Ra nga skela gjatë rikonstruksionit të një banese, humb jetën 50-vjeçari në Berat

February 12, 2026 February 12, 2026 Një aksident me pasojë vdekjen ka ndodhur paraditen e sotme në qytetin e Beratit. Rreth orës 11:00, në lagjen Uznovë, dyshohet se gjatë punimeve për rikonstruksionin e një banese, ka rënë aksidentalisht nga skela shtetasi P. M., 50 vjeç. Si pasojë e dëmtimeve të marra nga rrëzimi, 50-vjeçari ka humbur jetën. Në vendngjarje ndodhet grupi hetimor, i cili po punon për sqarimin e plotë të rrethanave dhe dokumentimin e shkakut të ngjarjes.