“Ndryshim sistemi”/ Protesta antiqeveritare në ditën e 75-të, qytetarët te Piramida

Marshimi i protestuesve në kryeqytet po vijon te zona e Piramidës, ku qytetarët kanë intensifikuar thirrjet kundër qeverisë. “Ndryshim sistemi”, “Revolucion” dhe “Dorëheqje”, “Shqipëria e rinisë”, janë disa nga sloganet që dëgjohen gjatë marshimit, ndërsa protestuesit vijojnë të ecin në grup në rrugët e Tiranës. Protesta, e cila ka hyrë në ditën e saj të 75-të, vazhdon me kërkesën për dorëheqjen e kryeministrit Edi Rama dhe të qeverisë, si edhe për krijimin e një qeverie tranzitore që, sipas organizatorëve, do të mundësonte zhvillimin e zgjedhjeve të lira dhe të ndershme.