Kreu i gjyqësorit në Teheran paralajmëron qytetarët iranianë: Ata që veprojnë në përputhje me interesat e armikut do të ndëshkohen

Irani është “në gjendje lufte” dhe do të veprojë “me vendosmëri” kundër atyre që veprojnë kundër Republikës Islamike, paralajmëroi gjyqësori, popullsinë iraniane. “Jemi në gjendje lufte”, tha kreu i gjyqësorit të Iranit, Gholam-Hossein Mohseni Ezei, i njohur për rolin e tij në shtypjen e lëvizjeve protestuese në Iran dhe si një mbështetës i flaktë i burgosjeve masive, gjyqeve të shkurtra dhe zbatimit të dënimit me vdekje. “Prandaj, ata që veprojnë në çfarëdo mënyre, me fjalë ose vepra, në përputhje me interesat e paligjshme të armikut, do të trajtohen me vendosmëri dhe ashpërsi, në përputhje me ligjet dhe rregulloret në fuqi”, paralajmëroi ai në ditën e pestë të luftës, sipas agjencisë së lajmeve Mizan. Top Channel