Franca nis hetimet për terrorizëm pas tentativës për sulm ndaj një banke në Paris

Prokurorët francezë të antiterrorizmit kanë hapur një hetim për një sulm të dyshuar që synonte Bank of America’s. Zyra e prokurorit kombëtar kundër terrorizmit tha se hetimi përfshin dyshimet për tentativë shkatërrimi me zjarr ose mjete të tjera të rrezikshme në lidhje me një komplot terrorist, si dhe prodhimin, posedimin dhe transportin e një pajisjeje ndezëse ose shpërthyese. Hetimi përfshin gjithashtu një akuzë për pjesëmarrje në një shoqatë kriminale terroriste, që mbulon lidhje të mundshme me bashkëpunëtorë ose një rrjet më të gjerë. Hetimi i është besuar njësisë gjyqësore të policisë së Parisit dhe agjencisë së inteligjencës së brendshme të Francës, DGSI. Gazeta franceze Le Parisien dhe media të tjera raportuan më parë arrestimin e një burri në vendngjarje, duke cituar burime policore. I dyshuari...