Lajmidites.com

Category: Kronikë

  • Humbi jetën pas një aksidenti në punë në Itali, komuniteti nis fushatë ndihme për familjen e Artur Deliut

    Humbi jetën pas një aksidenti në punë në Itali, komuniteti nis fushatë ndihme për familjen e Artur Deliut

    Artur Deliu është identifikuar si punëtori 39-vjeçar shqiptar që humbi jetën dy ditë më parë në një aksident në punë në qytetin e Pozallos, në Itali. Aksidenti ndodhi të hënën pasdite, në zonën qendrore të Corso Vittorio Veneto, ku Deliu po kryente punime kur u godit fatalisht nga një strukturë metalike.

    Familja e tij ndodhej në Itali për të siguruar trajtim mjekësor për njërën prej vajzave, çka e bën situatën edhe më të rëndë për ta.

    Pas ngjarjes, komuniteti lokal është mobilizuar për të mbështetur financiarisht familjen e Deliut. Është hapur një fushatë mbledhjeje fondesh, e cila po zhvillohet në disa pika të ndryshme:

    -Planetmovie (Pozzallo, Ispica, Rosolini)

    -Daniela Cartoleria Blanco Distefano (Pozzallo)

    -Euroalimentari, Modica – Via Resistenza Partigiana, 41

    Fushata synon të ndihmojë familjen e viktimës, e cila përballon të njëjtën kohë dhimbjen e humbjes dhe vështirësi të mëdha ekonomike.

    Hetimet mbi shkaqet e aksidentit vijojnë nga autoritetet italiane.

  • Atentati në Rinas, merren në pyetje persona me rrezikshmëri të lartë! Asnjë informacion për lëvizjet e Danit dhe Shaljanit në Spanjë

    Atentati në Rinas, merren në pyetje persona me rrezikshmëri të lartë! Asnjë informacion për lëvizjet e Danit dhe Shaljanit në Spanjë

    Një javë pas atentatit në Rinas ku mbeti i vrarë Gilmando Dani dhe pas disa ditësh në spital ndërroi jetë edhe miku i tij, agjent i Agjencisë së Mbikëqyrjes Policore Muçi Shaljani, hetimet e policisë dhe të prokurorisë mbeten ende pa një drejtim të qartë. 
    Burime nga grupi hetimor bëjnë të ditur se, pavarësisht verifikimeve të kryera në vendngjarje dhe marrjes në pyetje të disa personave me rrezikshmëri të lartë shoqërore, deri më tani nuk është siguruar asnjë provë që mund të çojë në zbardhjen e ngjarjes dhe identifikimin e autorëve. 
    Deri më tani hetuesit kanë analizuar pamjet e kamerave të sigurisë në zonë si dhe gjurmët e mbetura në vendngjarje, por rezultatet nuk kanë prodhuar të dhëna të vlefshme. Kjo pasi edhe autorët kenë vepruar me profesionalizëm, duke shmangur lënien e provave të drejtpërdrejta. 
    Policia është përqendruar tek grupet kriminale në Nikël dhe në Fushë-Krujë si të dyshuar për atentatin nga ku dyshohet të jetë dhënë edhe urdhri për shkak të përplasjeve të vjetra mes grupeve rivale. 
    Gilmando Dani, i njohur si krahu i djathtë i Emiljano Shullazit bashkë me Muçi Shaljanin sapo u kthyen nga Spanja kur iu zu pritë në Rinas. Për të verifikuar lëvizjet e tyre, autoritetet shqiptare i kërkuan informacion Spanjës nëse mund të siguronin ndonjë të dhënë të vlefshme. Por deri më tani hetuesit nuk kanë mundur të marrin ende përgjigje prej tyre. 
    Pas atentatit në Krujë u zbulua një banesë e kthyer në një bazë të tërë armatimi, ndërsa në kërkim u shpall poseduesi Ylli Zalla. Dyshimet e hetuesve janë se prej andej mund të ketë lëvizur automjeti Toyota i atentatorëve, por pa pasur sërish prova konkrete për fajësi. 
    4 autorët, 3 prej të cilëve dolën nga makina dhe qëlluan me breshëri kallashnikovi ishin nisur nga zona e Krujës para se të kryenin vrasjen, nga dhe u larguan sërish pasi kryen krimin. 
    Në fshatin Halil ata dogjën makinën bashkë me 4 armët e zjarrit brenda, por edhe ekspertiza balistike e tyre nuk ka nxjerrë prova të rëndësishme, për shkak se armët ishin të dëmtuara nga zjarri. 

  • Situata e përmbytjeve në vend, AKMC stacionohet te ura e Mifolit, Çako dhe Vengu monitorojnë nga afër situatën

    Situata e përmbytjeve në vend, AKMC stacionohet te ura e Mifolit, Çako dhe Vengu monitorojnë nga afër situatën

    Situata e përmbytjeve në vend vijon të mbetet e rënduar, për shkak të prurjeve të shumta përgjatë dy ditëve të fundit, ku më e rënduar duket në veri dhe në jug të vendit.
    Aktualisht Qendra Operacionale e Lëvizshme e AKMC është stacionuar pranë Urës së Mifolit ku vazhdon puna për barrierat mbrojtëse, për të mos lejuar daljen e lumit nga shtrati.
    Drejtorit të AKMC Haki Çako, i cili është në zonë, do i bashkohet dhe Ministri i Mbrojtjes Pirro Vengu.

  • “Rreziku nga moti i keq nuk ka kaluar”, ministri Vengu: Do të diskutojmë me forcat në terren nëse është e nevojshme të kryhen evakuime

    “Rreziku nga moti i keq nuk ka kaluar”, ministri Vengu: Do të diskutojmë me forcat në terren nëse është e nevojshme të kryhen evakuime

    Ministri i Mbrojtjes, Pirro Vengu, ndodhet pasditen e sotme në urën e Mifolit, ku po monitoron nga afër situatën e prurjeve të lumit Vjosa.
    Reshjet e shiut nuk kanë pushuar ende dhe situata vijon të jetë kritike, pasi edhe në orët në vijim pritet të ketë reshje në gjirin e Vlorës si edhe në jug të vendit.
    Ministri Vengu: Vojsa ka qenë në monitorim të rreptë. Duhet një alert maksimal, nuk ka kaluar rreziku. Do të kemi edhe një diskutim të forcave në terren nëse duan që të kryejnë avakuime. Jemi pranë banorëve dhe bizneseve. U prek Lezha dhe Kurbini, jemi në kushtet ku situata është normalizuar dhe forcat e armatosura kanë qenë në dispozicion të bashkive ku ka pasur problem.

    Autoritetet kanë njoftuar të gjithë banorët dhe bizneset përgjatë vijës lumore të tregohen të kujdesshëm dhe të qëndrojnë në gadishmëri për çdo zhvillim të mundshëm.

  • E rëndë, 25-vjeçari vret motrën dhe merr në kamer nënën për t’i treguar trupin e pajetë

    E rëndë, 25-vjeçari vret motrën dhe merr në kamer nënën për t’i treguar trupin e pajetë

    Një ngjarje e rëndë është regjistruar në zonën e Napolit në Itali.
    Një 25-vjeçar ka vrarë motrën e tij, vetëm 23-vjeç në banesën e tyre dhe më pas ka marrë policinë në telefon, ku i ka treguar për krimin e rëndë.
    Menjëherë sapo efektivët kanë mbërritur në banesë, i riu iu ka rrëfyer se krimin e rëndë e ka kryer në momente të rënda tensioni.

    Por sipas dinamikës që ka ndërtuar policia, rezulton se 25-vjeçari, menjëherë pas ngjarjes ka marrë në kamer nënën e tij dhe i ka treguar trupin e pajetë të vajzës.
    Ngjarja po hetohet për të përcaktuar momentin kur ndodhi dhe çfarë informacioni u dha nga telefonata. Nga autoritetet, bëhet e ditur se autori nuk është person me precedent të mëparshëm penal.

  • VIDEO – Kaos në Delvinë/ Uji vërshon në banesa, rrjedha merr para ç’të gjejë…

    VIDEO – Kaos në Delvinë/ Uji vërshon në banesa, rrjedha merr para ç’të gjejë…

    Reshjet me intensitet të lartë kanë shkaktuar përmbytje edhe në zonën e Delvinës.

    Nga videot e dërguara në redaksinë e Syri-t, shihet situata në zonë, ku uji vërshon në oborret e banesave dhe merr para ç’të gjejë.

    Moti i keq i ditëve të fundit ka krijuar problematika në disa qarqe të vendit, kryesisht në veri dhe jug.

     

  • Berat, prurjet e mëdha të lumit Osum rrezikojnë përmbytjen e tokave bujqësore

    Berat, prurjet e mëdha të lumit Osum rrezikojnë përmbytjen e tokave bujqësore

    Kronikë E Mërkurë, 19 Nëntor 2025 17:58
    Situata nga moti i keq në Berat nuk është e mirë. Sipas njoftimit zyrtar nga Prefektura e Qarkut Berat, reshjet kanë qenë të dendura dhe me intensitet të lartë, veçanërisht në zonat malore. Përgjatë aksit rrugor Poliçan-Skrapar prej mëngjesit të sotëm qarkullimi i mjeteve po kryhet me vështirësi pasi në një pjesë të këtij aksi rrugor ka pasur rrëshqitje dheu duke sjellë bllokim të pjesshëm të qarkullimit.
    Në vendngjarje kanë ndërhyrë menjëherë forcat e emergjencës dhe mjetet e punës për pastrimin e rrugës dhe normalizimin e lëvizjes së automjeteve. Situata mbetet kritike edhe në zonën e fshatit Moravë, ku prurjet e mëdha në lumin Osum kanë rritur ndjeshëm nivelin e ujit, duke rrezikuar përmbytjen e tokave bujqësore.
    Banorët janë shprehur të shqetësuar, pasi ndodhen çdo vit në të njëjtën situatë dhe në qendër të qytetit ka arritur në pikën e tij maksimale ndërsa Emergjencat Civile dhe strukturat vendore të mbrojtjes civile janë vënë në gatishmëri, me patrulla në terren që monitorojnë rrëshqitjet e dherave, nivelin e ujit në lumenj dhe gjendjen e rrugëve rurale, shumë prej të cilave kanë pësuar dëmtime të pjesshme ose janë bërë të pakalueshme për mjetet e tonazhit të rëndë.

  • Masakra në Manëz, policia sekuestron edhe armën e krimit që përdori Daniel Pepa pas sherrit për kafen

    Masakra në Manëz, policia sekuestron edhe armën e krimit që përdori Daniel Pepa pas sherrit për kafen

    Policia e Durrësit ka zbuluar detaje pas vetëdorëzimit të të riut Daniel Pepa tek autoritetet pas vrasjes së kryer në 22 tetor në Manëz. 
    Autoritetet kanë arrestuar 21-vjeçarin që dyshohet se vrau një person pas sherrit me kamarierin në një lokal në Manëz. Të riut iu sekuestrua edhe arma e krimit, një pistoletë tip “Beretta”. 
    Njoftimi i policisë: 
    Durrës 
    Specialistët për Krimin Kundër Jetës dhe Pronës në Drejtorinë Vendore të Policisë Durrës arrestuan shtetasin D. P., 21 vjeç, banues në fshatin Manëz, Njësia Manëz, Durrës. 
    Arrestimi i tij u krye në zbatim të urdhrit të datës 14.11.2025, të Prokurorisë pranë Gjykatës së Shkallës së Parë të Juridiksionit të Përgjithshëm Durrës, për ekzekutimin e vendimit penal nr. 622/1, datë 13.11.2025, të Gjykatës së Shkallës së Parë të Juridiksionit të Përgjithshëm Durrës, e cila ka caktuar masën e sigurimit “Arrest në burg” ndaj këtij shtetasi, si person i dyshuar për kryerjen e veprave penale “Vrasja me dashje”, “Mbajtja pa leje dhe prodhimi i armëve, i armëve shpërthyese dhe municioneve”. 
    Këto veprime lidhen me ngjarjen e ndodhur më datë 22.10.2025, ku janë vrarë shtetasit F. P. dhe A. K., në Manëz, Durrës, ngjarje në të cilën ky shtetas rezulton i implikuar, i dyshuar si autor. 
    Gjatë veprimeve procedurale, këtij shtetasi i është sekuestruar një armë zjarri. 
    Në bashkëpunim me Prokurorinë vijon puna për dokumentimin e plotë ligjor të ngjarjes. 
     
     

  • Vrau kamarierin për një kafe në Manzë, vetëdorëzohet në polici autori

    Vrau kamarierin për një kafe në Manzë, vetëdorëzohet në polici autori

    Daniel Pepa, autori i vrasjes së Flori Paluçit në Manzë të Durrësit është vetëdorëzuar në polici.
    Ngjarja e rëndë ndodhi më 22 tetor, në ambientin e jashtëm të një lokali në Manëz, ku u vranë me armë zjarri 33-vjeçari Flori Paluçi dhe 23-vjeçari Aranit Kurti. 21-vjeçari Daniel Pepa ka hyrë në lokal dhe është debatuar me kamarierin dhe me Flori Paluçin, i cili shoqërohej në lokal me disa të tjerë, ndër të cilët edhe Erald Cani i arrestuar për moskallëzim krimi.
    Pepa debatoi pasi kërkoi kafe ndërsa kamarieri Alteo Pepa i tha se ekspresi është fikur. Pas konfliktit verbal, Daniel Pepa është larguar me automjet dhe më pas është kthyer bashkë me Ergi Kadiu dhe Aranit Kurtin. Teksa ata kanë tentuar që të hyjnë sërish në lokal, ka dalë Flori Paluçi dhe ka qëlluar me armë zjarri në tokë.

    Në këtë moment, Daniel Pepa ka qëlluar me armë zjarri në drejtim të Paluçit duke e plagosur, ndërsa Aranit Kurti e ka qëlluar me grushte në fytyrë. Paluçi, sipas policisë, ka qëlluar ndaj të dyve. Nga plumbat mbetën të vrarë Aranit Kurti që u qëllua nga Paluçi, ndërsa ky i fundit u vra nga Daniel Pepa.

  • Vrau kamarierin për një kafe/ Dorëzohet në Policinë e Durrësit Daniel Pepa

    Vrau kamarierin për një kafe/ Dorëzohet në Policinë e Durrësit Daniel Pepa

    Daniel Pepa, i dyshuari kryesor për vrasjen e kamarierit në Manëz, është dorëzuar sot në Policinë e Durrësit. Burime zyrtare bëjnë me dije se dorëzimi i tij është kryer rreth orës 13:00.

    Pepa ishte shpallur në kërkim pas ngjarjes së rëndë të ndodhur në Manëz, ku humbi jetën një kamarier. Policia ka marrë në dorëzim të dyshuarin dhe vijon me procedurat hetimore për zbardhjen e plotë të rrethanave.

    Njoftimi i policisë:

    Specialistët për Krimin Kundër Jetës dhe Pronës në Drejtorinë Vendore të Policisë Durrës arrestuan shtetasin D. P., 21 vjeç, banues në fshatin Manëz, Njësia Manëz, Durrës.

    Arrestimi i tij u krye në zbatim të urdhrit të datës 14.11.2025, të Prokurorisë pranë Gjykatës së Shkallës së Parë të Juridiksionit të Përgjithshëm Durrës, për ekzekutimin e vendimit penal nr. 622/1, datë 13.11.2025, të Gjykatës së Shkallës së Parë të Juridiksionit të Përgjithshëm Durrës, e cila ka caktuar masën e sigurimit “Arrest në burg” ndaj këtij shtetasi, si person i dyshuar për kryerjen e veprave penale “Vrasja me dashje”, “Mbajtja pa leje dhe prodhimi i armëve, i armëve shpërthyese dhe municioneve”.

    Këto veprime lidhen me ngjarjen e ndodhur më datë 22.10.2025, ku janë vrarë shtetasit F. P. dhe A. K., në Manëz, Durrës, ngjarje në të cilën ky shtetas rezulton i implikuar, i dyshuar si autor.

    Gjatë veprimeve procedurale, këtij shtetasi i është sekuestruar një armë zjarri.

    Në bashkëpunim me Prokurorinë vijon puna për dokumentimin e plotë ligjor të ngjarjes.