Futet në fuqi Bordi i Transparencës për çmimet e naftës, pritet të mblidhet këtë javë për të caktuar çmimet tavan

Nga sot futet në fuqi Bordi i Transparencës për të caktuar çmimet tavan për naftën, pas rritjes që pësuan çmimet pas luftës në Lindjen e Mesme. Vendimi është marrë më firmë të kryeministrit Edi Rama dhe kompanitë kanë afat deri më datë 24 mars që të dorëzojnë pranë Ministrit përgjegjës për Ekonominë përfaqësuesit e tyre në përbërje të këtij bordi. Situata e veçantë dhe prezenca e bordit do të jenë në fuqi pa afat. Bordi pritet të mblidhet brenda kësaj jave për të caktuar çmimet tavan.