Rusia godet sërish Ukrainën me raketën hipersonike, 4 viktima dhe qindra të plagosur

Rusia ka përdorur për herë të tretë raketën e saj balistike hipersonike “Oreshnik” në Ukrainë, gjatë një sulmi masiv ndaj Kievit dhe rajonit përreth, ku humbën jetën të paktën katër persona dhe rreth 100 të tjerë mbetën të plagosur. Presidenti ukrainas, Volodymyr Zelenskyy, deklaroi se raketa goditi qytetin Bila Tserkva në rajonin e Kievit. Sipas tij, sulmi rus dëmtoi rëndë edhe infrastrukturën civile, përfshirë një objekt furnizimi me ujë, një treg që u përfshi nga flakët, si dhe dhjetëra ndërtesa banimi dhe disa shkolla. “Ata janë vërtet të çmendur”, shkroi Zelenskyy në Telegram. Më vonë, ai publikoi në rrjetin X se sulmi rus kishte plagosur rreth 100 persona në të gjithë Ukrainën, ndërsa katër persona kishin humbur jetën. Sipas tij, Kievi ishte objektivi kryesor i...