“Fëmijët 14–15 vjeç përdoren si shënjestër nga pushteti”, Balliu paralajmëron: Këto skema mafioze nuk do të pranohen

Klevis Balliu, deputet i Partisë Demokratike, në një deklaratë për mediat nga komisariati numër një i Pezës në kryeqytet lidhur me ngjarjet e protestës së mbrëmjes së djeshme ka bërë akuza të rënda ndaj policisë, duke i cilësuar veprimet e saj si një skemë mafioze, që përfshin përdorimin e të miturve si shënjestër. Deputeti theksoi se, dy të mitur, njëri 14 dhe tjetri 15 vjeç, gjatë protestës janë përfshirë në një skemë të orkestruar nga individë të lidhur me pushtetin. Ai ka theksuar se kjo është një skemë kriminale e ngritur nga narko-policia, e cila, sipas tij, është e lidhur ngushtë me Ilir Prodën, Edi Ramën dhe Ergys Agasin. Balliu denoncoi dhunën policore ndaj protestuesve, duke përmendur edhe rastin e Vilsonit, i cili, sipas tij,...