Vula e “The Telegraph” për turizmin shqiptar, Rama: Vlerësim i rëndësishëm ndërkombëtar

Kryeministri Edi Rama ka ndarë me ndjekësit e tij në rrjetet sociale një tjetër lajm pozitiv për turizmin shqiptar, duke vënë në dukje vlerësimin më të fundit nga prestigjiozja britanike “The Telegraph”. Përmes një postimi të shoqëruar me imazhe mbresëlënëse nga zonat turistike dhe qytetet historike të vendit, kreu i qeverisë ka nënvizuar se Shqipëria po konsolidohet me shpejtësi në hartën ndërkombëtare si një destinacion që ndërthur në mënyrë perfekte bukuritë natyrore me koston e përballueshme. Media britanike e rendit Shqipërinë ndër vendet më tërheqëse të Europës, duke vlerësuar jo vetëm peizazhet e virgjëra nga brigjet e Jonit e Adriatikut deri te Alpet madhështore, por edhe mikpritjen karakteristike shqiptare dhe çmimet tejet konkurruese që ofrohen për vizitorët e huaj. Sipas Ramës, ky vlerësim dëshmon se...