Austria do të ndalojë përdorimin e rrjeteve sociale për fëmijët nën 14 vjeç

Qeveria austriake planifikon të ndalojë përdorimin e mediave sociale nga fëmijët nën 14 vjeç, duke ndjekur nismën e Australisë. Propozimi pritet deri në fund të qershorit, raporton ‘Politico’. Në deklaratat e tij, Zëvendëskancelari Andreas Bäbler tha se qeveria po kërkon të ecë shpejt drejt një zgjidhjeje “sepse e dimë që do të duhet ende kohë në nivelin e BE-së”. Ai shtoi se qeveria dëshiron të vendosë rregulla specifike për platformat e mediave sociale dhe të kërkojë të vendosë një kufizim moshe në nivelin e BE-së. Austria i bashkohet një liste në rritje të vendeve në Bashkimin Evropian dhe më gjerë që po përpiqen të gjejnë zgjidhje për të mbrojtur fëmijët nga efektet e mediave sociale. Spanja, Franca, Danimarka, Portugalia dhe Greqia po ecin gjithashtu përpara...