Tabaku: Mazhoranca imponon emërime me ‘forcën e kartonëve’, goditet pavarësia e institucioneve

Deputetja e Partia Demokratike e Shqipërisë, Jorida Tabaku, ka reaguar ashpër ndaj mënyrës së emërimit të Genta Bungo Tafa si Komisionere kundër Diskriminimit, duke akuzuar mazhorancën për shkelje të standardeve demokratike dhe kapje të institucioneve të pavarura. Në postimin e saj në “Facebook”, Tabaku thekson se vendimi i marrë pas një mbledhjeje të dytë të thirrur nga shumica në Kuvendi i Shqipërisë përbën një precedent të rrezikshëm, ku dialogu zëvendësohet nga imponimi dhe opozita anashkalohet, në kundërshtim me parimet e theksuara edhe nga Parlamenti Europian për funksionimin demokratik. “Pas përfundimit të mbledhjes së rregullt të Komisionit, mazhoranca thirri një tjetër mbledhje, duke përdorur forcën e numrave për të imponuar emërimin e Genta Bungo Tafës si Komisionere kundër Diskriminimit. Së pari, institucionet e pavarura nuk janë...