GJKKO pushon hetimet për Rrumbullakun: S’ka prova që vërtetojnë akuzën e shpërdorimit të detyrës

January 23, 2026 January 23, 2026 GJKKO ka pushuar hetimet ndaj ish-grejtorit të Përgjithshëm të Policisë së Shtetit, Muhamet Rrumbullaku, ndaj të cilit më herët ishin ngritur akuza për shpërdorim detyre, lidhur me disa transferime të konsideruara të padrejta të oficerëve të Policisë. SPAK kërkoi pushimin e çështjes, kërkesë që u pranua nga gjykata pas verifikimit të lëvizjeve që Rrumbullaku kishte bërë e për të cilat dyshohej se ishin realizuar jo konform ligjit. SPAK tha se ndaj Rrumbullakut nuk u gjet asnjë element i shpërdorimit të detyrës, pas kallëzimit të bërë ndaj tij. Bëhet fjalë për 20 transferime në radhët e uniformave blu që disa pretenduan se ishin të paligjshme.