Lajmidites.com

Tag: venezuelës

  • Përshkallëzohen më shumë tensionet në Karaibe, avionët luftarakë amerikanë fluturojnë mbi Venezuelë

    Përshkallëzohen më shumë tensionet në Karaibe, avionët luftarakë amerikanë fluturojnë mbi Venezuelë

    Dy avionë luftarakë amerikanë u panë duke fluturuar në rrathë mbi Gjirin e Venezuelës të martën, ndërsa tensionet midis dy vendeve vazhdojnë të përshkallëzohen.
    Avionët F/A-18 Super Hornets u shfaqën në faqet e internetit të gjurmimit të fluturimeve pranë Maracaibos, qytetit të dytë më të madh të Venezuelës, rreth orës 13:00, përpara se të qarkullonin rreth Gjirit për rreth 40 minuta.
    Një zyrtar i mbrojtjes amerikane i tha Associated Press se avionët luftarakë po kryenin një “fluturim rutinë stërvitor” në zonë.

    Incidenti vjen në një kohë kur SHBA-të kanë kryer një seri sulmesh ndaj anijeve në Detin e Karaibeve, të cilat Shtëpia e Bardhë thotë se po transportonin drogë në SHBA nga Venezuela. Megjithatë, ekspertët kanë ngritur shqetësime në lidhje me ligjshmërinë e këtyre operacioneve, të cilat kanë vrarë më shumë se 80 persona, shkruan BBC.
    Presidenti i Venezuelës, Nicolas Maduro, ka akuzuar Shtetet e Bashkuara se po përdorin sulmet në Karaibe për të destabilizuar vendin dhe për ta rrëzuar atë nga pushteti.

  • Trump: Kemi sekuestruar një tanker nafte pranë Venezuelës

    Trump: Kemi sekuestruar një tanker nafte pranë Venezuelës

    Shtetet e Bashkuara kanë sekuestruar një tanker nafte pranë brigjeve të Venezuelës. Këtë e tha Donald Trump gjatë një aktiviteti në Shtëpinë e Bardhë, duke shtuar se detaje të tjera do të komunikohen më vonë.
    Sipas informacione të para, bëhet fjalë për një tanker të sanksionuar nga Uashingtoni në kuadër të masave ndëshkuese kundër Karakasit.
    “Siç ndoshta e dini, sapo kemi sekuestruar një tanker nafte pranë brigjeve të Venezuelës. Një tanker shumë të madh, shumë të madh, në fakt më të madhin që është sekuestruar ndonjëherë”, tha presidenti amerikan. Trump nuk dha shpjegime për arsyet e këtij veprimi, i cili pritet të rrisë tensionet me Karakasin. “Dhe po ndodhin gjëra të tjera, do t’i shihni më vonë”, përfundoi presidenti.

    Prej kohësh Uashingtoni ka vënë në shënjestër regjimin e Nicolás Maduro-s, fillimisht duke fundosur mjete lundruese të dyshuara se i përkisnin trafikantëve të drogës, e më pas duke dërguar një flotë të fuqishme detare (përfshirë aeroplanmbajtësen Gerald Ford) përpara brigjeve të Venezuelës.

  • Sekuestrimi i cisternës me naftë në bregdetin e Venezuelës, Trump: Më e madhja që kemi bllokuar ndonjëherë

    Sekuestrimi i cisternës me naftë në bregdetin e Venezuelës, Trump: Më e madhja që kemi bllokuar ndonjëherë

    Cisterna e sekuestruar në bregdetin e Venezuelës është më e madha e kapur ndonjëherë’ u tha presidenti I Shteteve të Bashkuara të Amerikës, Donald Trump gazetarëve gjatë një aktiviteti në Shtëpinë e Bardhë.

    I pyetur se çfarë do të ndodhë me naftën në cisternën e sekuestruar, Trump u përgjigj: “Epo, ne e mbajmë”Më vonë shtoi: “Supozohet që do ta mbajmë naftën.”

    Qeveria venezueliane ende nuk ka komentuar.

    Ngjarja vjen ndërsa SHBA ka shtuar praninë e saj ushtarake në rajon gjatë javëve të fundit, në një operacion që sipas Uashingtonit synon luftimin e trafikut të drogës.

    Ndërkohë, qeveria e Venezuelës thotë se beson që SHBA po përpiqet të rrëzojë nga pushteti presidentin Nicolás Maduro.

    Cilat janë marrëdhëniet e Venezuelës me SHBA-në?

    Gjatë muajve të fundit, Trump ka rritur presionin ndaj presidentit venezuelian Nicolás Maduro.

    Ulja e emigracionit ka qenë një nga prioritetet e Trump, i cili fajëson Maduron për mbërritjen e qindra mijëra migrantëve venezuelianë në SHBA. 

    Trump është fokusuar gjithashtu në frenimin e hyrjes së drogës së paligjshme – veçanërisht fentanylit dhe kokainës – në territorin amerikan.

    Administrata e tij ka vendosur 15,000 trupa, si dhe aeroplanmbajtëse, luftanije me raketa të drejtuara dhe anije sulmi amfib në Detin e Karaibeve, duke argumentuar se po përballet me një konflikt të armatosur jo ndërkombëtar me trafikantë të dyshuar droge.

    Që nga fillimi i shtatorit, forcat amerikane kanë kryer më shumë se 20 goditje në ujërat ndërkombëtare ndaj skafeve që dyshohej se transportonin drogë, duke vrarë mbi 80 persona dhe duke i cilësuar ata si “narko-terroristë”. Por ekspertë juridikë kanë deklaruar se këto sulme janë të paligjshme.

    Trump ka shpallur gjithashtu dy grupe kriminale venezueliane – Tren de Aragua dhe Cartel de los Soles – si Organizatë të Huaja Terroriste, duke pretenduar se këtë të fundit e drejton vetë Maduro.

    Maduro e ka mohuar që drejton ndonjë kartel dhe ka akuzuar SHBA-në se po përdor “luftën kundër drogës” si justifikim për ta rrëzuar nga pushteti dhe për të vënë dorë mbi rezervat e mëdha të naftës së Venezuelës.

  • Tensionet mes SHBA-ve dhe Venezuelës, Trump: Kemi sekuestruar një anije nafte venezueliane

    Tensionet mes SHBA-ve dhe Venezuelës, Trump: Kemi sekuestruar një anije nafte venezueliane

    Presidenti Donald Trump konfirmoi sot se SHBA-të kanë konfiskuar një anije cisternë nafte në brigjet e Venezuelës.

    “Siç ndoshta e dini, ne sapo kemi sekuestruar një anije cisternë në brigjet e Venezuelës”, tha Trump. “Një anije cisternë e madhe, shumë e madhe, më e madhja e sekuestruar ndonjëherë, në fakt”, shkruan presidenti.
    Presidenti nuk ofroi ndonjë shpjegim të menjëhershëm për këtë veprim, i cili ka të ngjarë të përshkallëzojë më tej tensionet me kombin e Amerikës së Jugut dhe presidentin Maduro.

    Top Channel

  • Avionë luftarakë amerikanë i afrohen hapësirës ajrore të Venezuelës

    Avionë luftarakë amerikanë i afrohen hapësirës ajrore të Venezuelës

    Faqet publike të ndjekjes së fluturimeve treguan se dy avionë luftarakë amerikanë F/A-18 iu afruan hapësirës ajrore të Venezuelës rreth mesditës të martën, duke kryer një fluturim të zgjatur mbi Gjirin e Venezuelës teksa Washingtoni po shton presionin ndaj presidentit Nicolas Maduro.
    Të dhënat nga faqe si “Flightradar24” treguan se avionët kaluan ngushticën e gjirit dhe kryen më shumë se gjysmë ore manovra mbi Gjirin e Venezuelës, duke tërhequr vëmendje të madhe publike, pasi mijëra njerëz ndoqën në kohë reale pozicionin e tyre online.
    Një zyrtar i mbrojtjes i SHBA-së e konfirmoi misionin, duke thënë se Departamenti i Mbrojtjes “kryen operacione rutinë dhe të ligjshme në hapësirën ajrore ndërkombëtare, përfshirë edhe mbi Gjirin e Venezuelës”.
    “Ne do të vazhdojmë të fluturojmë në mënyrë të sigurt, profesionale dhe në përputhje me ligjin ndërkombëtar për të mbrojtur atdheun, për të monitoruar aktivitetet e paligjshme dhe për të mbështetur stabilitetin në gjithë Amerikën”, tha një zyrtar, duke folur nën kushte anonimiteti.
    Ky hap erdhi në mes të një përshkallëzimi të theksuar të tensioneve ushtarake dhe operacioneve amerikane që synojnë Venezuelën. Tensionet u rritën të shtunën e kaluar, pasi presidenti amerikan Donald Trump njoftoi se hapësira ajrore mbi dhe rreth Venezuelës do të konsiderohet e mbyllur në tërësi.
    SHBA-ja ka kryer të paktën 22 sulme si në Detin e Karaibeve, ashtu edhe në Oqeanin Paqësor Lindor ndaj anijeve të dyshuara për transport narkotikësh që nga shtatori, duke vrarë të paktën 87 persona. Javën e kaluar, Trump përsëriti paralajmërimin e tij se së shpejti do të fillojnë goditjet ndaj rrjeteve venezuelase të trafikut të drogës nga toka.
    Ndërsa administrata e Trumpit pretendon se po e shënjestron Venezuelën në kuadër të përpjekjeve për të luftuar trafikun e drogës në rajon, qeveria e Maduros kundërpërgjigjet duke thënë se Washingtoni po kërkon “të përvetësojë rezervat e mëdha të naftës së Venezuelës përmes përdorimit vdekjeprurës të forcës ushtarake”, duke theksuar se përpjekjet kundër drogës janë vetëm justifikime për një tentativë të paligjshme për ta larguar Maduron nga pushteti.

  • Avionë luftarakë amerikanë i afrohen hapësirës ajrore të Venezuelës

    Avionë luftarakë amerikanë i afrohen hapësirës ajrore të Venezuelës

    Faqet publike të ndjekjes së fluturimeve treguan se dy avionë luftarakë amerikanë F/A-18 iu afruan hapësirës ajrore të Venezuelës rreth mesditës të martën, duke kryer një fluturim të zgjatur mbi Gjirin e Venezuelës teksa Washingtoni po shton presionin ndaj presidentit Nicolas Maduro.
    Të dhënat nga faqe si “Flightradar24” treguan se avionët kaluan ngushticën e gjirit dhe kryen më shumë se gjysmë ore manovra mbi Gjirin e Venezuelës, duke tërhequr vëmendje të madhe publike, pasi mijëra njerëz ndoqën në kohë reale pozicionin e tyre online.
    Një zyrtar i mbrojtjes i SHBA-së e konfirmoi misionin, duke thënë se Departamenti i Mbrojtjes “kryen operacione rutinë dhe të ligjshme në hapësirën ajrore ndërkombëtare, përfshirë edhe mbi Gjirin e Venezuelës”.
    “Ne do të vazhdojmë të fluturojmë në mënyrë të sigurt, profesionale dhe në përputhje me ligjin ndërkombëtar për të mbrojtur atdheun, për të monitoruar aktivitetet e paligjshme dhe për të mbështetur stabilitetin në gjithë Amerikën”, tha një zyrtar, duke folur nën kushte anonimiteti.
    Ky hap erdhi në mes të një përshkallëzimi të theksuar të tensioneve ushtarake dhe operacioneve amerikane që synojnë Venezuelën. Tensionet u rritën të shtunën e kaluar, pasi presidenti amerikan Donald Trump njoftoi se hapësira ajrore mbi dhe rreth Venezuelës do të konsiderohet e mbyllur në tërësi.
    SHBA-ja ka kryer të paktën 22 sulme si në Detin e Karaibeve, ashtu edhe në Oqeanin Paqësor Lindor ndaj anijeve të dyshuara për transport narkotikësh që nga shtatori, duke vrarë të paktën 87 persona. Javën e kaluar, Trump përsëriti paralajmërimin e tij se së shpejti do të fillojnë goditjet ndaj rrjeteve venezuelase të trafikut të drogës nga toka.
    Ndërsa administrata e Trumpit pretendon se po e shënjestron Venezuelën në kuadër të përpjekjeve për të luftuar trafikun e drogës në rajon, qeveria e Maduros kundërpërgjigjet duke thënë se Washingtoni po kërkon “të përvetësojë rezervat e mëdha të naftës së Venezuelës përmes përdorimit vdekjeprurës të forcës ushtarake”, duke theksuar se përpjekjet kundër drogës janë vetëm justifikime për një tentativë të paligjshme për ta larguar Maduron nga pushteti.

  • Erdogan i kërkon Maduros të vazhdojë dialogun me SHBA-në mes tensioneve rajonale

    Erdogan i kërkon Maduros të vazhdojë dialogun me SHBA-në mes tensioneve rajonale

    Bota E Diel, 7 Dhjetor 2025 16:54
    Presidenti turk, Rexhep Tajip Erdogan, ka zhvilluar një bisedë telefonike me homologun e tij venezuelian, Nicolas Maduro, duke e nxitur atë të vazhdojë dialogun me Shtetet e Bashkuara të Amerikës. Kjo thirrje vjen në një periudhë tensionesh të shtuara mes Uashingtonit dhe Karakasit.
    Sipas Presidencës turke, Erdogan theksoi rëndësinë e mbajtjes së hapur të kanaleve të komunikimit mes SHBA-së dhe Venezuelës, duke shprehur shpresën për uljen e shpejtë të tensioneve. Ai shtoi se Ankaraja po monitoron zhvillimet rajonale dhe beson se problemet mund të zgjidhen vetëm përmes dialogut.

    Autoritetet venezueliane raportuan se Erdogan shprehu shqetësim të thellë për kërcënimet ndaj Venezuelës, veçanërisht për dislokimin e forcave ushtarake dhe veprimet që synojnë prishjen e paqes dhe sigurisë në Karaibe. Maduro, nga ana e tij, detajoi natyrën “e paligjshme, të tepruar dhe të panevojshme” të këtyre kërcënimeve, duke theksuar angazhimin e qeverisë së tij për zhvillim ekonomik, paqe dhe stabilitet.

    Gjatë bisedës, dy presidentët diskutuan edhe pezullimin e fluturimeve nga disa linja ajrore ndërkombëtare drejt Venezuelës, pas një njoftimi të administratës amerikane të aviacionit për shkak të rritjes së aktivitetit ushtarak rreth vendit. Ata ranë dakord për rëndësinë e rivendosjes së shpejtë të lidhjes ajrore Karakas–Stamboll–Karakas përmes Turkish Airlines.

    SHBA ka shtuar ndjeshëm presionin ndaj Venezuelës, duke dislokuar forca detaro-ajrore në Karaibe dhe duke kryer sulme ajrore ndaj anijeve të shpejta që, sipas Uashingtonit, transportonin drogë (me 87 të vrarë). Gjithashtu, ka lëshuar paralajmërime për aviacionin civil dhe ka lënë të nënkuptohet mundësia e goditjeve brenda territorit venezuelian. Presidenti amerikan Donald Trump akuzon prej kohësh qeverinë e Venezuelës se drejton një rrjet trafiku droge.
    Karakasi i mohon akuzat, duke theksuar se synimi i vërtetë i SHBA-së është ndryshimi i regjimit për të kontrolluar rezervat e mëdha të naftës. Megjithatë, Maduro njoftoi më herët një bisedë telefonike “të ngrohtë” dhe “respekti” me Presidentin Trump. Turqia ka ruajtur marrëdhënie të mira me Venezuelën, me Erdoganin që vizitoi vendin në 2018 për të mbështetur Maduron, kur SHBA dhe disa qeveri evropiane refuzonin të njihnin rizgjedhjen e tij.

  • Maduro konfirmon marrëveshjen: Venezuela pranon sërish migrantët e deportuar nga SHBA-ja

    Maduro konfirmon marrëveshjen: Venezuela pranon sërish migrantët e deportuar nga SHBA-ja

    Bota E Premte, 5 Dhjetor 2025 15:24
    Presidenti i Venezuelës, Nicolas Maduro, deklaroi se vendi i tij do të vazhdojë të pranojë migrantë të deportuar nga Shtetet e Bashkuara, në kuadër të marrëveshjes së arritur mes dy vendeve në muajin janar.
    Sipas mediave vendase, përfshirë Telesur, një avion me 266 migrantë venezuelas të deportuar nga SHBA-ja ka mbërritur në aeroportin ndërkombëtar “Maiquetía Simón Bolívar”. Në total, numri i personave të rikthyer në Venezuelë gjatë dy ditëve të fundit ka arritur në 525. Maduro njoftoi se një tjetër fluturim pritet të mbërrijë ditën e nesërme dhe se procesi do të vijojë pa ndërprerje.

    Kreu i shtetit venezuelas theksoi se vendi i tij ka pranuar rifillimin e fluturimeve të deportimit pas një kërkese të drejtpërdrejtë nga Uashingtoni, duke shtuar se kishte pasur një pauzë të përkohshme në këtë proces.

    Vendimi i ri për bashkëpunim vjen pavarësisht marrëdhënieve të acaruara mes dy vendeve. SHBA-ja ka intensifikuar praninë ushtarake në Amerikën Latine muajt e fundit, duke dislokuar anije luftarake, avionë luftarakë dhe forca të tjera në rajonin e Karaibeve.

    Ndërkohë, ish-presidenti amerikan Donald Trump deklaroi së fundmi se hapësira ajrore e Venezuelës do të “mbyllet plotësisht”, teksa shpalli disa rrjete kriminale venezuelase si “organizata të huaja terroriste”. Qeveria e Karakasit reagoi ashpër ndaj këtyre deklaratave dhe i dënoi ato.

  • Maduro konfirmon telefonatën me Trumpin, mirëpret dialogun mes përshkallëzimit ushtarak

    Maduro konfirmon telefonatën me Trumpin, mirëpret dialogun mes përshkallëzimit ushtarak

    Presidenti i Venezuelës, Nicolas Maduro, konfirmoi të mërkurën se ka folur në telefon me homologun e tij amerikan, Donald Trump, rreth 10 ditë më parë.

    Thirrja u iniciua nga Shtëpia e Bardhë dhe u zhvillua “me një ton respekti”, tha Maduro gjatë një eventi të transmetuar nga televizioni shtetëror Venezolana de Television.

    Trump e konfirmoi shkurtimisht bisedën të dielën, por ofroi pak detaje.

    “Nuk do të thoja që shkoi mirë apo keq. Ishte një telefonatë,” tha ai.

    Maduro ishte optimist për kanalin diplomatik.

    “Nëse kjo thirrje do të thotë se po ndërmerren hapa drejt dialogut të respektueshëm midis shteteve, midis vendeve, atëherë dialogu është i mirëpritur, diplomacia është e mirëpritur, sepse ne gjithmonë do të kërkojmë paqe”, tha ai, duke theksuar më pas mesazhin e tij në anglisht.

    “Mirë se vini dialog, mirë se vini diplomatë, mirë se vini paqe. Paqe, po. Luftë, kurrë, kurrë në jetën tuaj”, tha ai.

    Thirrja telefonike ndodhi mes një përshkallëzimi të ndjeshëm të tensioneve ushtarake dhe operacioneve amerikane që synonin Venezuelën.

    Tensionet u rritën të shtunën e kaluar pas njoftimit të Trump se hapësira ajrore “mbi dhe përreth” Venezuelës do të konsiderohej e mbyllur “në tërësinë e saj”.

    Në gusht, SHBA-të vendosën një flotë anijesh luftarake në Karaibe dhe në nëntor transportuesin më të madh të avionëve në botë, duke përmendur nevojën për të luftuar trafikun e drogës.

    Që nga shtatori, SHBA-të kanë kryer të paktën 21 sulme ajrore si në Detin e Karaibeve ashtu edhe në Oqeanin Paqësor Lindor ndaj anijeve të dyshuara për transportimin e narkotikëve, duke vrarë të paktën 83 persona.

    Më herët këtë javë, Trump përsëriti paralajmërimin e tij se së shpejti do të fillojë të shënjestrojë rrjetet venezueliane të trafikimit të drogës “nga toka”.

    Ndërsa administrata Trump pohon se po e synon Venezuelën si pjesë të një përpjekjeje për të luftuar trafikun e drogës në rajon, qeveria e Maduros kundërshton duke thënë se Uashingtoni po kërkon të “përvetësojë rezervat e mëdha të naftës së Venezuelës përmes përdorimit vdekjeprurës të forcës ushtarake”, duke sugjeruar se përpjekjet kundër drogës janë thjesht bazë për një përpjekje për ta larguar në mënyrë të paligjshme Maduron nga pushteti./ AA.

  • Trump paralajmëron: Së shpejti fillojmë sulmet ndaj objektivave në tokën e Venezuelës! Do t’i shtypim bastardët

    Trump paralajmëron: Së shpejti fillojmë sulmet ndaj objektivave në tokën e Venezuelës! Do t’i shtypim bastardët

    Presidenti amerikan Donald Trump deklaroi të martën se Shtetet e Bashkuara janë gati të nisin shumë shpejt sulme ndaj objektivave brenda territorit të Venezuelës, duke e ashpërsuar dukshëm retorikën kundër rrjeteve të trafikut të drogës në rajon.
    “Do të fillojmë t’i kryejmë këto goditje edhe në tokë,” tha Trump gjatë një mbledhjeje të kabinetit, duke shtuar se “e dimë ku jetojnë, e dimë ku ndodhen kriminelët dhe shumë shpejt do të veprojmë”.
    Ai pretendoi se grupet kriminale “vranë mbi 200.000 njerëz vitin e kaluar”, duke premtuar se SHBA “do t’i shkatërrojë këta banditë”. Përveç Venezuelës, Trump përmendi edhe Kolumbinë si mundësi për operacione të ardhshme, pavarësisht marrëdhënieve më të mira mes dy vendeve. “Ata prodhojnë kokainë dhe e shesin në SHBA, ndaj ndërhyrjet mund të ndodhin edhe në territorin e tyre,” deklaroi ai.
    Sipas CNN, Trump prej javësh po shqyrton mundësinë e goditjes së objektivave brenda Venezuelës, ndërsa deklaratat e tij të fundit përputhen me komentet e bëra gjatë një bisede me ushtrinë amerikane në Ditën e Falënderimeve, ku po ashtu paralajmëroi se operacionet tokësore “do të nisin shumë shpejt”.
    Ndërkohë, taktikat e Departamentit të Mbrojtjes po përballen me kritika të ashpra, sidomos pas raportimeve se Pentagoni kreu një sulm të dytë ndaj një skafi pasi i pari nuk eliminoi të gjithë personat në bord.
    Trump i mbrojti veprimet, duke i quajtur të domosdoshme për të frenuar trafikun e drogës drejt SHBA-së. “Kushdo që shet drogë në vendin tonë bëhet objektiv goditjeje,” tha presidenti amerikan.