Rama inspekton Parkun e Liqenit të Paskuqanit: Aset i paçmueshëm që i jepet kryeqytetit nga Kamëza

January 19, 2026 January 19, 2026 Kryeministri Edi Rama inspektoi Parkun e Liqenit të Paskuqanit, një hapësirë prej 84 hektarësh dhe me një infrastrukturë që përfshin pedonalen e re 5.2 km, amfiteatrin, molin, kënde lojërash, korsi biçikletash, e fusha sportive.f Rama e cilësoi parkun e Liqenit të Paskuqanit si një aset të paçmueshëm që i jepet kryeqytetit nga Kamëza. “Vazhdon puna intensive për një transformim që nuk ndalet. Një aset i gjelbër, i paçmueshëm i jepet kryeqytetit nga Kamëza. Kur sheh këtë transformim të vjen keq se si goditën dhe u zhvlerësuan në të kaluarën asete po kaq të vlefshme sa Liqeni i Farkës, apo Liqeni i Thatë. Mësojmë nga Kamëza dhe ecim me shembullin e Kamëzës“, tha ndër të tjera Rama. Top Channel