Miratohen mes debateve ndryshimet në Kodin Penal, forcohet mbrojtja penale për gazetarët dhe falet pjesërisht…

Me 85 vota pro dhe 9 kundër, Kuvendi i dha dritën jeshile mes debatesh disa ndryshimeve në Kodin Penal aktual, ndërsa Kodi i ri Penal është ende në proces konsultimi. Konkretisht Kuvendi i Shqipërisë ka miratuar ndryshime të rëndësishme në Kodin Penal që lidhen drejtpërdrejt me mbrojtjen e gazetarëve dhe ushtrimin e lirisë së medias, duke forcuar sigurinë fizike të tyre dhe duke vendosur garanci të reja ligjore në çështjet e shpifjes. Ndryshimet e votuara përfshijnë tre nene kyçe që prekin raportin mes shtetit, drejtësisë penale dhe medias: goditjet për shkak të detyrës, kanosjen për shkak të detyrës dhe përgjegjësinë penale për shpifjen. Dhuna ndaj gazetarëve, vepër penale e rënduar Sipas ndryshimeve në nenin 237 të Kodit Penal, dhuna fizike ndaj një gazetari për shkak...