Dëme të mëdha nga zjarri në Priskë, një shtëpi e djegur dhe familje të evakuuara, shkrumbohen pyje dhe ullishte

Zjarri që prej ditësh vijon të jetë aktiv në zonën e Priskës së Madhe ka marrë përmasa më të mëdha dhe është përhapur edhe në drejtim të Lundrës, Farkës së Madhe dhe Gurrës, duke rritur ndjeshëm rrezikun për banorët dhe pronat e tyre. lakët kanë përfshirë sipërfaqe të konsiderueshme me bimësi dhe ullishte, ndërsa situata paraqitet problematike për shkak të përhapjes së vatrave. Raportohet se është djegur edhe një shtepi e pabanuar, ndërsa tre familje janë evakuar për arsye sigurie. Sipas banorëve të zonës, dhjetëra bagëti kanë mbetur të bllokuara në zonat pyjore të përfshira nga flakët dhe dyshohet se një pjesë e tyre mund të kenë ngordhur. Gjithashtu, në zonë shquhet edhe një makinë e djegur plotësisht, teksa nuk dihet nëse ka qenë e...