18 vjet shtet! Kosova feston Ditën e Pavarësisë

Kosova, një shtet i vogël në hartë por me zemër të madhe, shënon sot 18-vjetorin e Pavarësisë. Më 17 shkurt 2008, ditë e diel, në ambientet e Kuvendit të Kosovës u lexua Deklarata e Pavarësisë, duke e shpallur Kosovën shtet të pavarur, sovran dhe demokratik.Lexo edhe :Related Posts Ajo ditë shënoi një kthesë historike jo vetëm për vendin, por për të gjithë rajonin e Ballkanit, i cili fitoi një shtet të ri. Që nga ajo ditë, Kosova nisi rrugëtimin e saj drejt konsolidimit të shtetësisë, duke fituar njohje nga shumë shtete mike dhe duke ndërtuar institucionet e saj demokratike. Në këtë përvjetor, në sheshe e institucione, me flamuj e aktivitete festive, qytetarët rikujtojnë sakrificën dhe përkushtimin për liri e shtetësi.