Nuk mund të ketë futboll pa drejtësi në fushë dhe për këtë arsye një trofe i veçantë në Mbrëmjen Gala “Topi i Artë 2025” do të jepet për të vlerësuar edhe “Arbitrin e Vitit 2025”.
Për këtë trofe, arbitrat shqiptarë kanë nominuar katër emra: Emanuela Rusta, Florjan Lata, Juxhin Xhaja dhe Kreshnik Cjapi.
Fituesi i këtij trofeu për këtë edicion do të zbulohet mbrëmjen e 15 dhjetorit në Teatrin e Operas dhe Baletit. Të gjithë shikuesit mund ta ndjekin live spektaklin në Klan Tv duke nisur nga ora 20:00 .
Tag: trofe
-
Mbrëmja Gala “Topi i Artë 2025/ “Arbitri i Vitit”, këta janë 4 emrat e nominuar për këtë edicion
-
“Arbitri i Vitit” në Shqipëri, zbulohen 4 të nominuarit
9 Dhjetor 2025
16:49
Telesport
Nuk mund të ketë futboll pa drejtësi në fushë dhe për këtë arsye një trofe i veçantë në Mbrëmjen Gala “Topi i Artë 2025” do të jepet për të vlerësuar edhe “Arbitrin e Vitit 2025”.
Për këtë trofe, arbitrat shqiptarë kanë nominuar katër emra: Emanuela Rusta, Florjan Lata, Juxhin Xhaja dhe Kreshnik Cjapi.
Fituesi i këtij trofeu për këtë edicion do të zbulohet mbrëmjen e 15 dhjetorit në Teatrin e Operas dhe Baletit. Të gjithë shikuesit mund ta ndjekin live spektaklin në Klan Tv duke nisur nga ora 20:00 . -
Xabi Alonso ka dy kushte për drejtuesit e Real Madridit, nëse duan të fitojnë trofe këtë sezon
1 Dhjetor 2025
18:30
Telesport
Real Madrid nuk shkoi më shumë se barazimi 1-1 në transfertën e fundit ndaj Girona, i treti rresht për madrilenët në La Liga, duke konfirmuar një krizë të dukshme.
“Defensa Central” zbulon se Xabi Alonso ka kërkuar ndërhyrje në merkaton e janarit nga drejtuesit e klubit, nëse duan që të fitojnë trofe në fund të sezonit. Alonso ka nevojë për një sulmues të ri për të ndihmuar me presionin dhe për të prishur lojën e kundërshtarit, diçka që as Kylian Mbappé dhe as Vinicius nuk po e bëjnë aktualisht.
Alonso gjithashtu beson se nevojitet një mesfushor që mund të diktojë ritmin dhe të kontrollojë lojën. Kjo ishte pikërisht arsyeja pse ai kërkoi ardhjen e Martín Zubimendi-t, i cili në fund u transferua tek Arsenal. -
“Ai është i rrallë. Pa të nuk fitohen trofe!” Për kë e ka fjalën trajneri Allegri?
30 Nëntor 2025
10:07
Telesport
Pas ndeshjes kaotike me Lazion, trajneri i Milanit Allegri ka zbuluar me pak fjalë lojtarin e tij të preferuar. Jo se nuk e dinim, por kësaj here e ka thënë më hapur se kurrë dhe, jo pa të drejtë.
“Nuk doja ta ofendoja gjyqtarin, por nuk i vë faj për vendimin e tij. Ishin minuta kaotike në fund dhe ai mori një vendim, kaq. Patëm vështirësi, sepse Lazio bëri shumë presing, por ia dolëm me aq sa mundëm”.
“Leao ka qenë qendërsulmues kur luante te Lille, kështu që ky pozicion për të nuk është i ri. Rabiot? Krahasuar me kohën kur luante në Torino, është përmirësuar shumë. Ka fizikun, është taktikisht inteligjent dhe lojtar skuadre. Pa lojtarë të tillë, harroje se mund të fitosh trofe. Ai ka një motorr si pak mesfushorë të tjerë”, ka deklaruar Allegri. -
Amorim: Jemi larg asaj që na duhet për të luftuar për trofe, frikë mos përsëritim sezonin e kaluar
Trajneri i Manchester United, Ruben Amorim, ka pohuar se skuadra e tij nuk është afër asaj që duhet të jetë dhe shpreson që të “luftojnë me njëri-tjetrin” pas humbjes ndaj Everton, që luajti mbi një orë me 10 lojtarë. Skuadra e Amorim dështoi të shkatërronte një ekip që ka grumbulluar vetëm një fitore jashtë fushe gjatë gjithë sezonit.
Kjo përfaqëson një pikë të re të ulët për Amorim, i cili festoi një vit në krye të United në një mënyrë të zymtë. “Ne nuk jemi aty, as afër pikës që duhet të jemi për të luftuar për pozicionet më të mira. Kemi shumë për të bërë. Duhet të jemi perfektë për të fituar ndeshje, nuk ishim perfektë dje”, tha Amorim.
“Kur të shohim rezultatet e fundjavës, duhet të zbresim në fushë me një entuziazëm tjetër. “Old Trafford” ishte aty duke thënë ‘jemi të gjithë këtu për një hap të madh përpara’. Dhe ne nuk ishim gati”, shtoi trajneri portugez.
Më tej, Amorim tha: “Këto pesë javë, të gjithë po lavdërojnë evolucionin tonë. Por unë gjithmonë them të njëjtat gjëra: nuk jemi as afër momentit që duhet të jemi në këtë klub. Dua që lojtarët e mi, kur humbasin topin, të luftojnë me njëri-tjetrin për ta rifituar atë”.
Amorim gjithashtu pranoi se është i shqetësuar për rikthimin në ndjesinë e sezonit të kaluar, i cili përfundoi me një vend të 15-të, pa trofe dhe pa futboll evropian për këtë sezon. “Kam frikë të rikthehem në këtë ndjesi të sezonit të kalua. Ky është shqetësimi im më i madh. Duhet të punojmë së bashku. Lojtarët po përpiqen, por ne duhet të jemi më të mirë“, deklaroi Ruben Amorim. -
Zogaj: PD pagoi “kapelen e Lacivita-s” shumë shtrenjtë, nuk i solli asnjë trofe Berishës
Analisti Preç Zogaj, i ftuar në emisionin “Trialog” në RTSH, ka komentuar çështjen e pagesës prej 1.4 milionë euro që Partia Demokratike ka paguar strategun Chriss Lacivita për fushatën elektorale të 11 majit 2025.
Sipas Zogajt, pagesa ishte shumë e lartë, ndërsa vlerësoi se në Shqipëri ka profesionistë më të aftë që mund të kishin realizuar me sukses fushatën e PD-së.
“Është deklaruar shuma dhe duhet theksuar kjo, sepse është respektuar transparenca. Në dijeninë time, Lacivita ka ardhur dy herë në Shqipëri. Në vlerësimin tim, ka njerëz shumë më të zotë këtu për të bërë atë spektakël, por në këtë rast PD ka paguar kapelen e Lacivita-s. Shumë shtrenjtë kjo kapele, sepse nuk i solli asnjë trofe Berishës,” u shpreh Zogaj.
Sipas analistit, Zogaj, pagesat ndaj tij do të kishin justifikim nëse do të sillnin një rezultat konkret për ish-kryeministrin Sali Berisha, por që sipas tij, nuk i solli asnjë trofe këtij të fundit.
“Pagesat do kishin një justifikim nëse do t’i sillte ndonjë trofe, t’i hiqej ‘non grata’ të paktën, ose t’i jepej një vizë për të shkuar në Nju Jork. Asnjë nga këto, asgjë nuk ndryshoi. Numri i votuesve për PD u zvogëlua. Nuk mendoj se Berisha është i kënaqur me pagesën, sepse i ka kushtuar shumë një kapele,” shtoi Zogaj. -
Nderim mbretëror për David Beckham
Pas një karriere 21-vjeçare plot me çmime, trofe dhe momente të paharrueshme, David Beckham më në fund ka marrë nderimin e lakmuar që i mungonte, titullin e kalorësit.
Mbreti Charles III nderoi legjendën 50-vjeçare të futbollit anglez të martën në mëngjes për shërbimet e tij ndaj sportit dhe bamirësisë, në një ceremoni në Kështjellën Windsor.I veshur me një kostum të dizenjuar posaçërisht për këtë rast nga gruaja e tij, Victoria Beckham, ish-kapiteni i Anglisë u prit nga Mbreti Charles, i cili i dha atij nderimin, duke vulosur rrugën e tij si një nga futbollistët më të rëndësishëm të gjeneratës së tij.
Beckham u shoqërua nga prindërit e tij, Ted dhe Sandra, dhe gruaja e tij, e cila kishte zgjedhur një fustan të zi të ngushtë të dizenjuar ekskluzivisht nga shtëpia e saj e modës.
Ai dhe Victoria u martuan në vitin 1999 dhe kanë katër fëmijë së bashku, Brooklyn, Romeo, Cruz dhe Harper.Karriera e legjendës së futbollit anglez
Rruga e tij filloi me përulësi, në oborrin e shtëpisë së tij në Leytonstone, ku Davidi i vogël do të praktikonte pafundësisht goditjet e tij të lira, nën syrin vigjilent të babait të tij. Në vitin 1993, ai nënshkroi për Manchester United si adoleshent, duke hapur rrugën për një karrierë plot sukses brenda dhe jashtë fushës.Beckham mbetet deri më sot i vetmi futbollist britanik që ka fituar tituj lige në katër vende të ndryshme. Me United ai fitoi gjashtë tituj Premier League, dy Kupa FA dhe ishte pjesë e tripletës historike në vitin 1999, kur skuadra e Sir Alex Ferguson mundi Bayern Munich në finalen e Ligës së Kampionëve.
Në vitin 2003 ai u transferua në Real Madrid, së bashku me yje të tillë si Ronaldo dhe Zinedine Zidane. Edhe pse kaloi një periudhë pa fituar asnjë titull, ai më në fund fitoi La Liga-n në vitin 2007, pak para se të nisej për në Shtetet e Bashkuara, ku e forcoi futbollin e tij përmes pjesëmarrjes së tij në Los Angeles Galaxy, duke fituar dhjetë trofe.
Ai gjithashtu u transferua në Milano për dhjetë muaj për Milanin, në huazim nga klubi amerikan (janar deri në maj 2009 dhe janar deri në maj 2010).
Në vitin 2013, ai e përfundoi karrierën e tij me Paris Saint-Germain, duke fituar kampionatin e Ligue 1.
Ai ka luajtur 115 herë për ekipin kombëtar të Anglisë, 58 prej të cilave si kapiten, që nga debutimi i tij në vitin 1996 kundër Moldavisë.
Pavarësisht sukseseve të tij, ai nuk ka arritur të fitojë një trofe ndërkombëtar, megjithëse ka luajtur në pesë turne radhazi, përfshirë tre Kupa Bote.Një moment nga viti 2001 mbetet i paharrueshëm, kur ai shënoi një gol të minutës së fundit me goditje dënimi kundër Greqisë për të siguruar vendin e Anglisë në Kupën e Botës 2002.
Jashtë fushës, martesa e tij me stilisten e modës dhe ish-këngëtaren e Spice Girls, Victoria Beckham, në vitin 1999 e përforcoi çiftin si një nga më të njohurit në botë.
Siç zbuloi Daily Mail, para ceremonisë, vetë Victoria dizenjoi kostumin me tre pjesë që veshi bashkëshorti i saj, një projekt që filloi në qershor kur çifti mësoi për nderin e ardhshëm.
Krahas karrierës së tij në futboll, Beckham ka mbështetur nisma të shumta bamirësie, duke shërbyer si Ambasador i Vullnetit të Mirë të UNICEF-it që nga viti 2005.
Në vitin 2024, ai u emërua ambasador për King’s Foundation, një organizatë arsimore e themeluar në vitin 1990 nga vetë Charles.
“Gjithmonë kam qenë një mbështetës i madh i familjes mbretërore, u rrita në një shtëpi që i donte ata thellësisht”, i tha ai revistës Town & Country në janar. “Kur Mbreti më kërkoi të bashkohesha me fondacionin e tij, u ndjeva shumë i nderuar dhe krenar – menjëherë e thirra nënën time.” /tesheshi.com/ -
“Dua të fitoj trofe me Atletico, me trajnerin Simeone nuk kam patur kurrë asnjë përplasje”
29 Tetor 2025
12:41
Telesport
Julian Alvarez, lojtari yll i Atlético Madrid këtë sezon, foli për DAZN rreth zhvillimit të tij si futbollist nën drejtimin e trajnerit Diego Simeone. Argjentinasi foli edhe për shpirtin e tij konkurrues dhe incidenteve kontroverse, siç ishte reagimi i tij pasi u zëvendësua kundër Mallorca.
Alvarez përsëriti ambicien e tij: Të fitojë trofe me Atlético: “Kur mbërrita, e dija se do të më jepnin hapësirën për t’u rritur dhe për të gjetur veten time. Sezoni i kaluar ishte pozitiv në nivelin personal. Na mungonin disa detaje për të fituar tituj, por unë po vij këtu për të vazhduar të përmirësohem dhe të ndihmoj ekipin”.
Lidhur me golat, ai shtoi: “Shpresoj të bëj më mirë se vitin e kaluar, por më shumë sesa të shënoj gola jam i interesuar të fitoj me këtë klub. Kemi një ekip të shkëlqyer, me lojtarë të klasit të lartë. Duhet të vazhdojmë të përmirësojmë aspekte të caktuara për të garuar në të gjitha turnetë”.
Ai sqaroi episodin e zëvendësimit kundër Mallorca. “Ishte një reagim zemërimi me veten time, asgjë më shumë. Nuk kisha luajtur mirë dhe doja ta ndreqja. Mediat sociale e ekzagjeruan, por nuk pati kurrë ndonjë problem me Cholo. Përqafimi pas Rayo shërbeu për të treguar se gjërat në dhomën e zhveshjes janë të ndryshe nga ajo që thonë njerëzit“, tha Alvarez. -
“Thatësira” e pabesueshme saudite e Ronaldos, ka fituar 0 trofe nga 13 të mundshëm
Megjithëse ka fituar 35 tituj gjatë karrierës së tij dhe dominoi Europën me Real Madridin, portugezi Ronaldo ende nuk ka arritur të fitojë asnjë trofe që kur iu bashkua Arabisë Saudite. Mbrëmjen e kaluar u shfaqën përsëri fantazmat e një “thatësire” që nuk ndalet; tashmë 13 humbje në finale apo mundësi të tjera për trofe. Këtë herë humbja erdhi ndaj Al Ittihad, në Kupën e Arabisë Saudite, ku Benzema dhe Aouar dominuan, ndërsa CR7 nuk arriti të regjistronte asgjë përveç një goditjeje të humbur.
Që nga mbërritja e tij tek Al Nassr, bilanci është 0 trofe nga 13 të mundshëm për Cristianon, duke përfshirë 3 Liga, 4 Kupa, 2 Liga të Kampionëve të Azisë dhe 4 Superkupa, ku humbja e fundit erdhi nga seria e penalltive këtë vit. Megjithatë, në Ligën e Arabisë, situata është më pozitive. Me Jorge Jesus dhe Joao Félix, Al-Nassr ka fituar 6 nga 6 ndeshje dhe kryeson renditjen me 18 pikë.
Tre sulmues të kësaj skuadre janë në top 10 golashënuesit e ligës. Félix kryeson me 9 gola dhe një asist, Cristiano është i treti me 6 gola dhe një asist, ndërsa Coman ka shënuar 3 gola dhe ka dhënë 4 asistime. Me këto performanca dhe dëshirën e madhe për fitore, titujt priten të vijnë nëse Al-Nassr vazhdon kështu, por eliminimi i hershëm nga Kupa mund të ndikojë te moralit i klubit.Karim Benzema ka shpërndarë KËTË FOTO në Instagram, pasi mposhti dhe eliminoi CR7
-
Fitoi 14 trofe duke luajtur vetëm 4 ndeshje, portieri veteran i jep lamtumirën futbollit
Scott Carson, portieri i njohur i Manchester City dhe “heroi kult” për tifozët, ka vendosur të tërhiqet nga futbolli në moshën 40-vjeçare. Ai përfundoi një periudhë 6-vjeçare me klubin nga “Etihad” kësaj vere, duke fituar 4 tituj të Premier League dhe Champions League me skuadrën e Pep Guardiolës (14 trofe në total, duke luajtur vetëm 4 ndeshje).
Carson debutoi profesionalisht te Leeds United më 2004 dhe ka luajtur për 10 klube gjithsej, duke përfshirë Liverpool, Derby County dhe West Brom, si dhe ka 4 paraqitje me Anglinë. Ai postoi në Instagram: “Pas një udhëtimi të jashtëzakonshëm, është koha ‘t’i var dorashkat’. Futbolli më ka dhënë gjithçka; kujtime, miqësi dhe momente që nuk do t’i harroj kurrë”.
Te Manchester City, pavarësisht se luajti vetëm 117 minuta si portier i tretë pas Ederson dhe Stefan Ortega, u bë ikonë për tifozët, duke përfshirë tripletën 2023. Paraqitja e tij e fundit konkurruese ishte si zëvendësues në Champions League ndaj Sporting, në mars 2022. Shumë bashkëlojtarë e lavdëruan, përfshirë Manuel Akanji që e quajti “legjendë absolute”, Fernandinho “The Goat”, dhe Erling Haaland “Më mungon shoku, të uroj gjithë të mirat”.