Cardinale rikthehet në Milano me një objektiv, rinovimin e Rabiot me kuqezinjtë

E ardhmja e Adrien Rabiot pritet të jetë gjithnjë e më shumë kuqezi. Sipas “Gazzetta dello Sport”, presidenti i Milanit, Gerry Cardinale, e ka vendosur rinovimin e mesfushorit francez ndër prioritetet kryesore të vizitës së tij në Milano, të parashikuar në gjysmën e parë të tetorit. Milani synon t’ia zgjasë kontratën aktuale, e cila skadon në vitin 2028, me opsion për 2029, të paktën deri në 2030. Rinovimi mbështetet edhe nga trajneri Ruben Amorim. Rabiot ka fituar rëndësi të madhe në formacion, duke luajtur si mesfushor shkatërrues, organizator, “mezzala” dhe pas sulmuesve. Ai ofron ekuilibër, forcë fizike dhe inteligjencë taktike. Vendimin e klubit e kanë ndikuar edhe deklaratat e vetë Rabiot, i cili ka përsëritur se ndihet mirë në Milano dhe nuk ka menduar të largohet. Në...