Lajmidites.com

Category: Bota

  • Tragjedia në Turqi! 78 viktima nga zjarri në hotel, 11 të dënuar me burgim të përjetshëm

    Tragjedia në Turqi! 78 viktima nga zjarri në hotel, 11 të dënuar me burgim të përjetshëm

    Gjyqi në Bolu të Turqisë ka dënuar 11 persona me burgim të përjetshëm për zjarrin në hotelin Grand Kartal në qendrën ski të Kartalkaya, që ndodhi në janar të këtij viti dhe la pas 78 viktima, përfshirë 36 fëmijë.
    Mes të dënuarve janë pronari dhe drejtuesi i hotelit, të cilët u gjykuan për shkelje të shumta të rregullave të sigurisë. Gjithashtu, nënkryetari i Bashkisë së Bolut dhe shefi i shërbimit të zjarrfikësve u dënuan gjithashtu me burgim të përjetshëm.
    Në total, 32 të pandehur, prej të cilëve 20 ishin në paraburgim, u ulën në bankën e të akuzuarve gjatë procesit gjyqësor. Familjarët e viktimave vendosën fotografitë e të afërmve të tyre jashtë palestrës ku u mbajt seanca.

    Hetimet zbuluan se sistemi i alarmit të zjarrit në Grand Kartal nuk funksionoi natën e tragjedisë dhe disa nga instalimet e gazit nuk përputheshin me standardet e sigurisë.
    “Bënim inspektime të rregullta,” deklaroi pronari i hotelit, Halit Ergyul, i dënuar me burgim të përjetshëm, duke ia vënë fajin kompanisë që furnizonte me gaz. Ai shtoi se nuk lejonte as fishekzjarre para hotelit gjatë dasmave për të shmangur dëmtimin e kafshëve.
    Të mbijetuarit dhe familjarët e viktimave rrëfyen me lot për ngjarjet e 21 janarit, kur zjarri shkatërroi hotelin duke filluar nga një nga restorantet.
    “Shkoj çdo mëngjes në varrezë. Asnjë psikolog nuk mund të lehtësojë një dhimbje të tillë,” tha Hilmi Altin, që humbi gruan dhe vajzën 9-vjeçare.
    Zjarrin e hotelit Grand Kartal e humbën familje të tëra, përfshirë biznesmenë, gazetarë, mjekë dhe sportistë, të cilët ndodheshin aty për pushimet dimërore me familjet e tyre në ditën e tragjedisë.
    /vizionplus.tv

  • Kriza e mbeturinave në Athinë: Greqia ende ‘varros’ 79% të mbeturinave, pavarësisht miliardave në infrastrukturë riciklimi

    Kriza e mbeturinave në Athinë: Greqia ende ‘varros’ 79% të mbeturinave, pavarësisht miliardave në infrastrukturë riciklimi

    Problemi i mbeturinave po bëhet gjithnjë e më kritik në Athinë dhe në zonën më të gjerë të kryeqytetit grek.

    Megjithëse miliarda euro janë investuar në infrastrukturën e riciklimit dhe janë zhvilluar dhjetëra fushata ndërgjegjësuese, Greqia vazhdon të varrosë rreth 79% të mbeturinave të saj, sipas të dhënave të Shoqatës së Industrive dhe Ndërmarrjeve të Riciklimit dhe Rimëkëmbjes së Energjisë (SEPAN).

    Presidentja e SEPAN-it, Lena Belsi, thekson se norma e riciklimit në vend mbetet vetëm 17%, një nga më të ulëtat në Evropë. Ajo e shpjegon këtë situatë me dy arsye kryesore: mungesën e masave ndëshkuese për mosriciklimin dhe mentalitetin e qytetarëve grekë.

    “Varrimi është zgjidhja më e lirë në Greqi,” thotë Belsi. “Tarifa e varrimit mbetet vetëm 35 euro për ton, ndërsa në vende si Italia tejkalon 100 euro. Kjo e bën më të lehtë dhe më të lirë hedhjen e mbeturinave në deponi sesa riciklimin.”

    Sipas saj, shumë qytetarë besojnë se mbeturinat “zhduken” sapo dalin nga shtëpia, duke harruar dëmin e madh që deponitë i shkaktojnë mjedisit.

    Athina, epiqendra e krizës

    Situata është veçanërisht alarmante në rajonin e Atikës, ku ndodhet Athina. Rreth 90% e mbeturinave të rajonit përfundojnë në deponinë e Filit, e cila ka funksionuar për më shumë se dy dekada dhe tashmë ndodhet në kufijtë e saj. Riciklimi në Atikë arrin vetëm 15%, shumë nën mesataren evropiane.

    “Nëse problemi i Atikës nuk zgjidhet, asnjë përparim tjetër në vend nuk do të mjaftojë për të përmirësuar situatën kombëtare,” paralajmëron Belsi.

    Shembuj suksesi

    Një përjashtim pozitiv është ishulli i Tilos, që falë programit “Just Go Zero” ka arritur të riciklojë mbi 85% të mbeturinave përmes ndarjes në burim, ripërdorimit dhe kompostimit. Projekte të ngjashme janë në zhvillim në Antiparos, Alonissos, Paros dhe Naxos, por shumica janë ende në fazë pilot.

    Thirrje për veprim

    Shoqata SEPAN i bën thirrje qeverisë greke të thjeshtojë procedurat e licencimit për punishte riciklimi, të forcojë kontrollet ndaj bizneseve dhe të vendosë sanksione më të ashpra ndaj atyre që nuk përmbushin detyrimet mjedisore.

    Ndërkohë, Bashkimi Evropian ka vendosur objektivin që deri në vitin 2030 të riciklohet të paktën 70% e mbeturinave, një sfidë që për Greqinë mbetet ende larg realitetit.

  • Amendamentet e reja në Ligjin për të Huajt: Mali i Zi forcon kushtet për qëndrim të përkohshëm dhe të përhershëm

    Amendamentet e reja në Ligjin për të Huajt: Mali i Zi forcon kushtet për qëndrim të përkohshëm dhe të përhershëm

    Pas katër vitesh përgatitjeje, në Parlamentin e Malit të Zi kanë mbërritur ndryshimet e reja në Ligjin për të Huajt, të cilat ashpërsojnë ndjeshëm kushtet për zgjatjen e lejeve të qëndrimit të shtetasve të huaj. Propozimi, që pritet të shqyrtohet nga deputetët më 7 nëntor, është harmonizuar me 12 direktiva të Bashkimit Evropian dhe konsiderohet thelbësor për mbylljen e Kapitullit 24 – Drejtësia, Liria dhe Siguria – dhe Kapitullit 2 – Liria e Lëvizjes së Punëtorëve.

    Kushtet e reja për qëndrim

    Sipas versionit të fundit të ligjit:

    • Të huajt që kanë kompani në Mal të Zi do të mund ta zgjasin lejen e qëndrimit vetëm nëse kompania ka të paktën tre punonjës me kohë të plotë, nga të cilët njëri duhet të jetë shtetas malazez. Kompania duhet të jetë aktive dhe të paguajë rregullisht taksat dhe detyrimet shtetërore.

    • Të huajt që zotërojnë pasuri të paluajtshme do ta zgjasin qëndrimin në varësi të vlerës dhe madhësisë së pronës, sipas akteve nënligjore që pritet të miratohen.

    • Të punësuarit e huaj duhet të kenë kontrata me kohë të plotë dhe paga më të larta se paga minimale; çdo shkelje e rregulloreve, përfshirë ndryshimin e adresës së regjistruar, do të sjellë humbjen e të drejtës së qëndrimit.

    Qëllimi: parandalimi i abuzimeve dhe përputhja me BE-në

    Drejtori në detyrë i Drejtorisë për Gjendjen Civile dhe Dokumentet Personale në Ministrinë e Brendshme, Dragan Dašić, deklaroi se ndryshimet synojnë përmbushjen e kërkesave të BE-së dhe parandalimin e abuzimeve që janë bërë me ligjin aktual, ku shumë të huaj kanë hapur kompani fiktive për të marrë leje qëndrimi.
    “Ata hapin kompani për një euro dhe sjellin familjet e tyre. Shteti merr vetëm rreth 117 euro në muaj, ndërsa familje të tëra përfitojnë leje qëndrimi,” – tha Dašić.
    Ai shtoi se Ministria e Brendshme dhe Administrata Tatimore do të bashkëpunojnë ngushtë për të kontrolluar realisht aktivitetin e kompanive të huaja.

     Të dhënat aktuale

    Në Mal të Zi aktualisht jetojnë rreth 100,000 të huaj, nga të cilët 30,000 janë banorë të përhershëm, kryesisht nga ish-republikat jugosllave, dhe 70,000 janë me qëndrim të përkohshëm – më së shumti nga Rusia, Serbia, Ukraina dhe Turqia.
    Nga ta, rreth 40,000 janë të punësuar, ndërsa mbi 9,000 kanë leje qëndrimi si themelues kompanish.
    Vetëm shtetasit turq përbëjnë 13,300 persona me leje qëndrimi, me mbi 5,000 që e kanë marrë në bazë të themelimit të kompanive dhe një numër të ngjashëm për shkak të punësimit.

     Konteksti dhe tensionet e fundit

    Çështja e të huajve është bërë temë e nxehtë pas incidentit midis qytetarëve turq, azerbajxhanas dhe malazezëve, që çoi në heqjen e përkohshme të regjimit pa viza për turqit dhe disa protesta me tone anti-turke në disa qytete të vendit.

    Krahasim me BE-në
    Sipas Dašić, kufizimet e reja janë më të buta se ato në vendet e BE-së:
    “Në Kroaci, një i huaj duhet të ketë tre punonjës, dy kroatë. Në Mal të Zi do të mjaftojnë tre punonjës, njëri prej tyre malazez.”
    Ai theksoi se qëllimi është mbrojtja e interesit ekonomik dhe demografik të vendit, duke shtuar se “Mali i Zi nuk ka më luksin të pranojë të huaj pa mjete financiare”.
     

  • Përfundon takimi i presidentes Osmani me partitë, lihet e hapur mundësia e zgjedhjeve të reja

    Përfundon takimi i presidentes Osmani me partitë, lihet e hapur mundësia e zgjedhjeve të reja

    Përfundon takimi i presidentes Osmani me partitë.

    Kreu i LVV-së, Albin Kurti, nuk është deklaruar për mediat pas takimit që zyrtarët politikë zhvilluan me presidenten e vendit, Vjosa Osmani.
    Pas takimit, ai u tha gazetarëve se “më duhet të shkoj me shpejtësi”. Kreu i AAK-së, Ramush Haradinaj, deklaroi se në takim Kurti, si fitues i zgjedhjeve të 9 shkurtit, ka kërkuar disa ditë kohë për të parë mundësitë nëse mund të formojë një shumicë.
    Kurti dështoi më 26 tetor të merrte besimin e Kuvendit për ekzekutivin e ri.
    Kryetari i Lidhjes Demokratike të Kosovës, Lumir Abdixhiku, tha pas takimit me presidenten se, në këtë takim “u bë e qartë nga përfaqësuesit e partive parlamentare se nuk ka shumicë parlamentare”.
    “Tani i takon presidentes që deri të mërkurën, më 5 nëntor, të përcaktojë se a ka shumicë apo jo”, tha ai.
    Abdixhiku theksoi se “sa më parë që i shpallim zgjedhjet, i shmangim krizat që mund t’i vihen vendit”.
    “Nuk folëm për data, as për marrëveshje politike. Këtu ishim për t’i dhënë qëndrimet e partive dhe presidentja të vlerësojë a ka numra për një shumicë”.
    Sipas tij, lideri i Lëvizjes Vetëvendosje, Albin Kurti, pati pretendime se ndoshta duhet provuar edhe një herë që ta formojë qeverinë, “por shumica, përfaqësuesit e 52 deputetëve shqiptarë, thanë se nuk ka shumicë”.
    Kreu i AAK-së, Ramush Haradinaj, tha se vendi nuk ka kohë për të humbur dhe duhet që sa më shpejt të mbahen zgjedhjet e reja.
    Pas takimit me presidenten Vjosa Osmani, Haradinaj tha se ajo ka afat që deri më 5 nëntor të vendosë nëse do të mandatojë dikë tjetër për të formuar ekzekutivin e ri apo do të shpallë zgjedhjet e reja.
    Haradinaj tha se presidentja ka mundur që edhe sot të shpallë datën e zgjedhjeve të reja, por kreu i Lëvizjes Vetëvendosje, Albin Kurti, kërkoi disa ditë kohë për të tentuar që të bëjë sërish shumicën.
    “Do të ishte në interes të Kosovës që data e zgjedhjeve të caktohet ma shpejt, brenda 30 ditësh”, tha ai, duke shtuar se data më e afërt është 7 dhjetori.
    “Qëndrimi i AAK-së që ne nuk duam të humbin kohë, në afatin e parë kushtetues të veprohet dhe të mbahen zgjedhjet”, theksoi Haradinaj.
    Ai tha se nëse zgjedhjet nuk mbahen më 7 dhjetor, atëherë data e dytë më e shpejt është 14 dhjetori, duke argumentuar se vendit i duhet një qeveri e re sa më shpejt në mënyrë që të mund të miratojë buxhetin për vitin e ardhshëm.
    Kryetari i Partisë Demokratike të Kosovës, Memli Krasniqi, ka thënë para mediave se në takim është bërë e qartë se askush nuk mund ta sigurojë shumicën për të formuar qeverinë.
    Sipas tij, zgjedhjet e reja tashmë janë të imponuara.
    “Një situatë të tillë ka muaj që e kemi paralajmëruar. Në këtë moment, rruga përpara është vetëm shpallja e zgjedhjeve të reja”.
    Ai ka thënë se pavarësisht pse ka bërë përpjekje që ta sigurojë shumicën me partitë që në legjislaturën e kaluar ishte në opozitë, diçka e tillë nuk është arritur.

  • “Zgjedhjet të mbahen sa më shpejt”/Pas takimit të Osmanit me partitë politike, reagon Haradinaj:Nuk duam të humbin kohë

    “Zgjedhjet të mbahen sa më shpejt”/Pas takimit të Osmanit me partitë politike, reagon Haradinaj:Nuk duam të humbin kohë

    Kreu i AAK-së, Ramush Haradinaj, tha se vendi nuk ka kohë për të humbur dhe duhet që sa më shpejt të mbahen zgjedhjet e reja.
    Pas takimit me presidenten Vjosa Osmani, Haradinaj tha se ajo ka afat që deri më 5 nëntor të vendosë nëse do të mandatojë dikë tjetër për të formuar ekzekutivin e ri apo do të shpallë zgjedhjet e reja.
    Haradinaj tha se presidentja ka mundur që edhe sot të shpallë datën e zgjedhjeve të reja, por kreu i Lëvizjes Vetëvendosje, Albin Kurti, kërkoi disa ditë kohë për të tentuar që të bëjë sërish shumicën.
    “Do të ishte në interes të Kosovës që data e zgjedhjeve të caktohet ma shpejt, brenda 30 ditësh”, tha ai, duke shtuar se data më e afërt është 7 dhjetori.
    “Qëndrimi i AAK-së që ne nuk duam të humbin kohë, në afatin e parë kushtetues të veprohet dhe të mbahen zgjedhjet”, theksoi Haradinaj.
    Ai tha se nëse zgjedhjet nuk mbahen më 7 dhjetor, atëherë data e dytë më e shpejt është 14 dhjetori, duke argumentuar se vendit i duhet një qeveri e re sa më shpejt në mënyrë që të mund të miratojë buxhetin për vitin e ardhshëm.

  • Takimi me presidenten Osmani, liderët politikë: Zgjedhje të reja në dhjetor

    Takimi me presidenten Osmani, liderët politikë: Zgjedhje të reja në dhjetor

    Kosova E Premte, 31 Tetor 2025 14:37
    Kosova do të shkojë në zgjedhje të jashtëzakonshme parlamentare në dhjetor. Është ky rezultati i takimit të thirrur nga presidentja Vjosa Osmani me liderët e partive politike. Takimi i tyre vjen pas dështimit të përpjekjes për të bërë një qeveria apo mazhorancë nga Lëvizja Vetëvendosje.
    Kryetari i LDK-së, Lumir Abdixhiku, tha se duhet që sa më parë të shpallen zgjedhjet e reja për të shmangur krizat që dëmtojnë vendin. Ai bëri me dije se gjatë takimit, lideri i Vetëvendosjes, Albin Kurti kërkoi që të provojë edhe njëherë për ta bërë qeverinë. Idenë e zgjedhjeve të reja e mbështeti edhe kreu i Partisë Demokratike të Kosovës, Memli Krasniqi, duke e konsideruar si rrugën e vetme për të dalë nga ngërçi.
    Ai tregoi se ka bërë përpjekje për të krijuar një shumicë, por diçka e tillë nuk është arritur. I vetmi që foli për data ishte kryetari i Aleancës për Ardhmërinë e Kosovës, Ramush Haradinaj. Ai kërkoi që më 7 dhjetor të organizoheshin zgjedhjet e reja parlamentare. Kreu i Vetëvendosjes nuk ndaloi për të folur për mediat pas përfundimit të takimit në presidencë.

  • Tragjedia në Turqi! 78 viktima nga zjarrin në hotel, 11 të dënuar me burgim të përjetshëm

    Tragjedia në Turqi! 78 viktima nga zjarrin në hotel, 11 të dënuar me burgim të përjetshëm

    Gjyqi në Bolu të Turqisë ka dënuar 11 persona me burgim të përjetshëm për zjarrin në hotelin Grand Kartal në qendrën ski të Kartalkaya, që ndodhi në janar të këtij viti dhe la pas 78 viktima, përfshirë 36 fëmijë.
    Mes të dënuarve janë pronari dhe drejtuesi i hotelit, të cilët u gjykuan për shkelje të shumta të rregullave të sigurisë. Gjithashtu, nënkryetari i Bashkisë së Bolut dhe shefi i shërbimit të zjarrfikësve u dënuan gjithashtu me burgim të përjetshëm.
    Në total, 32 të pandehur, prej të cilëve 20 ishin në paraburgim, u ulën në bankën e të akuzuarve gjatë procesit gjyqësor. Familjarët e viktimave vendosën fotografitë e të afërmve të tyre jashtë palestrës ku u mbajt seanca.

    Hetimet zbuluan se sistemi i alarmit të zjarrit në Grand Kartal nuk funksionoi natën e tragjedisë dhe disa nga instalimet e gazit nuk përputheshin me standardet e sigurisë.
    “Bënim inspektime të rregullta,” deklaroi pronari i hotelit, Halit Ergyul, i dënuar me burgim të përjetshëm, duke ia vënë fajin kompanisë që furnizonte me gaz. Ai shtoi se nuk lejonte as fishekzjarre para hotelit gjatë dasmave për të shmangur dëmtimin e kafshëve.
    Të mbijetuarit dhe familjarët e viktimave rrëfyen me lot për ngjarjet e 21 janarit, kur zjarri shkatërroi hotelin duke filluar nga një nga restorantet.
    “Shkoj çdo mëngjes në varrezë. Asnjë psikolog nuk mund të lehtësojë një dhimbje të tillë,” tha Hilmi Altin, që humbi gruan dhe vajzën 9-vjeçare.
    Zjarrin e hotelit Grand Kartal e humbën familje të tëra, përfshirë biznesmenë, gazetarë, mjekë dhe sportistë, të cilët ndodheshin aty për pushimet dimërore me familjet e tyre në ditën e tragjedisë.
    /vizionplus.tv

  • Kurti miraton buxhetin 2026, sot presidentja Osmani mbledh partitë për krijimin e Qeverisë së Re

    Kurti miraton buxhetin 2026, sot presidentja Osmani mbledh partitë për krijimin e Qeverisë së Re

    Pavarësisht pasigurive që kanë kapluar Kosovën nga ngërci politik, qeveria në detyre ka miratuar buxhetin e ri për vitin 2026.
    “Buxheti i ri do të jetë 4 miliardë euro. Rreth 1 miliard euro janë buxhetuar për investime kapitale. Me këtë buxhet do të ketë pagë të 13-të për të gjithë punëtorët e sektorit publik. Është përfshirë edhe zbatimi i rritjes së pagës bazë për 0.5 për qind për çdo vit përvojë pune në sektorin publik”,  Albin Kurti Kryeministër i Kosovës.
    Por, a mund të miratohet buxheti pa qeveri të re?

    Për njohësit e çështjeve juridike Qeveria në detyrë e Kosovës, nuk ka kompetencë ligjore për të propozuar Projektligjin për Buxhetin Vjetor për legjislaturën e re. Sipas tyre, kjo është e drejtë ekskluzive e një qeverie legjitime, të zgjedhur nga Kuvendi i ri.
    Ndërkohë Presidentja e vendit mbledh sot liderët e partive politike për tu konsultuar dhe për të caktuar mandatarin e dytë, pas dështimit të Albin Kurtit për formimin e ekzektuivit.
    Por Memli Krasniqi I PDK-së e ka bërë të qartë se nuk i ka numrat për formimin e qeverisë dhe në këto kushte duket se skenari i zgjedhjeve të reja është i pashmangshëm
    /vizionplus.tv

  • Parandalohet sulmi i mundshëm terrorist në ditën e Halloween-it, arrestohen disa persona

    Parandalohet sulmi i mundshëm terrorist në ditën e Halloween-it, arrestohen disa persona

    FBI ka parandaluar një sulm dyshuar terrorist që pritej të ndodhte gjatë ditës së Halloween-it në Shtetet e Bashkuara.

    Lajmin e bëri publik vetë drejtori i FBI-së, Kash Patel, i cili njoftoi në platformën X se në shtetin e Michigan janë arrestuar disa persona të dyshuar për organizimin e një sulmi.

    This morning the FBI thwarted a potential terrorist attack and arrested multiple subjects in Michigan who were allegedly plotting a violent attack over Halloween weekend. More details to come. Thanks to the men and women of FBI and law enforcement everywhere standing guard 24/7…
    — FBI Director Kash Patel (@FBIDirectorKash) October 31, 2025

    “Sot në mëngjes FBI ka parandaluar një sulm të mundshëm terrorist dhe ka arrestuar disa individë në Michigan, të cilët dyshoheshin se po planifikonin një sulm të dhunshëm gjatë fundjavës së Halloween-it. Detaje të tjera do të bëhen publike së shpejti,” shkroi Patel.
    Ai falënderoi agjentët federalë dhe të gjitha forcat e rendit për punën e tyre në mbrojtje të sigurisë kombëtare.
    “Faleminderit agjentëve të FBI-së dhe të gjithë forcave të rendit që punojnë 24/7 për mbrojtjen e vendit,” tha Patel.
    Autoritetet amerikane pritet të japin më shumë informacion në orët në vijim mbi natyrën e komplotit dhe personat e arrestuar.

    Top Channel

  • ‘WC’-ja legjendare prej ari del në ankand në New York me çmim fillestar prej 10 mln $

    ‘WC’-ja legjendare prej ari del në ankand në New York me çmim fillestar prej 10 mln $

    Shtëpia e ankandeve Sotheby’s njoftoi se më 18 nëntor në Nju Jork do të nxjerrë në shitje një skulpturë nga artisti italian Maurizio Cattelano të quajtur “Amerika” – një tualet plotësisht funksional i bërë prej ari të pastër.

    Çmimi fillestar do të përcaktohet sipas vlerës së 101.2 kilogramëve ari nga i cili është bërë vepra, e cila aktualisht arrin në rreth 10 milionë dollarë, sipas shtëpisë së ankandeve, raporton AP.

    Kupa dhe cisterna e artë, të përshkruara nga artisti si një koment satirik mbi pasurinë dhe barazinë, janë identike me një të vjedhur nga Pallati Blenheim në Angli në vitin 2019.

    Origjinali nuk është gjetur deri më sot dhe policia beson se ndoshta është shitur në copa.

    “Amerika” do të jetë në ekspozitë në selinë e re të shtëpisë së ankandeve në ndërtesën Breuer në Nju Jork nga 8 nëntori deri në ditën e ankandit.

    Vizitorët do të jenë në gjendje ta shohin atë, por, siç theksohet në njoftim, jo ​​ta përdorin atë.

    Catelan njihet për veprat provokuese, përfshirë skulpturën “Komediani” – një banane e ngjitur në mur, e cila u shit në vitin 2024 për 6.2 milionë dollarë, dhe skulpturën e Hitlerit – “Ai”, e cila u shit për 17.2 milionë dollarë.