Lajmidites.com

Author: Top-Channel.tv

  • “Sa përqind do fitosh ti? Po ti?”, kandidatja e Vlorës në podcastin e Ramës: Unë do marr 80%. Kandidati i Tepelenës: Unë besoj 83%

    “Sa përqind do fitosh ti? Po ti?”, kandidatja e Vlorës në podcastin e Ramës: Unë do marr 80%. Kandidati i Tepelenës: Unë besoj 83%

    Një ditë para heshtjes zgjedhore, kryetari i PS-së, Edi Rama ka ndryshuar edhe ditën kur e publikon podcastin e tij “Flasim”.

    Këtë herë në tryezën e kreut të socialistëve ishin ulur pesë kandidatët e PS-së për bashkitë ku të dielën do të mbahen zgjedhjet e pjesshme lokale.
    Pas një bisede të gjatë me ta, në fund, Rama i ka kërkuar secilit nga një parashikim se si do të dalin në këto zgjedhje.
    Të favorizuar edhe nga mungesa e fushatës nga opozita, e cila këtë herë ka vendosur të mbështesë kandidatë të pavarur, socialistët duket se i kanë hyrë garës me njeri-tjetrin se kush do të fitojë më shumë.
    Biseda:
    Edi Rama: Në fund fare një parashikim. Sa përqind do të marrësh ti?
    Brunilda Mersini: Unë shpresoj të marr 80% të votave
    Edi Rama: 80% të votave?
    Brunilda Mersini: Po
    Edi Rama: Po ti sa përqind do të marrësh?
    Gramoz Sako: Po rreth 83% besoj.
    Edi Rama: 83% As 2 as 4. Ta shikojmë. Po ti sa do të marrësh?
    Ervin Ceca: Unë po tregohem më konservativ po them 75%.
    Edi Rama: Po ti sa do të marrësh?
    Altin Bojni: 65%
    Edi Rama: Të isha në vendin tënd, matjanëve do tu thoja 51%. Po ti sa do të marrësh?
    Florenc Doka: Thash se do ta mundim Tepelenën por po them 71%.
    Edi Rama: Po mirë, hajde për hajër.
     
     
     
     

    Top Channel

  • Festivali “Metrofest”/ Edicioni i nëntë në Teatrin Metropol, i dedikuar veprave shqiptare

    Festivali “Metrofest”/ Edicioni i nëntë në Teatrin Metropol, i dedikuar veprave shqiptare

    Në Teatrin Metropol po zhvillohet edicioni i nëntë i Metrofest, një festival dedikuar veprave shqiptare.

    Pjesë e festivalit të këtij viti janë tre produksione të veçanta që ndërthurin traditën, simbolikën dhe realitetin shqiptar. Në një bashkëpunim me Universitetin e Arteve, në skenë ngjiten studentë që janë në hapat e parë të karrierës.
    Në teatër do të vendoset “Gjenerali i Ushtrisë së Vdekur”, i Ismail Kadaresë, i risjellë përmes idesë së regjisores së re, Erina Lazi.
    “Është përgjegjësi, por edhe kënaqësi shumë e madhe. Inspirimi për këtë vepër nuk ka qenë rastësor, duke qenë se ne si regjisorë kemi një detyrë që të përcjellim një mesazh te publiku. Dhe po të shohim, ngado që të kthejmë kokën sot, kudo nëpër botë ka një moment ku gjakrat janë të nxehur dhe kudo ka luftë. Gjenerali tregon se çfarë mbetet pas luftës, mbeten vetëm eshtra dhe asnjë më shumë. Është një mesazh dhe një lloj pasqyre për t’i treguar botës ‘frenoni pak, sepse kjo është ajo që ndodh gjithmonë pas luftës”, thotë regjisorja.
    Rreth 20 vjet pas Luftës së Dytë Botërore, një gjeneral italian merr një mision të ndershëm e të dhimbshëm: të gjejë eshtrat e ushtarëve italianë të rënë në Shqipërinë e izoluar. Por kërkimi për Kolonelin Z, një emër i njollosur nga mizoritë  e zhyt gjeneralin në një përballje të errët me të shkuarën. Eshtrat e Kolonelit, të varrosura fshehurazi nga plaka Nicë, mbeten të humbura në lumë… bashkë me ndjenjën e nderit dhe të faljes.
    Vepra vjen e rikonceptuar nën një frymë të re, por me fokus të përcjellë mesazhin e fortë te publiku, veçanërisht brezi i ri.
    Erina Lazi shton: “Kam marrë elementët kryesorë të veprës së Kadaresë dhe Gjenerali i Ushtrisë së Vdekur është një vepër që për mua personalisht lë hapësirë për të eksperimentuar, nuk është e thënë që të sillet në formën e teatrit klasik, por mund të eksperimentohet dhe unë pikërisht këtë kam bërë”.
    “Gjenerali i Ushtrisë së Vdekur” fton publikun në ambientet e Teatrit Metropol nga data 7-9 nëntor.

    Top Channel

  • Përçarje në politikën ruse, Putin fut nën “hije” ministrin e Jashtëm pas tensioneve me administratën e Trump

    Përçarje në politikën ruse, Putin fut nën “hije” ministrin e Jashtëm pas tensioneve me administratën e Trump

    Presidenti rus Vladimir Putin raportohet se ka larguar nga skena politike ministrin e tij të përhershëm të Jashtëm, Sergei Lavrov, pas një përplasjeje diplomatike që mendohet se ka acaruar administratën e Presidentit amerikan Donald Trump.

    Sipas burimeve të Moscow Times, Lavrov nuk është parë në publik prej disa ditësh dhe është përjashtuar nga disa samite dhe takime të rëndësishme shtetërore, çka ka ushqyer dyshimet për largimin e e një prej figurave më të vjetra të diplomacisë ruse.
    Raportet tregojnë se një telefonatë e zhvilluar në shtator midis Lavrov dhe Sekretarit të Shtetit të SHBA-së, Marco Rubio, ka qenë “katastrofike”, duke çuar në anulimin e një takimi të planifikuar midis Putin dhe Trump. Ky zhvillim thuhet se ka zemëruar presidentin rus, i cili po kërkonte më shumë mbështetje nga Uashingtoni.
    Pas incidentit diplomatik, SHBA vendosi një raund të ri sanksionesh të ashpra ndaj Rusisë, të cilat kishin për qëllim ta shtynin Kremlinin drejt bisedimeve për paqe në Ukrainë. Brenda rrethit të brendshëm të pushtetit rus, disa zyrtarë kanë akuzuar Lavrovin për “sabotim” dhe “refuzim për të ndjekur linjën e Putinit”.
    Lavrov, që ka shërbyer si ministër i Jashtëm për 21 vjet, nuk ishte i pranishëm në mbledhjen e fundit të Këshillit të Sigurisë së Rusisë, dhe është zëvendësuar në krye të delegacionit rus në samitin e G20 në Afrikën e Jugut. Burime nga kanali Telegram Nezygar thanë se diplomati “duket i dëshpëruar” dhe “ka humbur plotësisht mbështetjen e Putinit”.
    Zëdhënësi i Kremlinit, Dmitry Peskov, ka mohuar zërat për një përçarje mes dyshes, duke thënë se “këto pretendime nuk përputhen me realitetin” dhe se Lavrov “vazhdon të ushtrojë detyrat e tij si ministër i Jashtëm”.
    Këto raportime vijnë ndërkohë që Ukraina ka ndërmarrë një sërë sulmesh me dronë në thellësi të territorit rus — përfshirë një fabrikë industriale rreth 800 milje brenda Rusisë — ndërsa ushtria ukrainase vijon betejat e ashpra për mbrojtjen e qytetit strategjik Pokrovsk, në rajonin lindor të Donetskut.
    Sipas analistëve, situata aktuale ka ekspozuar tensionet e brendshme në Kremlinin e Putinit, në një kohë kur Rusia përballet me presion të madh ndërkombëtar dhe sfida të mëdha në frontin ukrainas.

    Top Channel

  • Shpërthim i fuqishëm në një ndërtese në Torino, shembet i gjithë muri i apartamentit, plagoset çifti i moshuar

    Shpërthim i fuqishëm në një ndërtese në Torino, shembet i gjithë muri i apartamentit, plagoset çifti i moshuar

    Një shpërthim ndodhi në një ndërtesë katërkatëshe këtë mëngjes në Rivarolo Canavese, në Torino të Italisë.

    Si pasojë e shpërthimit mbetën të plagosur një çift 70-vjeçarësh që jetonin në katin e dytë. Njëri prej tyre është në gjendje të rëndë dhe u transportua me helikopter nga ekipi emergjent. Por autoritetet italiane bëjnë me dije se asnjëri prej të moshuarve nuk është në rrezik për jetën.
    Alarmi u dha rreth orës 7 të mëngjesit nga banorët e zonës pasi dëgjuan një zhurmë të fortë. Shpërthimi shkatërroi apartamentin në katin e dytë, duke hedhur jo vetëm xhamat e dritares dhe mobiljet në oborr, por edhe murin e kuzhinës dhe kangjellat e ballkonit. Brigada e zjarrfikësve dhe disa ambulanca u përgjigjën.
    “Kemi evakuuar pesë familje”, tha Martino Zucco Chinà, kryebashkiak i qytetit Canavese.
    “Zona tani është e sigurt. Hetimet janë duke u zhvilluar, por ka shumë të ngjarë të jetë shkaktuar nga bombola e gazit të kuzhinës”, shtoi ai.

    Top Channel

  • Grupi Parlamentar i PD-së kërkon përjashtimin e Ballës nga Kuvendi: Përdori gjuhë fyese dhe kërcënuese

    Grupi Parlamentar i PD-së kërkon përjashtimin e Ballës nga Kuvendi: Përdori gjuhë fyese dhe kërcënuese

    Grupi Parlamentar i Partisë Demokratike i ka kërkuar Sekretariatit të Etikës përjashtimin deputetit Taulant Balla, me 10 ditë nga Kuvendi,

    Në seancën e djeshme, demokratët arsyetojnë se Taulant Balla ka përdorur gjuhë fyese dhe kërcënuese ndaj deputetëve të opozitës.
    Kërkesa e plotë e PD-së:
    Në seancën e datës 06.11.2025, në shkelje të plotë të etikës dhe gjuhës parlamentare, gjatë diskutimit të tij në foltoren e Kuvendit, Kryetari i Grupit Parlamentar të Partisë Socialiste Taulant Balla, ndërkohë që fliste për miratimin e kalendarit dhe programit të punës së Kuvendit, ndërmori një sulm me fyerje dhe gjuhë joparlamentare drejtuar deputetëve tëopozitës. Gjuha joparlamentare dhe fyese, që përfshinë fjalë “lehni”, “rraca e këtyre”, “ta tregoj unë ty”, “gënjeshtar”, etj., gjatë fjalës për kalendarin dhe programin, është shkelje disiplinore sipas nenit 65/1, pika 1, shkronja “a”, ku specifikohet se: “1.
    Masa disiplinore
    “Përjashtim nga pjesëmarrja në komisione dhelose në seancë plenare deri në 10 ditë” i jepet deputetit: a) kur edhe pas tërheqjes së vëmendjes dhe dhënies së vërejtjes nga drejtuesi i seancës/mbledhjes, bën thirrje për përdorim dhune, pengon zhvillimin e rregullt të seancës plenare/ mbledhjes së komisionit, shkakton kaos në seancë plenare/ GRUPI PARLAMENTAR I PARTISË DEMOKRATIKE – KUVENDI I SHQIPËRISË komision, fyen, kërcënon ose dhunon deputetët e tjerë, drejtuesin e seancës, anëtarët e Këshillit të Ministrave, të ftuarit ose persona të tjerë, apo përdor fjalë fyese për Presidentin e Republikës, Kryeministrin ose institucione të tjera shtetërore”.
    Kjo sjellje e deputetit Taulant Balla është e përsëritur seancë pas seance, dhe mbetet në cdo rast i pa ndëshkuar. Fyerja dhe kërcënimi ndaj deputetëve të opozitës është papranueshëm dhe duhet të shoqërohet me masën disiplinore përjashtimin me 10 ditë nga seanca plenare dhe komisionet parlamentare.
    Prova për përdorimin e gjuhës jo parlamentare, fyese dhe kërcënuese, gjenden në faqen zyratre të Kuvendit, në facebook, gjatë fjalës së deputetit Taulant Balla, lidhur me programin dhe kalendarin e punimeve të Kuvendit. Për të gjitha sa më lart, në mbështetje të nenit 65/1, pika 1, shkronja “a”, kërkojmë: Mbledhjen e Sekretariatit për Procedurat, Votimet dhe Etikën për shqyrtimin brenda afatit të kësaj kërkese. Marrjen e masës disiplinore Përjashtim nga pjesëmarrja në komisione dhe/ose në seancë plenare për 10 ditë” ndaj deputetit Taulant Balla.
     

    Top Channel

  • Aida Hajnaj padi në Gjykatën Administrative, kërkon pezullimin e garës së policisë për drejtorë departamentesh

    Aida Hajnaj padi në Gjykatën Administrative, kërkon pezullimin e garës së policisë për drejtorë departamentesh

    Aida Hajnaj ka bërë padi në Gjykatën Administrative të Tiranë, me këtë të fundit që ka caktuar ditën e martë si seancë të parë.

    Ajo kërkon të pezullohet konkursi për drejtorin e departamentesh deri sa Gjykata të japë vendimin sipas asaj që raporton për Top Channel gazetarja Anila Hoxha.
    Ajo kërkon të kthehet si zv.drejtoreshë e përgjithshme e policisë, ose siç e parashikon ligji, drejtoreshë departamenti, gjë të cilën nuk ia kanë bërë.
    Hajnaj ka qenë drejtore e BKH-së deri më 1 shtator të këtij viti. Pasi i mbaroi mandati, ajo nuk është lejuar të kthehet në detyrë, por ndërkohë policia ka hapur garën për drejtorë departamentesh.

    Top Channel

  • Opozita kërkoi pezullimin e Taulant Ballës nga Kuvendi, reagon deputeti socialist: Revolucion etik kur kërkesa vjen prej tyre

    Opozita kërkoi pezullimin e Taulant Ballës nga Kuvendi, reagon deputeti socialist: Revolucion etik kur kërkesa vjen prej tyre

    Kreu i Grupit Parlamentar të Partisë Socialiste Taulant Balla ka reaguar pas depozitimit të kërkesës së Grupit Parlamentar të PD për përjashtimin me 10 ditë nga punimet e Kuvendit pasi sipas tyre Balla ka përdorur gjuhë fyese dhe kërcënuese ndaj deputetëve të opozitës.

    Përmes një postimi në Facebook, Balla deklaron se “Grupi Parlamentar i PD paska kërkuar të verifikohet nëse shprehja “ne nuk lehim” është metaforë apo sarkazmë”.
    “Grupi Parlamentar i PD😂 paska kërkuar të verifikohet nëse shprehja “ne nuk lehim” është metaforë apo sarkazmë. Ky qenka revolucion etik, kur kërkesa vjen prej tyre. Lajm i mirë! Megjithatë për sqarim përgjigjia është tek shprehja popullore: “qentë le të lehin, karvani shkon përpara”, shkruan Balla.

    Top Channel

  • Polici anglez nuhati erën e kanabisit, i zbuloi 500 rrënjë “jeshile” shqiptarit, dënohet me 1 vit burg

    Polici anglez nuhati erën e kanabisit, i zbuloi 500 rrënjë “jeshile” shqiptarit, dënohet me 1 vit burg

    Një 34-vjeçar shqiptar është arrestuar në Stockbrook të Angli pasi oficerët e policisë e kapën dukë kultivuar 500 bimë kanabis në një ndërtesë industriale të braktisur.

    Pas ankesës së disa banorëve në Lynton Street, Stockbrook oficerët e policisë së Derbyshire shkuan më 11 gusht dhe vunë re një erë të fortë.
    Sipas Derbyshire Police të cilës i referohet Top Channel, me të hyrë brenda në ndërtesë, oficerët zbuluan se rreth 500 bimë kanabisi po kultivoheshin në disa dhoma.
    Në ndërtesë u gjetën një strukturë të sofistikuar si dhe pajisje kultivimi për kanabisin, drita dhe një dhomë tharjeje.
    Oficerët zbuluan gjithashtu disa dhoma banimi që përfshinin një dhomë gjumi, kuzhinë dhe banjo.
    Gjatë kontrollit të tyre, oficerët kapën në flagrancë një burrë të fshehur në një bosht ashensori.
    Bardhul Xhyra u arrestua dhe u akuzua për kultivim kanabisi dhe hyrje ilegale në Mbretërinë e Bashkuar në shkelje të një urdhri dëbimi që ishte dhënë më parë për të.
    34-vjeçar shqiptari, i cili jetonte në fabrikën e braktisur, u deklarua fajtor për të dyja veprat penale dhe u dënua me një vit burg në Gjykatën e Kurorës Derby të hënën, më 29 shtator.
    Ai gjithashtu do të dëbohet nga Mbretëria e Bashkuuar sapo të lirohet nga burgu.
    “Kishim ankesa të shumta për erën e fortë të kanabisit që po u shkaktonte dhimbje koke njerëzve, dhe oficerët gjithashtu vunë re se era ishte e fortë kur mbërritën në vendngjarje” , tha rreshteri Neil Dutton.
    “Kanabisi që rritet në këtë mënyrë është jashtëzakonisht i rrezikshëm. Ato shpesh kanë instalime elektrike të dobëta, të cilat janë të prirura të shkaktojnë zjarre”, shtoi ai.
    “Ky rast tregon sa e rëndësishme është që anëtarët e publikut të na japin informacion. Ne vepruam mbi informacionin e banorëve dhe arritëm të ndërpresim furnizimin me drogë në qytet dhe të largojmë Bardhul Xhyrën nga rrugët tona”, përfundoi rreshteri.

     

    Top Channel

  • “Fjalimet tona do t’i mbajmë para ndërtesës së Qeverisë”, Berisha: Shumë shpejt protesta e parë kombëtare

    “Fjalimet tona do t’i mbajmë para ndërtesës së Qeverisë”, Berisha: Shumë shpejt protesta e parë kombëtare

    “Çka do të thotë shkelmim i Kushtetutës, rregullores së parlamentit, rendit kushtetues të vendit. Çka do të thotë mohim i të drejtave të opozitës.
    Plas çdo skandal, jo tanimë kryeministri, por as ministrat nuk paraqiten në interpelancë. Në këto kushte do i sugjeroj grupit parlamentar dhe partisë që opozita të hapë platformën parlamentare para ndërtesës së Këshillit të Ministrave dhe aty deputetët e opozitës, qytetarët, të paraqesin në fjalimet e tyre të gjitha mendimet, propozimet, denoncimet.
    Pas 9 seancash, opozita është lejuar të debatojë vetëm një ditë në parlament. Atëherë ne kalojmë në debat me qytetarët.Kjo përbën një hap të domosdoshëm për t’iu përgjigjur represionit në parlament të opozitës, të pluralizmit, shkelmimit të ligjeve, të Kushtetutës, në funksionimin e këtij institucioni.
    Kjo nuk do të thotë bojkot i parlamentit, jo. Por kjo do të thotë se opozita do zhvillojë betejë edhe brenda parlamentit. Ajo ka të gjithë potencialin, të gjithë trashëgiminë dhe kësaj dhune të pandërprerë, kësaj mbyllje goje të opozitës në parlament, ajo do i përgjigjet me mjete adekuate, si në komisione, ashtu edhe në sallën e parlamentit. Së pari.
    Së dyti, kjo është opozita e votës së dhunuar. Kjo është mazhoranca e zgjedhjeve të vjedhura. Protestat kombëtare janë tejet të vonuara dhe së shpejti do komunikojnë para jush protestën e parë kombëtare dhe pastaj në vazhdim, ku ftojmë të gjithë ata qytetarë që janë të gatshëm të luftojnë për votën e lirë kundër një regjimi që e ka konfiskuar atë, e ka vjedhur atë”, tha Berisha.
     

    Top Channel

  • Kërkesa e PS për përjashtimin e Berishës, reagon Gjekmarkaj: Akt politik i turpshëm, maxhoranca e ka humbur çdo masë dinjiteti

    Kërkesa e PS për përjashtimin e Berishës, reagon Gjekmarkaj: Akt politik i turpshëm, maxhoranca e ka humbur çdo masë dinjiteti

    Kërkesën e PS-së për të përjashtuar për 30 ditë nga punimet e Kuvendit, Sali Berishën, nënkryetari demokrat i Kuvendit, Agron Gjekmarkaj e quan një akt politik të turpshëm dhe demonstrim servilizmi ndaj pushtetit absolut.

    Në një deklaratë për mediat ai thotë se abuzimi i socialistëve në Kuvend me pushtetin ka arritur kulmin.
    “Propozimi për të mbajtur liderin e opozitës, Sali Berishën, jashtë Kuvendit, është një akt politik i turpshëm dhe një demonstrim servilizmi ndaj pushtetit absolut për të spostuar vëmendjen nga turpet qe i kanë vënë për fund! Kjo është shfaqja më e pastër e një mazhorance që ka humbur çdo ndjenjë mase e dinjiteti”, tha Gjekmarkaj.
    Sipas tij sot Parlamenti është marrë peng. Fjala e lirë është në sulm, dhe e vërteta përndiqet si armike. Por duhet ta dinë mirë: zëri i opozitës nuk do të shuhet, dhe Sali Berisha do të mbetet simboli i qëndresës, i së vërtetës dhe i rrugës europiane të Shqipërisë. Shqipëria nuk do të kthehet më në errësirë. Demokracia do të rikthehet, dhe e ardhmja e këtij vendi është vetëm një: Shqiptaret do te reagojnë!  Shqipëria si gjithë Europa por atë nuk e bëjnë dot mbeturina bolshevike e bëjnë qytetaret e këtij vendi.

    Top Channel