Dita e sotme me diell në të gjithë territorin, rriten lehtë temperaturat

Ditën e sotme (24 prill) vendi ynë do të ndikohet nga kushte atmosferike të qëndrueshme. Moti parashikohet fillimisht me alternime vranësirash si dhe kthjellime në pjesën më të madhe të vendit. Era do të fryjë me drejtim kryesor verilindje-veriperëndim me shpejtësi 8m/s, ndërsa në lugina dhe bregdet hera-herës do të arrijë shpejtësi deri 16m/s. Deti do të jetë me valëzim në detet Adriatik dhe Jon i forcës 2-4 ballë. Temperaturat mininale do të regjistrohen në vlerën 5 gradë celcius, ndërsa ato maksimale në vlerën 21 gradë celcius.