Nuk kanë të ndalur skandalet! Çahet edhe rruga Boboshticë-Dardhë, kufizohet qarkullimi

Prej mëngjesit të kësaj të marte, në segmentin rrugor Boboshticë–Dardhë është evidentuar një çarje anësore në trupin e rrugës, duke kufizuar qarkullimin e automjeteve vetëm në një korsi. Sipas informacioneve paraprake, dëmtimi është shfaqur në një pjesë të segmentit që lidh Korçën me fshatin turistik të Dardhës, një nga akset më të rëndësishme për lëvizjen e banorëve dhe vizitorëve, veçanërisht gjatë sezonit turistik dhe fundjavave. Autoriteti Rrugor ka mbërritur në terren për të vlerësuar gjendjen dhe për të përcaktuar masat e nevojshme për stabilizimin e segmentit. Ndërkohë, në zonë është vendosur sinjalistikë kufizuese për të orientuar drejtuesit e mjeteve dhe për të shmangur rrezikun e aksidenteve. Kjo situatë vjen në vijim të disa problematikave të raportuara në rrugët e juglindjes së vendit, ku rrëshqitjet e...