“The Lost Ones of Santa Chionia”, një rrëfim letrar për kujtesën që nuk shuhet

Shkrimtarja amerikane Juliet Grames rikthen lexuesit në një fshat të izoluar të Kalabrisë, ku një zbulim i pazakontë nxjerr në pah histori të zhdukjes së emigrantëve, konflikte familjare dhe struktura të rrënjosura patriarkale. Romani i saj i ri, “The Lost Ones of Santa Chionia”, i botuar në vitin 2026 nga shtëpia botuese Folio Verlag, ndërton një histori që ndërthur misterin, krimin dhe kujtesën e emigracionit, duke sjellë një panoramë të shoqërisë rurale italiane të viteve ’60. Ngjarjet zhvillohen në Santa Chionia, një fshat i vogël malor në vargmalin Aspromonte, ku 27-vjeçarja Francesca Loftfield, e ardhur nga Filadelfia, mbërrin me synimin për të hapur një kopsht për fëmijë. Me prejardhje kalabreze, ajo shpreson që përmes këtij angazhimi të krijojë një lidhje me vendin e të parëve...