Balla takim me raporterin e PE: Shqipëria synon të përshpejtojë rrugën drejt BE-së

Kryetari i Grupit Parlamentar të Partisë Socialiste, Taulant Balla, zhvilloi një takim me raporterin e Parlamentit Europian për Shqipërinë, Andreas Schieder, me fokus procesin e integrimit europian dhe hapat e mëtejshëm drejt anëtarësimit në Bashkimin Europian. Gjatë takimit, Balla e cilësoi Schieder si një mik dhe mbështetës të Shqipërisë, ndërsa vuri në dukje ecurinë e vendit në procesin e zgjerimit të BE-së. “Shqipëria është në krye të vendeve aspirante për anëtarësim në këtë raund zgjerimi dhe progresi i saj i dukshëm në rrugën europiane kontribuon në stabilitetin dhe sigurinë në rajonin tonë dhe më gjerë”, deklaroi Balla. Sipas kryetarit të grupit parlamentar socialist, progresi i bërë deri tani në procesin e integrimit po shoqërohet me rezultate konkrete. Në takim u diskutuan gjithashtu hapat që Shqipëria...