Ish-ministri ukrainas bën thirrje për zgjedhje në kohë lufte, sfidon Zelenskyn

Ish-ministri ukrainas i Mbrojtjes, Mykhailo Fedorov, ka bërë thirrje për zhvillimin e zgjedhjeve në Ukrainë edhe gjatë luftës, në një lëvizje që shihet si një nga sfidat më të forta ndaj presidentit Volodymyr Zelensky që prej nisjes së pushtimit të plotë rus. “Demokracia nuk mund të mbahet peng nga Rusia”, deklaroi Fedorov, 35 vjeç, në një video të publikuar në YouTube të martën. Ai theksoi se Ukraina po lufton pikërisht për të mbetur “një shtet i lirë evropian”. Që prej nisjes së pushtimit rus në vitin 2022, Ukraina ndodhet nën ligjin ushtarak, çka ka sjellë pezullimin e zgjedhjeve. Fedorov, i cili nuk e përmendi drejtpërdrejt Zelenskyn në deklaratën e tij, u shkarkua papritur nga posti i ministrit të Mbrojtjes muajin e kaluar, vetëm gjashtë muaj pasi ishte emëruar...