U përjashtua për 30 ditë nga Kuvendi, Noka: Dha urdhër Gysi, nuk e njohim vendimin

Deputeti i PD, Flamur Noka, tha se deputetët e përjashtuar të opozitës nuk e njohin vendimin e marrë nga Sekretariati i Etikës për përjashtimin e tyre për një muaj nga punimet e Kuvendit. “Gysi urdhëron. Dhe ne e dimë, flet me Kapon ai. Ndan edhe urdhrat se kush do të dënohet dhe sa do të dënohet. E patë si shkojnë në rresht tek ai dhe marrin urdhra. Për ne nuk ka shqetësim, por ne kemi për detyrë që t’u themi shqiptarëve si është”, tha Noka për mediat. “Detyra jonë është t’u hapim shqiptarëve një qeveri teknike, me njerëz të ndershëm që punojnë për qytetarët dhe jo që i vjedhin ata. Ne zbatojmë ligjin dhe Kushtetutën, por masat dhe propozimet e Gysit ne nuk i njohim”....