Vrasja e infermierit trondit SHBA-të, Minneapolis shpërthen në protesta masive

January 26, 2026 January 26, 2026 Protestat vijuan të dielën, 25 janar, në Minneapolis dhe në disa qytete të tjera të Shteteve të Bashkuara, pas vrasjes së 37-vjeçarit Alex Pretti, një infermier i repartit të kujdesit intensiv, i cili u qëllua për vdekje nga agjentë federalë të emigracionit. Guvernatori i Minesotës, Tim Walz, deklaroi se SHBA-të ndodhen në një “pikë kthese” dhe përsëriti thirrjen drejtuar presidentit Donald Trump për të tërhequr agjentët federalë të emigracionit nga qyteti. Nga ana tjetër, Trump i kërkoi Walz-it që t’i dorëzojë qeverisë federale “të gjithë emigrantët kriminalë ilegalë” që ndodhen në burgjet shtetërore, për t’u deportuar. Shefi i Policisë së Minneapolis, Brian O’Hara, i tha BBC-së se oficerët shtetërorë u penguan nga agjentët federalë për të hyrë në vendngjarje, pavarësisht se kishin siguruar një urdhër kontrolli. Ai shtoi...