vlerësim real i asaj që ndodhi: dy fëmijë të goditur me thikë, dy akte të veçanta dhune, dy qëllime kriminale të ndara.
    I falenderojmë gjyqtarët për integritetin dhe ndershmërinë e tyre, që zgjodhën të shohin të vërtetën dhe jo rrugën më të lehtë procedurale.
    Ky vendim nuk na e kthen dot Martinin, por na jep një ndjenjë të thellë se dhimbja jonë nuk u shpërfill dhe se jeta e tij u trajtua me peshën dhe dinjitetin që meriton.
    Sot, Martini është më i gjallë se kurrë në ndërgjegjen e shoqërisë.
    Ne do të vazhdojmë misionin tone me:
    Muzeun “Martin Cani”, një vend i kujtesës dhe edukimit.
    Filmin mbi jetën e tij, që do të mbajë gjallë ëndrrën e tij të futbollit dhe të ardhmes që nuk arriti ta jetojë.
    Fondacionin Martin Cani, që do të luftojë për sigurinë e fëmijëve në shkolla, që askush të mos përjetojë atë që kaluam ne.
    Falënderojmë të gjithë qytetarët që kanë qëndruar pranë nesh.
    Sot, drejtësia foli me zë të qartë për Martin Canin.
     

  • Vrasja e Martin Canit, Gjykata e Tiranës kërkon 16 vite burg për autorin e mitur

    Vrasja e Martin Canit, Gjykata e Tiranës kërkon 16 vite burg për autorin e mitur

    Gjykata e Tiranës ka dënuar me 16 vite burg autorin e vrasjes së të miturit Martin Canit.
    Vendimi është marrë para pak minutash.
    I mituri është dënuar edhe për vrasjen e e mbetur në tentativë ndaj Luis Meçja.

    Në seancë morën pjesë vetëm babai i të ndjerit Martin Cani dhe Luis Meçja.

  • Vrasja e Martin Canit/ Gjykata e Tiranës dënon me 16 vite burg Mario Përlleshajn

    Vrasja e Martin Canit/ Gjykata e Tiranës dënon me 16 vite burg Mario Përlleshajn

    Gjykata e Tiranës ka shpallur vendimin për ngjarjen e rëndë të ndodhur në nëntor të vitit të kaluar, ku mbeti i vrarë Martin Cani dhe u plagos bashkëmoshatari i tij, Luis Meçja.

    Trupi gjykues vendosi dënimin me 16 vite burg për adoleshentin 15-vjeçar Mario Përlleshaj të akuzuar si autor i krimit. Vendimi erdhi pas shqyrtimit të kërkesës së mbrojtjes, e cila në seancën e kaluar kishte kërkuar rikualifikimin e veprës penale nga “vrasje në rrethana cilësuese” në “vrasje në kushtet e tronditjes së fortë psikike”.

    Ndërkohë, prokuroria kishte kërkuar 25 vite burg, por në përfundim gjykata aplikoi kufizimet që parashikon neni 97 i Kodit Penal, sipas të cilit të miturve nuk mund t’u jepet më shumë se gjysma e dënimit maksimal për veprën përkatëse.