Kolegji i Posaçëm i Apelimit ka lënë në fuqi vendimin e KPK në lidhje me prokurorin Kujtim Basha.
Më 18 tetor të vitit 2023, KPK vendosi shkarkimin nga detyra të prokurorit Basha pasi rezultoi me bilanc negativ prej 12 milionë lejësh në deklarimin e pasurisë.
Vendimi i KPA u mor nga trupi gjykues i përbërë nga Rezarta Schuetz kryesuese, Sokol Çomo relator, Albana Shtylla, Ina Rama, Natasha Mulaj anëtare.
Njoftimi i KPA
Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Sokol Çomo relator, Albana Shtylla, Ina Rama, Natasha Mulaj anëtare, shpalli vendimin për çështjen nr. 57/2023, datë 20.12.2023, që i përket ankimit të subjektit të rivlerësimit Kujtim Bashaj kundër vendimit të Komisionit të Pavarur të Kualifikimit, nr. 705, datë 18.10.2023.
Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:
Lënien në fuqi të vendimit të Komisionit të Pavarur të Kualifikimit nr. 705, datë 18.10.2023, që i përket subjektit të rivlerësimit Kujtim Bashaj.
Ky vendim është përfundimtar dhe ka efekt të menjëhershëm.
Tag: vendimi
-
Lihet në fuqi vendimi i KPK/ KPA shkarkon nga detyra prokurorin Basha
-
KPA lë në fuqi shkarkimin e prokurorit Dritan Gripshi, rikthen në detyrë Dashnor Nuren
Kolegji i Posaçëm i Apelimit, KPA vendosi të martën më 9 dhjetor lënien në fuqi të shkarkimit nga detyra të prokurorit të Beratit, Dritan Gripshi. Vendimi u mor në mënyrë unanime nga trupi gjykues i Kolegjit i kryesuar nga Ina Rama, me relatore Rezarta Schuetz dhe anëtare Albana Shtylla, Mimoza Tasi, e Natasha Mulaj, pas shqyrtimit në dhomë këshillimi të ankimit të Gripshit ndaj vendimmarrjes së Komisionit. Vendimi i KPA është përfundimtar dhe ka efekt të menjëhershëm.
Prokurori i Beratit, Dritan Gripshi u shkarkua nga detyra prej Komisionit të Pavarur të Kualifikimit, KPK më datë 27 mars të vitit 2024, pasi u konkludua se kishte kryer deklarim të pamjaftueshëm të pasurisë. Ndërkohë, ai arriti nivel të besueshëm për pastërtinë e figurës dhe u vlerësua i aftë profesionalisht.
Dritan Gripshi e filloi karrierën në sistemin e drejtësisë në vitin 1996 dhe punoi si prokuror në Elbasan dhe në Durrës, përpara se të emërohej në Prokurorinë e Beratit në vitin 2008. Gripshi u shkarkua nga detyra në vitin 2010 me dekret të Presidentit të kohës me motivacionin e “sjelljeve që diskreditojnë figurën e prokurorit”, por ai fitoi më pas një proces gjyqësor kundër vendimit të shkarkimit dhe u rikthye në detyrë në vitin 2015. Me vendimin e KPA, ai u largua përfundimisht nga sistemi i drejtësisë.
Po ashtu, KPA vendosi ndryshimin e vendimit të Komisionit për shkarkimin e prokurorit të Korçës, Dashnor Nure dhe e konfirmoi atë në detyrë.
Vendimi u mor në mënyrë unanime nga trupi gjykues i Kolegjit i kryesuar nga Natasha Mulaj, me relatore Ina Rama dhe anëtarë Mimoza Tasi, Rezarta Schuetz e Sokol Çomo, pas shqyrtimit në dhomë këshillimi të ankimit të dorëzuar nga prokurori Nure ndaj vendimarrjes së Komisionit.
Vendimi i Kolegjit është përfundimtar dhe ka efekt të menjëhershëm.
Komisioni e shkarkoi prokurorin Nure më 4 shtator të vitit të kaluar, pasi konkludoi se se subjekti nuk arriti nivel të besueshëm në kriterin e pasurisë dhe se në vlerësimin tërësor të të tre kritereve kishte cënuar besimin e publikut – përfundim që u rrëzua si i pabazuar prej Kolegjit.
Dashnor Nure e ka nisur karrierën në sistemin e drejtësisë në vitin 1995 si prokuror në Prokurorinë e Kolonjës. Prej vitit 2007, ai e ushtron funksionin në Prokurorinë e Rrethit Korçë. -
“Duan të rrisin rrogën e tyre me 1600 euro”, Rama për gjyqtarët: Vendimi i turpshëm! Këtë herë nuk do të hesht!
Kryeministri Edi Rama thotë se gjyqtarët po përpiqen të kalojnë përmes një vendimi në Gjykatës Kushtetuese një tjetër rritje të rrogës, prej 1600 eurosh, për magjistratët në Republikën e Shqipërisë. Kryeministri paralajmëron se këtë herë nuk do të heshtë, siç bëri me kërkesën e mëparshme të gjyqtarëve për rritje të rrogës.
“Shoqata e Gjyqtarëve duhet ta dijë, që do të gabonte po kaq shumë sikur të priste heshtjen time për kërkesën e saj skandaloze dhe të përsëritur, ndaj Gjykatës Kushtetuese, për (ri)rritjen e pagave të gjyqtarëve me vendim gjykate, duke rrëmbyer kompetencat e qeverisë e të parlamentit”, tha Rama në një postim në “X”.
“Heshtja ime herën e parë, përpara se sa të merrej ai vendim befasisht i turpshëm, nuk do të përsëritet këtë herë, kur me (ri)kërkesën në fjalë, shoqata e gjyqtarëve po tenton të marrë nga buxheti i shtetit, duke anashkaluar qeverinë dhe parlamentin, një rritje të re prej plot 1600 Eurosh – po po, 1600 Euro plus pagës aktuale – të pagave të magjistratëve e të këshilltarëve të tyre”. -
Nga vendimi për Ballukun, seancat për Berishën e Veliajn, te krerët e rinj të SPAK e BKH: javë intensive për drejtësinë
5 zhvillimet që priten këtë javë nga drejtësia…
Java që vjen duket se do të jetë mjaft intensive për drejtësinë. Çështja që ka më shumë interes është pa dyshim vendimi që do të japë Gjykata Kushtetuese sa i takon padisë së Kryeministrit Edi Rama lidhur me pezullimin e zv/kryeministres Balluku. GJKKO e pezulloi nga detyra, por për Ramën kjo bie ndesh me Kushtetutën, sepse ministri ka imunitet njësoj si deputeti.
Kushtetuesja e ka shtyrë 3 herë vendimin për këtë rast dhe të premten e javës që vjen do të mbahet mbledhja e gjyqtarëve, ku do të vendoset për dy elemente: nëse do të pranohet padia e qeverisë dhe nëse do të pezullohet vendimi i GJKKO-së deri në marrjen e një vendimi final.Në datën 12 është po ashtu një tjetër gjyq me rëndësi. Në GJKKO do të mbahet seanca paraprake ndaj kryebashkiakut Erion Veliaj, pasi edhe për të nuk ka ende një vendim nëse dosja do të kalojë apo jo për gjykim.
Por, para se të vijë e premtja, do të ketë dy mbledhje me shumë intensitet në Këshillin e Lartë të Prokurorisë. Mbledhja e parë është të martën, ku do të zgjidhet kreu i ri i Byrosë Kombëtare të Hetimit. SPAK ka propozuar Joni Ketën si pasardhës të Aida Hajnajt dhe me gjasë ai do të marrë votëbesimin në KLP.
Mbledhja që ka më shumë interes do të jetë të enjten, më 12 dhjetor, pasi do të zgjidhet kreu i SPAK. Në garë janë Klodian Braho, Elvin Gokaj, Doloreza Musabelliu dhe Adnan Xholi. Të enjten ata do të paraqiten para KLP-së për të paraqitur platformat e tyre dhe në fund pritet votimi, ku do të zgjidhet pasuesi i Altin Dumanit.
Ndëkrohë në datën 10 do të mbahet për dosjen “Partizani”, me të pandehur Sali Berishën, dhëndrin e tij, Jamarbër Malltezi dhe tre të tjerët. Senca e datës 25 nëntor u shty për në datën 10 dhjetor. Shkak u bë mungesa e avokatit Sokol Hazizaj dhe e Vasilika Hysit që mbrojnë Fatmir Bektashi dhe dy kompanitë.
Dosja për aferën Partizani kaloi për gjykim më 19 maj. Berisha do të gjykohet për akuzën e korrupsionit pasiv të zyrtarëve të lartë pasi akuzohet se, në cilësinë e kryeministrit, ka ndërmarrë veprime konkrete në miratim ligjesh dhe aktesh nënligjore, ku përfitues ishte edhe dhëndri i tij.
Pra, duket se fokusi i javës që vjen do të jetë te drejtësia. -
Rrëzohet vendimi i KQZ-së, PZAP certifikon Listën Serbe për zgjedhjet e 28 dhjetorit
selia e listes serbe
KOSOVË- Paneli Zgjedhor për Ankesa dhe Parashtresa (PZAP) ka vendosur që ta certifikojë Listën Serbe për zgjedhjet e parakohshme parlamentare të 28 dhjetorit.
Përmes një vendimi të publikuar më 5 dhjetor, PZAP-ja tha se Komisioni Qendror i Zgjedhjeve nuk ka ofruar “asnjë arsyetim” për refuzimin e rekomandimit për certifikimin e Listës Serbe për pjesëmarrje në zgjedhje.
“… Pranohet rekomandimi i Zyrës për Certifikim dhe Kontroll Financiar në KQZ, i datës 2 dhjetor, certifikohet subjekti politik Lista Serbe për pjesëmarrje në zgjedhjet e parakohshme”, u tha në vendimin e publikuar më 5 dhjetor.
Sipas PZAP-së, vendimi i KQZ-së është “i mangët, jo i plotë dhe nuk i trajton çështjet dhe faktet vendimtare që lidhen me vlerësimin e kushteve ligjore për certifikimin e subjektit politik”.
Ky panel tha se Lista Serbe ka plotësuar kushtet e parapara me ligj për pjesëmarrje në zgjedhje.
Lista Serbe përmes një njoftimi tha se është informuar zyrtarisht nga PZAP-ja se ka pranuar ankesën e këtij subjekti kundër vendimit “të paligjshëm” të KQZ-së.
“Kjo është edhe një fitore e vogël, por e rëndësishme e popullit serb”, tha Lista Serbe.
Në mbledhjen e 2 dhjetorit, rekomandimi për certifikimin e Listës Serbe – partisë kryesore të serbëve në Kosovë që gëzon mbështetjen e Beogradit – mori vetëm dy vota për, dy ishin kundër dhe shtatë anëtarë abstenuan.
Anëtarët e Lëvizjes Vetëvendosje në KQZ, Sami Kurteshi dhe Alban Krasniqi, ishin të vetmit që votuan kundër.
Kurteshi tha gjatë mbledhjes se “e kam thënë gjithmonë se kjo parti punon kundër interesave të Kosovës”.
Vendimi u kritikua nga Serbia dhe u dënua nga bashkësia ndërkombëtare.
Kjo ishte hera e tretë që Lista Serbe u përball me përpjekje për të mos ia lejuar pjesëmarrjen në zgjedhje qoftë parlamentare apo lokale këtë vit.
Ambasada e Shteteve të Bashkuara në Prishtinë tha në Facebook të mërkurën se përpjekjet e Lëvizjes Vetëvendosje për të bllokuar certifikimin e Listës Serbe “janë shkurtpamëse dhe përçarëse”.
Zyra e Bashkimit Evropian në Prishtinë theksoi se “politizimi i KQZ-së nga Lëvizja Vetëvendosje dhe partitë e tjera politike është i dëmshëm për procesin zgjedhor gjithëpërfshirës”.
Jonathan Hargreave, ambasador i Mbretërisë së Bashkuar, u shpreh se ndihet “i shqetësuar” për përpjekjen e fundit nga aktorët politikë për të mos e lejuar Listën Serbe të marrë pjesë në proceset zgjedhore.
“Veprime të tilla rrezikojnë të minojnë reputacionin e fituar me vështirësi të Kosovës si një demokraci shumetnike dhe të dëmtojnë marrëdhëniet me partnerët e saj të ngushtë”, tha Hargreaves në Facebook.
Ndërsa, Ambasada e Gjermanisë shprehu “keqardhjen për sjelljen penguese të disa anëtarëve” të KQZ-së.
“Procesi zgjedhor dhe përgatitjet teknike për zgjedhjet duhet të jenë të lira nga manovrimet politike të aktorëve politikë”, shkroi ajo në Facebook.
Edhe për zgjedhjet parlamentare të 9 shkurtit dhe ato lokale të 12 tetorit, KQZ-ja nuk e kishte certifikuar Listën Serbe. Vendimi më pas ishte rrëzuar nga PZAP-ja./REL -
Çfarë vendimi do japë GJK për Ballukun më 12 dhjetor? Mërtiri jep detaje: Ja faktorët që ndikojnë
Pedagogu, Ergys Mërtiri, theksoi se do të jetë interesant vendimi i Gjykatës Kushtetuese më 12 dhjetor ndaj zv.kryeministres Belinda Ballukut. Ai tha se Gjykata Kushtetuese nuk ka fuqi për të marrë vendime autonome.
Mërtiri shton se GJK më 12 dhjetor mund të ndikohet nga presioni i publikut ose i politikës
“Gjykata Kushtetuese deri tani ka treguar se nuk ka fuqi dhe forcë për të pasur autoritetin e duhur, për të marrë vendime të drejta dhe autonome.Është një gjykatë që është ndikuar shumë nga presione mediatike dhe politike.
Presioni në gjykatën është i madh. Vendimi për Ballukun do të ndikohet nga do ndikohet më shumë nga presioni publik apo politik. Këtë vlen ta shohim.
Nuk është hera e parë që GJK zhgënjen. Për mua mendimi që mori për të mbrojtur Veliajn ishte shumë i madh, këtu ajo tregon që hëngri presionin e madh të publikut. Në këtë radhë publiku është në krahun tjetër dhe Rama në krahun tjetër.
Publiku do që të dënohet Balluku kurse Rama do ta mbrojë. Varet se kë presion do hajë më shumë kjo gjykatë. Shpresoj që fajtorët të shkojnë para drejtësisë.”, tha Mërtiri. -
Certifikohet pjesëmarrja e Listës Serbe në zgjedhjet e 28 dhjetorit në Kosovë
Paneli Zgjedhor për Ankesa dhe Parashtresa (PZAP) ka ndryshuar vendimin e Komisionit Qendror të Zgjedhjeve (KQZ), duke certifikuar pjesëmarrjen e Listës Serbe në zgjedhjet e parakohshme parlamentare që do të mbahen më 28 dhjetor 2025 në Kosovë.
Vendimi i PZAP-së u publikua sot, pas ankesës së paraqitur nga Lista Serbe, partia më e madhe që përfaqëson komunitetin serb në Kosovë, e cila ishte përjashtuar nga gara më 2 dhjetor me vendim të KQZ-së.
Në arsyetimin e saj, PZAP-ja thekson se vendimi i KQZ-së ka qenë i paligjshëm dhe jokushtetues, duke shkelur disa nene të Kushtetutës dhe Ligjit për Zgjedhjet e Përgjithshme.
“Vendimi i KQZ-së është në kundërshtim me nenet 31 dhe 45 të Kushtetutës, si dhe me nenet 16, 17, 26, 27 dhe 30 të Ligjit për Zgjedhjet e Përgjithshme. Urdhërohet KQZ-ja ta konfirmojë subjektin politik Lista Serbe në përputhje me ligjin,” – thuhet në dokumentin zyrtar të PZAP-së.
Ky është rasti i tretë radhazi ku PZAP i jep të drejtë Listës Serbe pas refuzimit të certifikimit nga KQZ-ja. Situata e ngjashme kishte ndodhur edhe gjatë zgjedhjeve parlamentare të 9 shkurtit dhe atyre lokale të 12 tetorit, ku PZAP ndërhyri duke lejuar pjesëmarrjen e këtij subjekti politik.Në mbledhjen e së martës, dy anëtarë të Lëvizjes Vetëvendosje kishin kundërshtuar certifikimin e Listës Serbe, ndërsa kryesuesi Kreshnik Radoniqi dhe anëtarja serbe e KQZ-së kishin votuar pro. Shtatë anëtarët e tjerë zgjodhën të abstenonin, duke lënë në fuqi refuzimin – deri në ndërhyrjen e sotme të PZAP-së.
Me këtë vendim, Lista Serbe do të jetë pjesë e garës për zgjedhjet e parakohshme të 28 dhjetorit, që konsiderohen kyçe për përfaqësimin politik të komuniteteve në veri të Kosovës. -
Do të duhet të marrin vendimin më të madh të vitit në Dhjetor/ Ja zgjedhjet që duhet të bëjnë këto shenja të horoskopit
Dhjetori vjen me tension, të vërteta që dalin në sipërfaqe dhe nevojë për sqarime të rëndësishme.Astrologët paralajmërojnë se pikërisht në mesin e muajit, dy shenja të caktuara do të gjenden përballë vendimit më të madh të vitit, një zgjedhje që mund t’u ndryshojë drejtimin e jetës dhe të ndikojë edhe në vitin 2026.
Peshorja
Në mesin e dhjetorit, katrori Venus–Pluton pritet të sjellë në sipërfaqe tensione emocionale që peshorja i ka shmangur prej kohësh. Dëshira e kësaj shenje për ekuilibër dhe harmoni nuk mjafton më, sepse realiteti kërkon një qëndrim të qartë.
Një person i rëndësishëm ose një marrëdhënie e gjatë mund të arrijë në një pikë kritike, ku hapja, ndershmëria dhe diskutimi i sinqertë bëhen të domosdoshme. Peshorja vihet përballë një vendimi thelbësor: të vazhdojë një situatë të njohur, por jo funksionale, apo të zgjedhë një rrugë më autentike, më të lirë dhe më të drejtë për vetveten. Vendimi është i vështirë, por është edhe çlirimtar.
Demi
Demi, shenja që e vlerëson sigurinë dhe qëndrueshmërinë, do të përballet me një ndryshim të fortë në mes të dhjetorit. Çështje profesionale të lëna pezull prej muajsh dalin më në fund në pah, duke e vënë në pikëpyetje të gjithë strukturën e deritanishme. Dilema kryesore për demin lidhet me karrierën: të qëndrojë në një pozicion të njohur, por që nuk sjell më zhvillim, apo të marrë një hap të ri drejt një të ardhmeje më premtuese.
Në lojë mund të jenë dorëheqja, ndryshimi i rolit profesional, kërkimi i një rruge të re apo edhe nisja e një sipërmarrjeje personale. Vendimi i marrë në këtë periudhë është afatgjatë dhe mund të hapë derën drejt më shumë lirie, rritjeje dhe përmbushjeje profesionale.
-
Duhet të keni kujdes! Zbuloni dy shenjat e horoskopit që do të duhet të marrin vendimin më të madh të vitit në Dhjetor
Dhjetori vjen me tension, të vërteta që dalin në sipërfaqe dhe nevojë për sqarime të rëndësishme.
Astrologët paralajmërojnë se pikërisht në mesin e muajit, dy shenja të caktuara do të gjenden përballë vendimit më të madh të vitit, një zgjedhje që mund t’u ndryshojë drejtimin e jetës dhe të ndikojë edhe në vitin 2026.
Peshorja – Në mesin e dhjetorit, katrori Venus – Pluton pritet të sjellë në sipërfaqe tensione emocionale që peshorja i ka shmangur prej kohësh. Dëshira e kësaj shenje për ekuilibër dhe harmoni nuk mjafton më, sepse realiteti kërkon një qëndrim të qartë. Një person i rëndësishëm ose një marrëdhënie e gjatë mund të arrijë në një pikë kritike, ku hapja, ndershmëria dhe diskutimi i sinqertë bëhen të domosdoshme. Peshorja vihet përballë një vendimi thelbësor: të vazhdojë një situatë të njohur, por jo funksionale, apo të zgjedhë një rrugë më autentike, më të lirë dhe më të drejtë për vetveten. Vendimi është i vështirë, por është edhe çlirimtar.Demi – Shenja që e vlerëson sigurinë dhe qëndrueshmërinë, do të përballet me një ndryshim të fortë në mes të dhjetorit. Çështje profesionale të lëna pezull prej muajsh dalin më në fund në pah, duke e vënë në pikëpyetje të gjithë strukturën e deritanishme. Dilema kryesore për demin lidhet me karrierën: të qëndrojë në një pozicion të njohur, por që nuk sjell më zhvillim, apo të marrë një hap të ri drejt një të ardhmeje më premtuese. Në lojë mund të jenë dorëheqja, ndryshimi i rolit profesional, kërkimi i një rruge të re apo edhe nisja e një sipërmarrjeje personale. Vendimi i marrë në këtë periudhë është afatgjatë dhe mund të hapë derën drejt më shumë lirie, rritjeje dhe përmbushjeje profesionale.