Çfarë po bën Shqipëria përballë rritjes së çmimeve? Teliti: Qeveria vetëm konstaton, vendet e tjera po marrin masa

Eksperti i ekonomisë Dorian Teliti ngre shqetësime mbi mungesën e reagimit të qeverisë shqiptare përballë krizës së pritshme ekonomike, duke theksuar se vendi rrezikon të përballet me pasoja të rënda, sidomos në kushtet e konfliktit në Iran.  Në një intervistë për SYRI TV, me moderatorin Edvin Parruca, Teliti kritikoi qasjen pasive të institucioneve, duke theksuar se ndryshe nga vendet e tjera europiane dhe të rajonit, Shqipëria vijon të mos marrë masa konkrete për mbrojtjen e qytetarëve dhe bizneseve. Dorian Teliti: Faleminderit që trajtojmë një temë kaq sensitive, e cila duhet të marrë gjithnjë e më shumë vëmendje, pikërisht për faktin sepse dhe ne do të jemi pjesë e atyre vendeve të cilët do të prekemi, do të kemi efekte negative si pasojë e konfliktit që...