Zgjedhjet në Serbi, analiza e “Deutsche Welle”: A e pret Vuçiçin fati i Millosheviçit?

Nuk është çudi që kthesa demokratike e Serbisë para 26 vitesh mbeti një plagë e hapur për njeriun e fortë të Serbisë sot. Aq më tepër sepse Vuçiçi tani mund të përballet me një situatë të ngjashme me atë të Millosheviçit. Së fundmi ai dha dorëheqjen nga posti i presidentit. Në zgjedhjet e 25 tetorit synon të zgjidhet kryeministër si kandidati kryesor i Partisë Përparimtare Serbe. “Këto zgjedhje janë një referendum”, thotë politologu dhe studiuesi i opinionit publik, Dushan Lj. Milenkoviç. “Për Serbinë ekzistojnë vetëm dy rrugë në dekadat e ardhshme: ose çlirimi nga sundimi autokratik i Aleksandar Vuçiçit, ose dekada të tëra nën represion dhe diktaturë.” Studentët si forcë e re Këtë herë sfida për Vuçiçin nuk vjen nga një opozitë demokratike e bashkuar....