Temperaturat rekord në Francë dhe Britaninë e Madhe, shefi i klimës në OKB: Një kujtesë brutale e krizës klimatike

Një valë ekstreme e të nxehtit ka përfshirë Evropën Perëndimore, duke thyer rekorde temperaturash në Francë dhe Britaninë e Madhe dhe duke ngritur alarmin për pasojat e krizës klimatike. Shefi i klimës i OKB-së, Simon Stiell, e cilësoi situatën si “një kujtesë brutale” të ndikimeve të ndryshimeve klimatike, duke fajësuar djegien e qymyrit, naftës dhe gazit si shkakun kryesor të fenomenit. Sipas tij, shkenca është e qartë se ndryshimet klimatike të shkaktuara nga aktiviteti njerëzor po i bëjnë valët e të nxehtit gjithnjë e më të shpeshta dhe më intensive. Stiell theksoi se mbrojtja e jetëve dhe ekonomive nga temperaturat ekstreme duhet të nisë me reduktimin e varësisë nga lëndët djegëse fosile dhe kalimin drejt energjive të pastra. Në Britaninë e Madhe, Zyra Meteorologjike regjistroi...