Përfshihet nga flakët banesa në Elbasan, shpëtojnë mrekullisht tre persona

January 4, 2026 January 4, 2026 Përfshihet nga flakët një shtëpi në fshatin Murras, Elbasan. Dyshohet se banesa ka marrë flakë si pasojë e një shkëndije elektrike. Nuk ka të lënduar, pasi tre personat që banonin në shtëpi kanë arritur të dalin në kohë. Ndërhyrja e shërbimeve zjarrfikëse ka qenë e vështirë, për shkak të largësisë së rrugës drejt fshatit, çka ka vonuar mbërritjen e ekipeve në vendngjarje. Si pasojë, banesa është shkrumbuar plotësisht. Ky është rasti i tretë brenda dy ditësh. Ditën e djeshme, dy shtëpi u dogjën në qytet. Top Channel