Hungaria në udhëkryq, skandalet e njëpasnjëshme që po lëkundin “kështjellën” e Viktor Orbanit

February 13, 2026 February 13, 2026 Fushata për zgjedhjet parlamentare të 12 prillit në Hungari ka hyrë në një spirale të rrezikshme polarizimi dhe tensioni. Për herë të parë pas më shumë se një dekade dominimi absolut, Kryeministri Viktor Orban dhe partia e tij Fidesz po përballen me një rrezik real për të humbur pushtetin. Përballë rritjes së pandalshme në sondazhe të partisë opozitare Tisza, të udhëhequr nga Peter Magyar, qeveria hungareze e ka gjetur veten të përfshirë në një seri skandalesh të rënda që variojnë nga abuzimi i të miturve, tek katastrofat mjedisore dhe akuzat për shantazhe intime. Hipokrizia dhe skandali i abuzimit të fëmijëve Goditja e parë e rëndë për narrativën e qeverisë erdhi nga zbulimi i kushteve çnjerëzore në një qendër për të miturit e dënuar në Budapest. Videot...