Lajmidites.com

Category: Aktualitet

  • 100 qytetet më të mira/ Shqipëria s’figuron gjëkundi

    100 qytetet më të mira/ Shqipëria s’figuron gjëkundi

    Raporti Vjetor i Qyteteve më të Mira në Botë i Resonance Consultancy, një nga më të njohurit në botë për sa i përket vlerësimit të qendrave urbane, u botua përsëri këtë vit, duke nxjerrë në pah qytetet që kombinojnë në mënyrë ideale cilësinë e jetës, atraktivitetin dhe dinamikën ekonomike.
    Lista që i përgjigjet pyetjes “në cilin qytet do të jetoja, punoja dhe udhëtoja i lumtur?” nuk përfshin Shqipërinë, edhe pse çuditërisht në të janë qytete me emër jo të mirë si medelini në Kolumbi apo Meksiko. Asnjë nga qytetet shqiptare nuk renditet në 100-she, madje as Tirana.
    Renditja shqyrtoi më shumë se 270 qytete me një popullsi prej mbi një milion, sipas Forbes. Metodologjia bazohet në qindra tregues : aeroporte, infrastrukturë, kulturë, jetë nate, prani korporatash, zhvillim ekonomik, mjedis dhe madje edhe trende të mediave sociale.
    Gjithashtu, ajo përfshiu 21,000 përgjigje anketash nga 30 vende, dhe këtë vit shtoi të dhëna nga platforma kineze si Weibo dhe Xiaohongshu për të kapur “mendime autentike lokale”.
    Qytetet vlerësohen duke përdorur Vendin e Fuqisë, i cili shqyrton tre dimensione:
    Jetesa : ajër i pastër, ecje, shëndet, standard jetese.
    Dashuri : popullaritet në Google Trends dhe TikTok, muze, argëtim, kulturë.
    Prosperiteti : ekonomia, kompanitë e mëdha, papunësia, ekosistemi i biznesit.
    Londra: Qyteti më i mirë në botë për të 11-tin vit
    Kryeqyteti britanik mbetet në krye. Ai renditet i pari në botë për aeroportet dhe kompanitë e mëdha, ndërsa në përgjithësi merr rezultate të larta për prosperitetin, atraktivitetin dhe cilësinë e jetës.
    Londra po rimëkëmbet në mënyrë dinamike pas pandemisë: vetëm në vitin 2024, shpenzimet e vizitorëve ndërkombëtarë arritën në 22 miliardë dollarë, duke tejkaluar Nju Jorkun dhe Dubain. Në të njëjtën kohë, ajo mbetet një qendër teknologjie dhe gastronomie me një numër rekord restorantesh Michelin, ndërsa tërheq blerës amerikanë për prona banimi dhe komerciale.
    Nju Jorku: Qyteti më i mirë amerikan
    Në vendin e dytë në botë gjejmë Nju Jorkun , i cili këtë vit e tejkalon Parisin.
    Qyteti po lulëzon ekonomikisht dhe renditet ndër më të mirët për teatrot, koncertet dhe muzetë. Projektet e infrastrukturës – nga përmirësimet e aeroporteve te hapësirat e reja të gjelbra – po e riformësojnë metropolin për dekadën e ardhshme.
    Pesë më të mirët
    Qytetet që plotësojnë 5 vendet e para janë:
    Parisi – me investime të gjera për shkak të Lojërave Olimpike dhe një industri të fortë turizmi që pritet të arrijë 50 miliardë dollarë deri në vitin 2032.
    Tokio – siguri, gastronomi dhe dizajn urban i patëmetë, me numër rekord vizitorësh ndërkombëtarë.
    Madridi – një rritje e madhe nga vendi i 13-të i vitit të kaluar falë rigjenerimit të qëndrueshëm të qytetit dhe përdorimit të hapësirave dhe parqeve.
    Imazhi për SHBA-në
    Përveç Nju Jorkut, vetëm Los Anxhelosi hyn në 20 vendet e para (vendi i 12-të).
    Ja ku janë:
    -Miami (26)
    -San Francisko (28)
    -Çikago (35)
    -Denveri, Austini dhe Baltimori në 100 vendet e para
    Edhe pse qytetet amerikane ende kanë vrull, anketa tregon një rënie të dëshirës ndërkombëtare për të vizituar, e cila është e lidhur – siç raporton Ipsos – me besimin e reduktuar në markat amerikane.
    Ngritja e Azisë
    Dhe ka një surprizë: Azia! Ky kontinent po e ngushton shpejt hendekun me Evropën, me shumë qytete që “po shënojnë rritje” për shkak të rikthimit të fortë të turizmit: Tokio (4), Singapori (6), Sidnei (11), Seuli (13), Pekini (15), Shangai (16), Hong Kongu (19) , ndërsa Stambolli mbyll 20 vendet e para.
    Lista e detajuar e 100 qyteteve më të mira në botë:
    -Londër, Mbretëria e Bashkuar
    -Nju Jork, SHBA
    -Paris, Francë
    -Tokio, Japoni
    -Madrid, Spanjë
    -Singapor
    -Romë, Itali
    -Dubai, Emiratet e Bashkuara Arabe
    -Berlin, Gjermani
    -Barcelonë, Spanjë
    -Sidnei, Australi
    -Los Anxhelos, SHBA
    -Seul, Koreja e Jugut
    -Amsterdam, Holandë
    -Pekin, Kinë
    -Shangai, Kinë
    -Toronto, Kanada
    -Sao Paulo, Brazil
    -Hong Kong, Kinë
    -Stamboll, Turqi
    -Melbourne, Australi
    -Bangkok, Tajlandë
    -Osaka, Japoni
    -Oslo, Norvegji
    -Stokholm, Suedi
    -Miami, SHBA
    -Vjenë, Austri
    -San Francisko, SHBA
    -Bengaluru, Indi
    -Qyteti i Meksikos, Meksikë
    -Mynih, Gjermani
    -Dublin, Irlandë
    -Kopenhagen, Danimarkë
    -Cyrih, Zvicër
    -Çikago, SHBA
    -Milano, Itali
    -Lisbonë, Portugali
    -Pragë, Republika Çeke
    -Buenos Aires, Argjentinë
    -Mumbai, Indi
    -Vankuver, Kanada
    -Rio de Janeiro, Brazil
    -Varshavë, Poloni
    -Hamburg, Gjermani
    -Shenzhen, Kinë
    -Montreal, Kanada
    -Budapest, Hungari
    -Bruksel, Belgjikë
    -Riad, Arabi Saudite
    -Kuala Lumpur, Malajzi
    -Bogota, Kolumbi
    -Guangzhou, Kinë
    -Xhakarta, Indonezi
    -Delhi, Indi
    -Las Vegas, SHBA
    -Boston, SHBA
    -Uashington, SHBA
    -Hjuston, SHBA
    -Auckland, Zelanda e Re
    -San Jose, SHBA
    -Helsinki, Finlandë
    -Orlando, SHBA
    -Taipei, Tajvan
    -Frankfurt, Gjermani
    -Lima, Peru
    -Atlanta, SHBA
    -Seattle, SHBA
    -Perth, Australi
    -Mançester, Mbretëria e Bashkuar
    -Kejptaun, Afrika e Jugut
    -Krakovë, Poloni
    -Valencia, Spanjë
    -Otavë, Kanada
    -Athinë, Greqi
    -Santiago, Kili
    -Medellin, Kolumbi
    -Këln, Gjermani
    -Dallas, SHBA
    -Brisbane, Australi
    -Hangzhou, Kinë
    -San Diego, SHBA
    -Hyderabad, Indi
    -Çengdu, Kinë
    -Denver, SHBA
    -Kalgari, Kanada
    -Abu Dhabi, Emiratet e Bashkuara Arabe
    -Austin, SHBA
    -Filadelfia, SHBA
    -Baltimore, SHBA
    -Shtutgart, Gjermani
    -Roterdam, Holandë
    -Lion, Francë
    -Ruhr, Gjermani
    -Busan, Koreja e Jugut
    -Dusseldorf, Gjermani
    -Mekë, Arabi Saudite
    -Porto, Portugali
    -Bukuresht, Rumani
    -Birmingham, Mbretëria e Bashkuar
    -Doha, Katar

  • Mbeti i plagosur në atentatin ku u vra Gilmando Dani, ja si paraqitet gjendja shëndetësore e Muçi Shaljanit

    Mbeti i plagosur në atentatin ku u vra Gilmando Dani, ja si paraqitet gjendja shëndetësore e Muçi Shaljanit

    Dy ditë pasi mbeti i plagosur rëndë, gjendja e efektivit të AMP-së Muçi Shalajni vijon të jetë kritike.
    Sipas raportimeve mediatike, efektivi vijon te jetë në gjendje të rëndë shëndetësore, pasi ka humbur shumë gjak.
    Po ashtu raportohet se Shaljani, ka dy plumba në kokë, të cilat e kanë vështirësuar punën e mjekëve për stabilizimin e gjendjes së tij.
    Muçi Shaljani mbeti i plagosur në atentatin që u bë në Rinas, ku humbi edhe jetën Grimaldo Dani, i cili konsiderohet si krahu i djathtë i Emiljano Shullazit.

  • Tiranë/ Arrestohet punonjësi i policisë, shkaktoi aksident në gjendje të dehur

    Tiranë/ Arrestohet punonjësi i policisë, shkaktoi aksident në gjendje të dehur

    Agjencia e Mbikëqyrjes Policore (Rajoni Tiranë) ka arrestuar në flagrancë punonjësin e policisë Inspektor F. L., me detyrë Nd/Specialist i Policimit në Komunitet pranë Komisariatit Nr.5, Tiranë, i dyshuar për kryerjen e veprës penale “Drejtim i automjeteve në mënyrë të parregullt” parashikuar në nenin 291 të Kodit Penal.
    Arrestimi i tij u krye pasi ditën e sotme rreth orës 16:40, duke drejtuar mjetin e tij në rrugën “George Bush” në Kamëz, është përfshirë në një aksident me pasojë vetëm dëme materiale.Pas verifikimit me testin matës të alkoolit ka rezultuar pozitiv në masën 0.91mg/l.
    Materialet proceduriale u referuan në Prokurorinë Pranë Gjykatës së Shkallës së Parë të Juridiksionit të Përgjithshëm Tiranë.
    AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresën [email protected].
    Për ankesa me Whatsapp 0694151511
Ose shkarkoni në Play Store dhe App Store aplikacionin “Agjencia Digjitale”.

  • E rëndë në Elbasan/ Gjendet e mbytur në lumin Shkumbin

    E rëndë në Elbasan/ Gjendet e mbytur në lumin Shkumbin

    Një ngjarje e rëndë është regjistruar mbrëmjen e sotme në Elbasan, ku në lumin Shkumbin është gjetur e mbytur një grua rreth 40 vjeçe.
    Rreth orës 19:00, banorët e zonës së Krastës kanë njoftuar policinë pasi kanë vënë re trupin e një personi që lundronte në ujë. Menjëherë janë nisur në vendngjarje forcat e policisë, zjarrfikësit dhe palombarët, të cilët për shkak të errësirës e kanë pasur të vështirë ndërhyrjen.
    Pas disa minutash kërkimesh, trupi i gruas është nxjerrë nga lumi me ndihmën e 7 efektivëve zjarrfikës dhe 10 efektivëve të policisë.
    Viktima, e cila ende nuk është identifikuar, dyshohet se vuante nga probleme të shëndetit mendor. Trupi i saj është dërguar në morgun e Elbasanit, ndërsa deri tani asnjë familjar nuk është paraqitur për ta identifikuar.
    Policia ka nisur hetimet për të zbardhur rrethanat e ngjarjes dhe për të përcaktuar nëse bëhet fjalë për vetëvrasje apo ndonjë shkak tjetër.

  • Refuzimi i dy komisioneve hetimore, PD dorëzon ankimim në “Kushtetuese”

    Refuzimi i dy komisioneve hetimore, PD dorëzon ankimim në “Kushtetuese”

    Deputetët e Partisë Demokratike i janë drejtuar Gjykatës Kushtetuese pasi u refuzua kërkesa për ngritjen e dy komisioneve hetimore, për McGonigal dhe për zgjedhjet parlamentare të 11 majit.
    “38 deputetët të opozitës i janë drejtuar Gjykatës Kushtetuese me kërkesë për: Zgjidhjen e mosmarrëveshjes së kompetencës ndërmjet jo më pak se një të katërtës së deputetëve dhe Kuvendit të Republikës së Shqipërisë, duke përcaktuar detyrimin e Kuvendit për ngritjen e Komisionit Hetimor të Kuvendit:
    “Për verifikimin e ligjshmërisë së veprimeve të zyrtarëve shqiptarë në raport me ish-agjentin special të FBI-së Charles McGonigal”;
    “Për kontrollin e ligjshmërisë së veprimtarisë së organeve të pushtetit qëndror dhe pushtetit vendor, si dhe për të verifikuar përdorimin e burimeve të administratës shtetërore për qëllime elektorale në zgjedhjet e 11 majit 2025”.
    Deklarimin e vendimit nr. 77/2025 të Kuvendit të Shqipërisë “Për mosmiratimin e projektvendimit “Për ngritjen e Komisionit Hetimor për verifikimin e ligjshmërisë së veprimeve të zyrtarëve shqiptarë në raport me ish-agjentin special të FBI-së Charles McGonigal”, si i papajtueshëm me Kushtetutën e Republikës së Shqipërisë.Deklarimin e vendimit nr. 78/2025 të Kuvendit të Shqipërisë “Për mosmiratimin e projektvendimit “Për ngritjen e Komisionit Hetimor për kontrollin e ligjshmërisë së veprimtarisë së organeve të pushtetit qëndror dhe pushtetit vendor, si dhe për të verifikuar përdorimin e burimeve të administratës shtetërore për qëllime elektorale në zgjedhjet e 11 majit 2025”, si i papajtueshëm me Kushtetutën e Republikës së Shqipërisë.
    Deputetët e opozitës argumentojnë se rrëzimi me votë politike të mazhorancës i një të drejte kushtetuese të opozitës, e bën rolin e deputetëve të saj në Kuvend, jo thjesht të papërfillshëm, por mbi të gjitha fasadë e një normaliteti të rremë që vret cdo ditë rregullat dhe standardet minimale të parlamentarizmit demokratik. Kjo ka vënë seriozisht në pikëpyetje nevojën e prezencës së opozitës në Kuvend, por nga ana tjetër dëmton interesin publik për shkak se deputetët nuk ushtrojnë dot përgjegjësitë dhe funksionet e tyre kushtetuese. Nëse opozita nuk diskuton dot në Kuvend cështje që kanë interes për qytetarët, nëse nuk ushtron dot kontroll ndaj qeverisjes, nëse nuk shtyn dot përpara miratimin e ligjeve/amendamenteve në interes të qytetarëve, nëse nuk përfillet në të drejtat e saj që ia njeh Kushtetuta e Shqipërisë, atëherë roli i saj në Kuvend është thjeshtë formal duke mos përmbushur përgjegjësitë e veta në një shoqëri demokratike dhe duke dëmtuar kështu sistemin e kontrollit dhe balancës mes pushteteve, si garanci për funksionimin demokratik të shtetit shqiptar.
    Deputetët e opozitës evidentojnë se mazhoranca parlamentare ditë pas dite po e trajton Kuvendin si njëpartiak, dhe ku cdo vendimmarrje diktohet jo nga forca e arsyes/argumentit, por nga forca e kartonave të tyre. Ajo vazhdon të mohojë ushtrimin e cdo të drejte parlamentare të deputetëve të opozitës, duke i penguar ata në ushtrimin e përgjegjësive të tyre në mbrojtje të interesit publik. Deri më tani nuk është pranuar asnjë kërkesë e pakicës parlamentare për “mocion me debat”, “interpelancë me Kryeministrin apo ministrat”, seancë dëgjimore në Komisione me ministrat, apo ngritja e Komisioneve Hetimore
    “Ne deputetët e pakicës parlamentare jemi të vendosur për të qëndruar të angazhuar në proceset demokratike brenda sistemit institucional, por nuk do të pajtohemi kurrë me asgjësimin e parlamentarizimit apo mohimin e të drejtave tona kushtetuese. Një vend që pretendon antarësimin në Bashkimin Europian, që cenon rregullat minimale të bashkëjetesës demokratike brenda Kuvendit, ku mazhoranca ka rolin e saj dhe opozita përgjegjësitë e saj, nuk mund të jetë asgjë më shumë se një propagandë e papërgjegjshme për një normalitet të rremë demokratik. Këtë realitet të rremë mund dhe duhet ta korrigjojë sistemi i garancive kushtetuese institucionale – ku rolin kyc e ka Gjykata Kushtetuese.” – theksohet në kërkesë.
    Në kërkesën e 38 deputetëve të opozitës theksohet në mënyrë të përmbledhur se vendimet e Kuvendit për rrëzimin e dy kërkesave të opozitës për ngritjen e dy Komisioneve Hetimore, bien ndesh me nenit 77 të Kushtetutës dhe jurisprudencën e Gjykatës Kushtetuese, sepse:
    Është cenuar e drejta e pakicës parlamentare për ngritjen e komisionit hetimor, e cila nuk mund të mohohet apo të kufizohet nëpërmjet vendimmarrjes së shumicës parlamentare. Ajo është një e drejtë kushtetuese që çon detyrimisht në ngritjen e komisionit;Në rastin konkret, objekti i hetimit të Komisionit Hetimor ishte në përputhje me natyrën e këtij komisioni, si dhe me kriteret dhe standardet kushtetuese të analizuara dhe trajtuara nga jurisprudenca kushtetuese;Shkaku i lindjes së mosmarrëveshjes së kompetencës ndërmjet një të katërtës së deputetëve dhe Kuvendit duhet kërkuar te mohimi, nga ky i fundit (Kuvendi), i kompetencës kushtetuese të pakicës parlamentare për ngritjen e komisionit hetimor me argumentin jokushtetues; Mazhoranca nuk ka bërë asnjë përpjekje dhe asnjë formulim alternativ në raport me objektin e hetimit”-thuhet në njoftimin nga grupi parlamentar i PD.

  • Reuters: Familja Hysa pastronte paratë përmes kazinove për kartelin Sinaloa

    Reuters: Familja Hysa pastronte paratë përmes kazinove për kartelin Sinaloa

    Reuters: Familja Hysa pastronte paratë përmes kazinove për kartelin Sinaloa
    Reuters
    Thesari amerikan vendosi sanksione ndaj anëtarëve të familjes Hysa në Meksikë, duke i akuzuar ata se kanë përdorur rrjetin e tyre të gjerë të kazinove dhe restoranteve si mbulesë për pastrimin e parave të karteleve të fuqishme të Sinaloas
    Në atë që Departamenti i Thesarit e përshkroi si një veprim të koordinuar me qeverinë e Meksikës, u sanksionuan gjashtë anëtarë të familjes Hysa dhe një person tjetër, bashkë me bizneset e tyre në Meksikë, Kanada dhe Poloni.
    Thesari amerikan ndërmori gjithashtu hapa për të shkëputur nga sistemi financiar amerikan kazinotë që dyshohet se familja përdorte si fasadë në Meksikë.
    Familja Hysa, me origjinë nga Shqipëria, në të kaluarën ka mohuar publikisht çdo lidhje me krimin e organizuar.
    “Shtetet e Bashkuara dhe Meksika po bashkëpunojnë për të luftuar pastrimin e parave në sektorin e lojërave të fatit në Meksikë,” tha Zëvendëssekretari i Thesarit amerikan, John K. Hurley. “Mesazhi ynë për ata që mbështesin kartelet është i qartë: do të jeni përgjegjës.”Autoritetet amerikane thonë se Luftar Hysa, i cili jeton mes Meksikës dhe Kanadasë, së bashku me disa të afërm të tij, kanë bashkëpunuar me një person të paidentifikuar në Shtetet e Bashkuara për të transportuar sasi të mëdha parash nga Meksika drejt SHBA-së.
    Njoftimi i Thesarit amerikan erdhi një ditë pasi autoritetet meksikane njoftuan pezullimin e operacioneve në 13 kazino, të dyshuara për skema pastrimi parash që përfshinin miliona dollarë të transferuar jashtë vendit. Nuk është ende e qartë nëse dy operacionet janë të lidhura mes tyre.
    Qeveria meksikane nuk bëri publik emrat e kazinove të mbyllura, por kompania Grupo Salinas, e kontrolluar nga magnati Ricardo Salinas, deklaroi se operonte dy prej kazinove të goditura dhe mohoi çdo shkelje ligjore.
    Kujtojmë se në tetor 2020 Luftar Hysa takoi Ramën në zyrë të marrë licensë për kazino në Shqipëri.

  • Kush është “skuadra e pushkatimit”? Gazetari: E njëjta “dorë” vrau Brilant Martinaj, Bledar Birçaj dhe Gilmando Danin

    Kush është “skuadra e pushkatimit”? Gazetari: E njëjta “dorë” vrau Brilant Martinaj, Bledar Birçaj dhe Gilmando Danin

    Artan Hoxha

    TIRANË- Gazetari investigativ, Artan Hoxha, ka bërë një deklaratë të fortë në lidhje më krimin e fundit në kryeqytet. Sipas gazetarit, që nga mënyra e organizimit dhe ekzekutimit, është e njëjta skemë e të njëjtës dorë të ekzekutimeve mafioze si e Brilant Martinaj apo e Bledar Birçaj. 
    Sipas Hoxhës, kjo skuadër rrallë del në terren, ç’ka vështirëson kapjen e tyre. Ndërsa thekson se është skuadër 100% e saktë nuk ka gabuar asnjëherë. “Kanë bërë vrasje, dalin rrallë, por kur dalin të fikin derën.”, shprehej Hoxha në një intervistë disa vite më parë. Ndërkohë, në një intervistë të fundit, gazetari kujtoi edhe një herë se vite më parë, ai kishte publikuar foton e kësaj skuadre, madje kishte përmendur dhe emra. 

    E njëjta skemë, dorë dhe ekzekutim…
    Vrasja e Brilant Martinajt dhe dy miqve të tij…të shtëna, makinë e djegur dhe asnjë gjurmë
    Mesditën e 17 korrikut të vitit 2022, në rrugën kryesore që lidh Fushë-Krujën me Tiranën, një pritë iu bë makinës ku po udhëtonin tre të rinj, Besmir Hoxha, Brilant Martinaj dhe Dikler Vata. Disa persona kanë ekzekutuar në mënyrë makabre 3 të rinjtë duke djegur edhe makinën ku ata po udhëtonin. Njëri prej tyre, Dikler Vata zbriti nga mjeti i plagosur duke tentuar të shpëtonte por autorët u kthyen dhe e qëlluan përsëri duke u siguruar që e vranë. Shënjestra e atentatit sipas burimeve nga grupi hetimor është Brilant Martinaj, kushëri i parë me biznesmenin e përfshirë në disa ngjarje kriminale, Ervis Martinaj. Për atentatin janë zbuluar edhe të dyshuarit e parë të ngjarjes së rëndë. Por, ende nuk ka asnjë të arrestuar për ngjarjen në fjalë.

    Vrasja e Bledar Birçajt…plumba ndaj automjetit, viktima i shoqëruar nga një polic
    Bledar Birçaj u vra më 11 Maj 2021 në një atentat të mirëorganizuar në automjetin e tij “BMë” X5 në vendin e quajtur Bishti i Kalldrëmit. Në drejtim të automjetit është qëlluar mbi 10 herë. Vrasja e Bledar Birçaj ka mbetur ende pa autor, ndërsa pista kryesore e hetimit atëherë u tha se ishin konfliktet e mundshme të tij në Spanjë, prej nga ishte kthyer një muaj para se të ekzekutohej.

    Vrasja e Gilmando Danit…përsëritet skema (Plumba, djegie automjeti, një polic që shoqëron viktimë)
    Vrasja e fundit, në atentatin e Rinasit, ku mbeti i vrarë Gilmando Dani, sipas gazetarit është duket gati identike si dy pika uji me atë të Bledar Birçajt.
    “Mesditen e 10 majit 2021, Bledar Birçaj, i cili kishte vetëm pak ditë që ishte kthyer nga Spanja, u qëllua nga një skuadër pushkatimi në vendin e quajtur Bishti i Kalldrëmit. Si në rastin e Rinasit edhe ne Vlorë, viktima udhëtonte nën shoqërinë e oficerit të antidrogës Granit Deromema, ndërsa në pjesën e pasme të automjetit ndodhej dhe 20-vjeçari Edison Zeneli.Si në rastin e Rinasit, autorët të veshur me uniforma të trupave speciale kanë parkuar në anë të rrugës dhe sapo BMë X5 shfaqet, ata zbresin nga makina dhe hapin zjarr drejt viktimës pa mëshirë, por me saktësi të madhe duke u kujdesur të mos qëllojnë oficerin e antidrogës ne sediljen e parë dhe pasagjerin në sediljen e pasme.Vrasësit në të dyja rastet kanë informacion të saktë per levizjen e viktimës dhe shfaqen në skenë në çastin e duhur.Edhe në rastin e Vlorës, qitësit kryesor i bie nga dora diçka që duket si automatik, por në fakt është shtrati i një pistolete Glock19. Kanë më shumë se 4 vite nga ngjarja e Vlorës, por autorët nuk janë gjetur. Në të dy rastet viktimat që sapo janë kthyer nga Spanja, shoqërohen, në Vlorë nga një oficer antidroge, në Rinas nga një agjent i Agjensisë së Mbikqyrjes Policore.”, shkruan Hoxha në postimin e fundit.

    Gilmando Dani, mik dhe bashkëpunëtor i Emiljano Shullazit u ekzekutua mesditën e 11 nëntorit me breshëri plumbash pranë aeroportit ‘Nënë Tereza’, teksa i plagosur rëndë ka mbetur edhe miku i tij, që e shoqëronte Muçi Shaljani Sheqeri, agjent i AMP-së. Ndaj automjetit të tyre ‘Benz’ u qëllua nga persona të paidentifikuar me një mjet tip “Toyota Yaris”, e cila u gjet e djegur pak minuta pas ngjarjes në Fushë Krujë. Autorët e maskuar dhe të veshur me uniforma që ngjanin me ato të policisë, kanë qëlluar në drejtim të mjetit, duke e ndaluar atë në vend. Më pas, një prej autorëve ka zbritur nga makina, ka rimbushur armën dhe ka qëlluar sërish në drejtim të Gilmando Danit, i ulur në sediljen e pasagjerit.
    Gilmando Dani sapo kishte mbërritur me mikun e tij në Shqipëri nga Barcelona, Spanjë. Të dy ishin nisur me avion drejt Barcelonës më 7 nëntor dhe kishin lënë makinën të parkuar në aeroport, ndërsa u kthyen nga Barcelona më 11 nëntor. Avioni me të cilin udhëtonte Dani zbriti në tokën shqiptare në orën 13:55, rreth 35 minuta para orarit të planifikuar. Atentati ka ndodhur 25 minuta më pas në rrethrrotullimin e Rinasi./ZËRI

  • Gilmando Dani mori 20 plumba në trup! Hetimi shtrihet në Spanjë

    Gilmando Dani mori 20 plumba në trup! Hetimi shtrihet në Spanjë

    Gilmando Dani

    TIRANË- Dy ditë nga atentati mafioz i mesditës së 11 nëntorit ku u ekzekutua Gilmando Dani dhe u plagos rëndë miku i tij, punonjësi i AMP-së Muçi Shaljani, hetimet ende nuk kanë çuar në një pistë të caktuar apo në identifikimin e autorëve. Policia ka kërkuar informacion nga autoritetet spanjolle, mbi lëvizjet e Danit dhe Shaljanit, gjatë qëndrimit 4 ditor atje, por deri tani nuk kanë marrë asnjë përgjigje. Policia ka kryer kontrolle në disa zona të ndryshme, Tiranë, Kamëz, Nikël dhe Fushë Krujë, ku janë shoqëruar të paktën 15 persona, kryesisht familjarë të viktimës dhe të plagosurit por u lanë të lirë. Ekspertiza paraprake nga morgu i Tiranës, ka nxjerrë se Gilmando Dani ka marrë 20 plumba në trup, ndërsa në vendngjarje janë gjetur mbi 80 gëzhoja. Ndërkohë rezulon se makina tip ‘Toyota Yaris”, e përdorur nga autorët në krim, është vjedhur në Greqi më 22 tetor 2023. Hetimet janë fokusuar në disa pista hetimore, siç është ajo e larjes së hesapeve mes grupeve kriminale, konfliktet për fajdet financiare e deri tek bashkëpronësia tek disa sipërfaqe toke prapa zonës së “Casa Italia” dhe trafiku i kokainës.

    /ZËRI

  • “Tapë” në timon, shkaktoi aksident në Kamëz, AMP arreston efektivin

    “Tapë” në timon, shkaktoi aksident në Kamëz, AMP arreston efektivin

    Foto ilustruese

    TIRANË- Punonjësi i policisë, Inspektor F. L., u arrestua në Kamëz pasi shkaktoi një aksident me dëme materiale. Ai po hetohet për drejtim të automjetit në mënyrë të parregullt. Sipas njoftimit, mësohet se pas verifikimit me testin matës të alkoolit ka rezultuar pozitiv në masën 0.91mg/l.
    Njoftimi:
    Agjencia e Mbikëqyrjes Policore (Rajoni Tiranë) ka arrestuar në flagrancë punonjësin e policisë Inspektor F. L., me detyrë Nd/Specialist i Policimit në Komunitet pranë Komisariatit Nr.5, Tiranë, i dyshuar për kryerjen e veprës penale “Drejtim i automjeteve në mënyrë të parregullt” parashikuar në nenin 291 të Kodit Penal.
    Arrestimi i tij u krye pasi ditën e sotme rreth orës 16:40, duke drejtuar mjetin e tij në rrugën “George Bush” në Kamëz, është përfshirë në një aksident me pasojë vetëm dëme materiale.Pas verifikimit me testin matës të alkoolit ka rezultuar pozitiv në masën 0.91mg/l.
    Materialet proceduriale u referuan në Prokurorinë Pranë Gjykatës së Shkallës së Parë të Juridiksionit të Përgjithshëm Tiranë.

  • E rëndë në Elbasan, gjendet një grua e mbytur në lumin Shkumbin,

    Foto ilustruese

    ELBASAN- Një trup i pajetë është gjetur mbrëmjen e sotme rreth orës 19:00 në ujërat e lumit Shkumbin. Burime bëjnë me dije se trupi i pajetë i përket një gruaje 40-vjeçe, ende të paidentifikuar, e cila dyshohet se vuante nga probleme të shëndetit mendor. Trupi është dërguar në morgun e Elbasanit, por ende asnjë familjar nuk është interesuar për personin e mbytur.
    Ndërkohë, palombarët kanë shkuar menjëherë në vendngjarje pas marrjes së njoftimit, por për shkak të errësirës nuk kanë ndërhyrë. Në të tilla kushte janë angazhuar 7 efektivë zjarrfikës dhe 10 efektivë policie të cilën bënë të mundur nxjerrjen e trupit./ZËRI